ಸಾಮ್ಯತೆ ತೂವನಗ ಈ ಲಿಪಿಲು ಸಮೀಪವರ್ತಿ ಭಾಷೆಲೆಡ್ ದಿಂಜ
ವ್ಯತ್ಯಾಸದಾಂತೆ ವಿಕಾಸವಾದ್ ಬೈದಾ ಇಂದ್ದ್ ಮಾತ್ರ ಪಣೋಲಿ.
1.85 ತುಳುಟು ತಮಿಳ್‌ದ ಲೆಕ್ಕೊ ಪರುಷ ಧ್ವನಿಮೆಲು ದಿಂಜ ಇನ್ಪಿನ
ಹೇಳಿಕೆ ಉಂಡು. ಬಿ. ಎ. ವಿವೇಕ ರೈಕುಳು ಪಣ್ತೆರ್ :
"ಕನ್ನಡದ ಸರಳಧ್ವನಿಯಾದ ಗಕಾರದಿಂದ ಪ್ರಾರಂಭವಾಗುವ ಕೆಲವು ಪದಗಳಿಗೆ ಸಮಾನವಾಗಿರುವ ತುಳು ಶಬ್ದಗಳು ಪರುಷ ಧ್ವನಿಯಾದ ಕಕಾರದಿಂದ ಮೊದಲಾಗುತ್ತವೆ. ಉದಾ: ಗಡ್ಡೆ [ಕ]=ಕಂಡೆ [ತು]: ಗಂಡ [ಕ]=ಕಂಡನಿ [ತು]: ಗದ್ದೆ [ಕ]= ಕಂಡೊ [ತು], ಇತ್ಯಾದಿ."
ನನ ಶಬ್ದಾಂತೊಡು ಕನ್ನಡೊಡು ಗಕಾರವಿತ್ತ್‌ದ್, ತುಳುಟು ಅಘೋಷ ಧ್ವನಿ ಕಕಾರವಾಪಿನವುಲಾ ಉಂಡು ಇಂದ್ದ್ ಪಣ್ದ‍್ ತೋಜಾದೆರ್.
ಉದಾ: ಬೇಗೆ (heat) [ಕ] =ಬೇಂಕ[ತು], ಕಾಗೆ[ಕ] = ಕಕ್ಕೆ[ತು], ಬಾಗಿಲು
[ಕ] =ಬಾಕಿಲ್[ತು] ಇತ್ಯಾದಿ.
ಈ ನಿಯಮೊಗು ವ್ಯತಿರಿಕ್ತವಾದ್ ಆರೆ ಪಣ್ತೆರ್ ಕನ್ನಡದ ಪರುಷ ಪದಲು ಉದಾ: ಕಡಸು (heifer), ಕೋಣ (buffalo) ಕುಪ್ಪೆ (heap) ಇತ್ಯಾದಿ ತುಳುಟು ಸರಳ ಧ್ವನಿತ ಗಡಸ್, ಗೋಣಿ, ಗುಪ್ಪೆ (ಗುಂಪೆ) ಆಪಿನವೆನ್‌ಲಾ ತೋಜಾದೆರ್.
ಇಂಚ ಇನ್ನಗ ತುಳುಭಾಷೆಗ್ ಬ್ರಾಹ್ಮಲಿಪಿ ಅಗತ್ಯವಿಜ್ಜಿ ಇಂದ್ದ್ ಪಣ್ಪಿನವತ್ತ್. ದಾಯೆಗಿನ್ನಗ, ತುಳುವೊಡು (ಅನುಬಂಧ ಅ೪-೨: ಕ್ರಿಯಾಧಾತು ಪಟ್ಟಿನ್ ತೂವೊಲಿ) ಗ-ಜ-ದ-ಡ-ಬ ಇನ್ಪಿ ಘೋಷ ಸರಳ ಧ್ವನಿಮೆಲು ದಿಂಜ ಉಳ್ಳ. ಅಯಿಕುಳೆನ ಅವ್ವೇ ಧ್ವನಿ ಉಚ್ಚಾರೊಡು ಪಿನ್ಪಾವುನಯಿಟ್, ಬ್ರಾಹ್ಮಿ ಲಿಪಿಯೇ ಸಹಕಾರಿ ಅತ್ತಾವಂದೆ ತಮಿಳ ರೀತಿ ಅನುಸರಿಸುನ ಸರಿಯತ್ತ್. ಅತ್ತಾವಂದೆ, ಇತ್ತೆ ಕನ್ನಡ ಕಲ್ಪುನಕುಳು, ಬ್ರಾಹ್ಮಲಿಪಿತ ವರ್ಣಾಕ್ಷರ ಪರಿಚಯವಿಪ್ಪುನಕುಳು ತುಳುವ ಪಾತೆರೊನು ಬ್ರಾಹ್ಮಲಿಪಿಟ್ ಬರೆಪಿನ ಓದುನ ಅಭ್ಯಾಸ ಮಳ್ಪುನ ದಾಲ ಕಷ್ಟದಾಂತಿನವು, ಧ್ವನಿಮಾಶಾಸ್ತ್ರದ ಪ್ರಕರಣೊಡು (೪.ಅಕ್ಷರ ಪ್ರಕರಣ) ಇಂದೆತ್ತ ಮಿತ್ತ್ ನನಲಾ ವಿವರ ಕೊರೆರೆಗುಂಡು.
ತುಳುವ ಪಾತೆರೊ
1.90 ನನ ಭಾಷಾವ್ಯಾಮೋಹದ ಮಿತ್ತ್ ಭಾಷಾಶಾಸ್ತ್ರದ ಅಧ್ಯಯನ ಪ್ರಜ್ಞೆ
ಕೊರ್ಪಾವುನ ವಿಷಯ ಪಂಡ್‌ದ್ ಈ ಪ್ರಕರಣೊನು ಮುಗಿಪಾವೊಲಿ. ಉದಾ: ಸಂಸ್ಕೃತ ಭಾಷೆ-ದ್ರಾವಿಡ ಭಾಷೆ ಇನ್ಪಿ ರಡ್ಡ್ ವರ್ಗ ಭಾರತೊಡು ದಿಂಜ ಅನಗತ್ಯ ತರ್ಕ, ಇಂಜಿವಪ್ಪ ಆರಂಭವಾದುಂಡು. ಹಿಂದಿ ಭಾಷೆನೆ ಮುಖ್ಯ ಸಂಪರ್ಕ ಭಾಷೆ ಆವೊಡು ಇನ್ಪಿ ಹೇಳಿಕೆ ಉಂಡು, ದೇಶಿ ಪಾತೆರೊಲು
ತುಳು ಪಾತೆರೊ
