3.10 ವಿವರಣೆ
3.20 ಶಬ್ದ ವ್ಯುತ್ಪತ್ತಿ- ಅರ್ಥ ಸಾಮಾರ್ಥ್ಯ
3.30 ಶಬ್ದ ವ್ಯುತ್ಪತ್ತಿ ಶಾಸ್ತ್ರದ ಅಧ್ಯಯನ ಸೂತ್ರಲು
3.40 ಸಂಸ್ಕೃತ ಅಂಚನೇ ಪರದೇಶದ ಭಾಷೆಲೆಡ್ ದ್ರಾವಿಡ ಪದಲು (ಎಳ್ಯ ಕೋಶ)
[ವಾಚಕರೆಗ ಒಂಜಿ ಸೂಚನೆ: ಈ ಪ್ರಕರಣೊಡು ಪ್ರಾಯೋಗಿಕವಾದ ವ್ಯಂಜನಾಂತ
ಅಕ್ಷರಲೆನ "." ದಾಂತೆ ಮುದ್ರಣ ಮಲ್ತ್‌ದ್‌ಂಡ್. ಇನ್ನಗ "ಮಲ್ತ್‌ಂಡ್‌' ಇನ್ಪಿನ ಮಲ್ಲ ದಿಂಡಿ
ವಾಕ್ಯಲೆಡ್ ವಾಕ್ಯಲೆಡ ಆದುಂಡು.
ಬುದಾನಂದಂ ಪಣ್ತಿನ ಈ ವಿಧಾನ ತುಳು ಬರವಣಿಗೆ ವೇಗೋಡು ಬರೆವರ
ಅನುಕೂಲವಾವು. ದುಂಬಗ ಗಣಕ-ಅಕ್ಷರೊನು font ವಂತೆ ಬದಲ ಮಲ್ತ್ ದ್ , ಇನ್ನಗ
ತರೆತ ಅಡ್ಡಗೆರೆನ ವಂತೆ ಉದ್ದ ಮಲ್ತ ದ ಮುದ್ರಣ ನನಲಾ ಪೊರ್ಲಾಪಿನಲೆಕ್ಕೊ ಮಲ್ಪರೆ
ಸಾಧ್ಯವುಂಡು. -ಸಂ.]
ವಿವರಣೆ
3.10 ಪಾತೆರೊ ಇನ್ನಗ ವಾಕ್ಯಲು ಅಥವಾ ವಾಕ್ಯ ಸಮುದಾಯಲು
ಪಾತೆರೊಗು ದಿಂಜ ಅರ್ಥ ಸಾಮರ್ಥ ವಿಪ್ಪರೆಗ್ ಅಯಿತ ವಾಕ್ಯಲೆಡ್
ವಿಸ್ತಾರದ ಅರ್ಥವಿಪ್ಪೊಡು. ಆ ವಾಕ್ಯಲೆಡ ಅರ್ಥ ತುಂಬಾವರೆಗ್ , ಅಯಿಕುಳೆಡ
ಸೇರ್ದಿನ ಶಬ್ದಲು ಅರ್ಥಪೂರ್ಣವಾದುಪ್ಪೊಡು ಅಂಚ ಇನ್ನಗ ಅರ್ಥ
ಪಿನ್ಪಾವುನ ಸಾಮರ್ಥ್ಯ ಬರಿಯರೆಗೆ, ಪ್ರತಿ ಪದತ ಅರ್ಥವಿಸ್ತರಣೆದ ಮಿತ್ತ್
ಗಮನ ಕೊರೊಡಾಪುಂಡು. ಈ ಶಬ್ದಲೆಡ ಸಿದ್ಧ, ಸಾಧಿತ ಇನ್ಪಿ ರಡ್ಡ್ ಪ್ರಮುಖ
ವರ್ಗಲು. ಸಿದ್ದ ಶಬ್ದ ಇನ್ನಗ ಮೂಲ ಶಬ್ದ: ಬೇತೆ ಶಬ್ದಲೆಡ್ದ್ ಪುಟ್ಟಂದೆ, ಸ್ವತಃ
ಭಾಷೆಡೆ ಸಿದ್ದವಾತಿನಯಿಕುಳು. ಇಂದೆಕುಳೆಗೆ ಪ್ರಕೃತಿ ಇನ್ಪಿ ಪುದರ್ಲಾ
ಉಂಡು. ಈ ಪ್ರಕೃತಿ ಪದಲೆಡ ಪ್ರಾತಿಪದಕ, ಧಾತು ಇನ್ಪಿ ರಡ್ಡ್ ಬಗೆತವು.
ಧಾತು ಇನ್ನಗ ಅಖ್ಯಾತ, ಪ್ರತ್ಯಯ ವತ್ತಾ ಕ್ರಿಯಾವಾಚಕವಾಪಿನವು.
ಬುಧಾನಂದ ಶಿವಳ್ಳಿ
