ಮಳ್ಪೆರೆ ದೀತಿನ ಪುದರ್ ಎಂಚ ಇಂದ್ದ್ ತೂವೊಡು, ಪ್ರಾಕ್‌ಡ್ದ್ ಇಂಜಿ, ಹರಪ್ಪ ನಾಗರೀಕತೆದ ಕಾಲೊಡ್ಡಿ೦ಜಿ, ಭಾರತದ ಈ ಪಡೆ ಕರಾವಳಿ‌ಟ್ ಅರಿ ಬುಳಿವೊಂದಿತ್ತಿನ ವಿಚಾರ ಸ್ಪಷ್ಟ. ಈ ಉಣ್ಪಿನ ವಸ್ತು ಪಾಶ್ಚಿಮಾತ್ಯ ದೇಶೊಲೆಗ್, ಅರೇಬಿಯಾ, ಏಷ್ಯಾ ಮೈನರ್ ರಫ್ತು ವಾವೊಂದಿತ್ತಿನ ವಿಷಯಲಾ ಸ್ಪಷ್ಟ ತೆರಿಪುಂಡು. ಈ ಅರಿ ಇನ್ಸಿನಯಿಟೇ ಗ್ರೀಕ್‌ದ ಈ ವಸ್ತುಗ್ ಪುದರ್ "ಒರಿಸೆ" ಇಂದ್ದ್ ಬತ್ತಿನಯಿಟ್ ಸಂಶಯನೇ ಇಜ್ಜಿ. ಇತ್ತೆ ಗ್ರೀಕ್‌ದ ಈ ಒರಿಸೆನೇ ಈ ಅರಿಕ್ ವೈಜ್ಞಾನಿಕ ಪುದರ್ ಆದುಂಡುಡಲಾ ("ಒರಿಸೆ
ಸೆಟಾಯ್ವ", Orise sativa), ಅಯಿಕ್ ಮೂಲರೂಪ ದ್ರಾವಿಡದ ಅರಿಶಿ. ಅರಿಶಿ>ಅರಿ: ಅರಿಶಿ>ಅರಿಕಿ>ಅರ್ಕಿ>ಅಕ್ಕಿ ಇನವಾದುಂಡು. ನನ ಈ ಅರಿಕ್ ಭಾರತದ ಇತರ ಪ್ರದೇಶೂಲೆಡ್ ತಂದೂಳ್, ಚಾವಲಾ ಇನ್ದಿ ಇತ್ತೆದ ಪುದರುಲು ಪ್ರಾಕೃತ-ಸಂಸ್ಕೃತದ ತಾಂದೂಳ್ ಪದತ ಮಿತ್‌ಡ್‌ಲಾ, ಬಂಗಾಲದ ತಾರುಲು, ಚೌಲ,ತೌಲ ಪುದರ್ ಕೂಡಾ ಮೂಜಿ ಪುದರೆಡ್
ಬತ್ತಿನವಾದುಳ್ಳ. ಬಂಗಾಲದ ತೌಲ ಪುದರ್ ಮಾಗಧಿ-ಪ್ರಾಕೃತ ಭಾಷೆಡ್ ಬತ್ತಿನಾದ್ ತೌಲ> ತೌಲವ>ತೌಳವ ತುಳುವ ಇನ್ಪಿ ಪುದರ್ ಈ ನಾಡ್‌ಗ್
ಸಲ್ಲುನಂಚ ಆ ಕಾಲೊಡ್ಡಿಂಚಿ ನಡತ್ತೊಂದು ಬತ್ತುದಿಷ್ಟೆರೆ ಸಾಧ್ಯ. ಅಂತೂ ಈ
ಪುದರ್ ನಮ ನೆರೆಕರೆತಕುಳು ಕೊರ್ತಿನ ಶಬ್ದ.
2.83 ಮಿತ್ತದ ನಿಷ್ಪತ್ತಿಡ್ ತುಳುತ ಪ್ರಾಚೀನತೆನೇ ತೋಜಿದ್ ಬರ್ಪುಂಡು.
ತಮಿಳ ಆದಿಗ್ರಂಥಲೆಡ್ ತೋಜಿದ್ ಬರ್ಪಿನ, ತುಳುವೊಡು ಇತ್ತೆಲಾ ರೂಢಿ
ಇಪ್ಪುನ ಕೆಲವು ಸಾಮಾನ್ಯ ವಸ್ತುಲೆನ ಪುದರ ಪಟ್ಟನ್ ಅನುಬಂಧ ರಡ್ಡೆಟ್
ಕೊರ್ದುಂಡು, ತುಳು ಭಾಷೆದ ಆ ಮೂಲ ದ್ರಾವಿಡದ ಪದಲೆನ್ ಅವೇ
ಉಚ್ಚಾರ ಮಿತ್ತೆಡ್ ಇತ್ತೆಲಾ ಪಟೊಂದುಳ್ಳಿ. ಒಂಜಿ ಉದಾಹರಣೆ - ತಮಿಳ
ಆದಿದ ಅಕಾರ ಬದಲಾದ್ ರಕಾರ ಪತ್ತುನ ರೀತಿ ದಿಂಜ ಪ್ರಾಕ್ಟವು. ತಮಿಳ
ಮೂಲಗ್ರಂಥಲೆಡ್ ರಕಾರ ಉಚ್ಚಾರದ ಮಿತ್ತಡೇ ತಮಿಳ್ ಪದ ಕೂಡಾ
ತಮಿ<ದ್ರಮರ<ದ್ರಾಮಿರ<ದ್ರಾವಿಡ ಆತಿನವು ತೂಪರ್ಕಡೇ ಉಂಡು.
ಗುದ್ವೇದ ಕಾಲೊಡು ಕೂಡಾ ರಕಾರನೇ ದಿಂಜ ಪ್ರಾಶಸ್ತ್ರ ವಿತ್ತಿನ ಅಱಕಾರದ
ಉಚ್ಚಾರ. ಇಂದೆಟ್ ತುಳುತ ಪ್ರಾಚೀನತೆದ ಮಿತ್ತ ಸಂಶಯವಿಜ್ಜಿ. ನನ
ಅಯಿತ ಸ್ವತಂತ್ರ ನೀತಿ-ಕನ್ನಡ ಗ್ರಂಥಲೆಡ್ ತೋಜುನ ತುಳು ಸಾಮ್ಯದ
ಪದಲೆನ ಪಟ್ಟನ್ ಅನುಬಂಧ ಒಂಜೆಟ್ ಕೊರ್ದುಂಡ, ಕನ್ನಡ-ತುಳು
ಉಚ್ಚಾರದ ಮಿತ್ತ್ ತುಳುತ ಎಳ್ಳ ಕನ್ನಡದ ಎಳೆಯ, ತುಳುತ ಒಂತೆ
ಕನ್ನಡದ ಒಂತು. ತುಳುತ ಕಜಿಪು ಕನ್ನಡದ ಕಶಿಪು, ತುಳುತ ಪೂಜ್
ಕನ್ನಡದ ಪೂಸ್, ತುಳುತ ಉನುಂಗ್ ಕನ್ನಡದ ಕುನುಂಗು>ಒಣಗು,
ತುಳುತ ತಿಂಗೊಳ್- ಕನ್ನಡದ ತಿಂಗಳು, ತುಳುತ ಬೇಆರ- ಕನ್ನಡದ
ಬೇಹಾರ(ವ್ಯಾಪಾರ) ಆದ್ ಬರ್ಪಿನಟ್ ತುಳು ಭಾಷೆ ಕನ್ನಡದ
ನಂತರದವು. ಅಟ್ ಪುಟ್ಟದ ಬತ್ತಿನವು ಇನ್ದಿನಂಕ್ ಆಧಾರವಿಜ್ಜಿ.
ಅಯಿಕ್ ವಿರುದ್ಧವಾದ್ ಕನ್ನಡದ ಶಬ್ದಲು ರೂಡಿ ಆವೊಡು ದುಂಬೇ
ಬುಧಾನಂದ ಶಿವಳ್ಳಿ
