ಈ ಒಕ್ಕಣಿಡ್ "ಸತಿಯಪುತ್ತೋ" ಬೊಕ "ಕೂಪ" - ಈ ರ‍ಡ್ಡ್ ಶಬ್ಧಲೆನ ವಿಚಾರವಾದ್ ಈ ನಂತ್ರದ ಪ್ರಕರಣೊಡು ಪಣಿಯೆರೆ ಉಂಡು. (ತೂಲೆ: ಪುಟ ೬೬). ಸಾರಾಂಶವಾದ್, ತಮಿಳು ಸಂಪರ್ಕದ ದುಂಬುಡ್ ತುಳುವೊಗ್ ಇತ್ತಿನ ಸಂಪರ್ಕ ದಾನೆ? ಪ್ರಾಕೃತ ಅತ್ತ್‌ಡ ಬೇತೆ ಭಾಷೆದ ಪ್ರಭಾವ ಇತ್ತ್ಂಡ ಇನ್ಪಿ ಶೋಧನೆ ಆವೊಡು.
ಲಿಪಿಲು-ಬ್ರಾಹ್ಮಿಲಿಪಿ
1.80 ಭಾಷಾಶಾಸ್ತ್ರದ ಅಂಚಿನ ಉಪಯೋಗ ದಾಯಿತವು ಇನ್ಪಿ ಪ್ರಶ್ನೆ ಮೂಡ್ದ್ ಬರ್ಪಿನವುಲಾ ಸಹಜ. ದಾಯೆಗಿನ್ನಗ ಭಾಷಾ ಶಾಸ್ತ್ರದಾಂತೆ ನಮ ಈತ್‌ ಕಾಲ ಮೂಕೆರಾದ್ ಇತ್ತನಾ? ಜನಮಾನಿನ ಜೀವನ ನಡೆತ್ತೊಂದು ಬತ್ತ್‌‌ಜಾ? ನನ ದಾಯೆಗ್ ಈ ಭಾಷಾ ಶಾಸ್ತ್ರ, ಈ ವ್ಯಾಕರಣ ನಿಯಮ? ಉಂಡಿನ ಉಣ್ಪು ಜೀರ್ಣವಾವರೆಗ್ ಆರೋಗ್ಯಶಾಸ್ತ್ರದ ಗೊತ್ತು ಬೊಡ್ಚಿ. ಆಂಡ, ಉಂಡಿನವು ಅರಗಂದೆ ಪೋಂಡ, ಅಯಿಕ್ ದಾನೆ ಕಾರಣ ಇಂದ್‌‌ದ್ ತೆರಿಯರೆಗ್ ಆರೋಗ್ಯಶಾಸ್ತ್ರದ ಆವಶ್ಯಕತೆ ಬೋಡಾಪುಂಡು. ಆರೋಗ್ಯಶಾಸ್ತ್ರ ಸಂಪೂರ್ಣ ಗೊತ್ತಿಡಲಾ, ಆ ಶಾಸ್ತ್ರ ಗೊತ್ತಿತ್ತಿನ ವೈದರನ (ಮರ್ದ್‌) ಸಹಾಯ ಬೋಡಾಪುಂಡು. ಅಂಚನೇ ಪಾತೆರೊದ್ ಅರ್ಥ ಸರಿಯಾದ್ ಪಿನ್ಪಾವರೆಗ್ ಆ ಪಾತೆರೊನು ತೆರಿಯಂದೆ ಅಥವಾ ಇಪ್ಪು ಅರ್ಥ ವಿಪರೀತಿಡ್ ತೆರಿ ಪಿನಾವಂಡ. ಅವೆನ್ ಸರಿಪಡಿವೆರೆಗ್, ಬರೆತಿನ ಭಾಷೆದ ಆರೋಗ್ಯ ಕಾಪಾಡರೆಗ್ ಭಾಷಾಶಾಸ್ತ್ರದ ಸಹಾಯ ಬೋಡು. ಇನ್ನಗ ಪಾತೆರೊ ಬರಹದ ಮೂಲಕ ಅಭಿವ್ಯಕ್ತವಾಪಿನಪಗ ಆ ಭಾಷೆದ ರೂಪ ರಚನೆ (ವ್ಯಾಕರಣ)ನಿಯಮ ತೆರಿಪಿನವಾದ್ ಅಯಿತ ಸಹಾಯೊಡು, ಭಾಷೆನ್ ಸರಿಯಾದ ಉಪಯೋಗ ಮಾಳ್ಪುನ ಸಾಧ್ಯ. ಭಾಷೆ ಮಾನವ ಅಂತರ್ಗತ ಬುದ್ಧಿಶಕ್ತಿನ್ ಅಭಿವ್ಯಕ್ತಿ ಮಾಳ್ವುನ ಒಂಜಿ ಸಾಧನವಾದ್, ಆ ಭಾಷೆಡ್ ಅನೇಕಾನೇಕ ಗ್ರಂಥಲು ಮೂಡ್ದ್ ಬನ್ನಗ, ಭಾಷೆದ ನಿಯಮ ಬರೆಪಿನಕಳೆಗ್ ರೀತಿಡ್ ತೆರಿದ್ ಬತ್ತ್ಂಡ, ಬರಹಗಾರನ ವಿಚಾರಯುಕ್ತ ಪಾತೆರೊಲು ಇಡೀ ಸಮಾಜ-ಸಮುದಾಯದ ಮಿತ್ತ್ ದಿಂಜ ಸಹಾಯಕಾರಿ. ಇಂದೆಕತ್ರ ಪಣ್ತೆ ಕೇಶಿರಾಜೆ-
"ವ್ಯಾಕರಣದಿಂದೆ ಪದ, ಪದದಿಂ ಅರ್ಥಲೋಕಂ,
ಅರ್ಥಲೋಕದಿಂ ತತ್ವಜ್ಞಾನಂ, ತತ್ವಜ್ಞಾನದಿಂ ಅಕಾಂಕ್ಷೆಪ ಮುಕ್ತಿಯುಕ್ಕುಂ".
ಭಾಷಾಶಾಸ್ತ್ರದ ನಿಯಮದ ಮಿತ್ತ್ ಉಂಡಾಯಿನ ಆಯನ ವ್ಯಾಕರಣ ಕನ್ನಡ ಭಾಷೆಗ್ ಮಲ್ಲ ಕಾಣಿಕೆ ಎಂಚ ಇನ್ಪಿ ವಿಷಯ ತೆರಿಯೋಣರೆ ಕಷ್ಟವಿಜ್ಜಿ.
ತುಳು ಪಾತೆರೊ
