ಪೊಸ ಶೈಲಿಡ್ ಅಕ್ಷರ ಜೋಡಣೆ ಮಲ್ಪರೆ ಯಾನ್ ಪ್ರಯತ್ನ ಮಲ್ತ್ ದಿನೆನ್ ಪ್ರಕರಣ ೩ ಟ್ ತೂಲೆ. ಈ ಪ್ರಯತ್ನೊಡು ಚಾಲ್ತಿಡುಪ್ಪುನ "ಬರಹ ಕನ್ನಡ ಆರೆನ್" ಫಾಂಟ್ ಉಪಯೋಗ ಮಲ್ತಿನೆಟಾತ್ರ ಆ ಫಾಂಟ್ಡ್‍ "ɨ" ದಾಂತಿನ ವ್ಯಂಜನೊಲೆನ ತರೆಗೀಟ್ ವಂತೆ ಕುದ್ಯ ಇಪ್ಪುನೆಟ್ಟ್, ಗೆತ್ತ್ ದಿನ ಜಾಗೊಲೆಡ್ ವಂತೆ ಖಾಲಿ ಜಾಗ ಒರಿಯುನೆಟ್ಟಾತ್ರ, ಓದರೆ ವಂತೆ ಕಷ್ಟವಾವು. ಆಂಡ ತುಳುಕು ನಂಕ್ ಅನುಕೂಲವಿತ್ತಿಲೆಕ್ಕ ಪ್ರತ್ಯೇಕ ಫಾಂಟ್ ವಿನ್ಯಾಸ ಮಲ್ಪರೆ ಸಾಧ್ಯವುಂಡು, ಈ ಪೊಸ ಶೈಲಿ ಮಹಾಜನೊಕುಲೆಗ್ ಒಪ್ಪುಗೆ ಆಪಿನಾಂಡ ಸರಿಕಟ್ಟ್ ದ ಪೊಸ ಫಾಂಟ್‌ನ್ ಆಯಿನಾತ್ ಬೇಗ ವಿನ್ಯಾಸ ಮಲ್ಪೊಲಿ.
ತುಳು ತಿರ್ಪಣಿ ಇಲ್ಲಿನ ಪೀಠಿಕೆ ಬುಧಾನಂದೆ‌ರ್ ಬರೆದೀತಿನ ಬೇತೆ ಕಾಕಜಿಲೆನ ನಡುಟು ತಿಕ್ಂಡ್. ಪ್ರಾಚೀನ ಪರಂಪರೆದ ಸಾಹಿತಿಲೆನ ಪೀಠಿಕೆದ ಅಂಚನೆ ತುಳುವೆರ್ ತಂಕುಳೆನ ದೈವೊಲೆನ ಎದುರು ಮಲ್ತ್ರೊಣುನ ಅರಿಕೆದ ಶೈಲಿಡ್ ಇಪ್ಪುನ ಅವೆನ್ ಮಾಹಿತಿ ಅಂಚೆನೆ ಅಲಂಕಾರೊಗಾದ್ ಸೇರ್ಸಾದೆ. ಇಂಚಿನ ಅರಿಕೆ ಪೀಠಿಕೆಕೆಗ್ ಸಾಹಿತಿನ ಮನಸ್ಸ್ ನ್ ಬರೆಪಿನ ಕಾರ್ಯೊಗು ಸಿದ್ದ ಮಲ್ಪುನ ಮನಶಾಸ್ತ್ರೀಯ ಪ್ರಾಮುಖ್ಯತೆ ಉಂಡು.
ಬೊಕ ಕನ್ನಡ ಲಿಪಿತ ವಿಕಾಸದ ಚಿತ್ರ ಬುಧಾನಂದೆರೆನ A script for Tulu ಇನ್ಪಿನ ಅಪ್ರಕಟಿತ ಹಸ್ತಪ್ರತಿಟ್ ಇತ್ತಿನವು. ಅವೆನ್ ಮಾಹಿತಿಗಾದ್‌ ಸೇರ್ಸಾದೆ.
೧೪-೦೭-೨೦೦೪
ಡಾ ಬಿ.ಎಂ.ರವೀಂದ್ರ
|
ಅರ್ಪಣೆ |
7
ಬುಧಾನಂದ ಶಿವಳ್ಳಿ
