ಕುಡಾರಿಡ್ದ್ ಮರೊನು ಕಡ್ತೆ ಇಂದ್ದ್ ಅರ್ಥಕೊರ್ಪಿನ ವಾಕ್ಯ ರಚನೆಡ್ ಕುಡಾರಿಡ್ದ್ ಇನ್ಪಿ ತೃತೀಯಾ ವಿಭಕ್ತಿ ಪ್ರತ್ಯಯ ಪತ್ತ್‌ದ್, ಮರೊನು ಇನ್ಪಿ ದ್ವಿತೀಯಾ ವಿಭಕ್ತಿ ಪ್ರತ್ಯಯ ತಾಗ್‌‍ದ್ ವಾಕ್ಯರಚನೆ ಆಪುಂಡು. ಇಂದೊಂಜಿ ದ್ರಾವಿಡ ವ್ಯಾಕರಣ ದಂಚಿನ ಸಮುಚ್ಚಾಯಿಕ ವರ್ಗದ ರೂಪ.
ಇನ್ನಗ ಶಬ್ದಲೆಗ್ ಸೇರ್ದಿನ ಪ್ರತ್ಯಯಲೆಗ್ ಅರ್ಥ ವಿಪ್ಪುನ ಆಕೃತಿಮೆಲು (morpheme) ರೂಪಮಾಜಂದೆ ನಾಮಪದಲೆಗ್ ಪತ್ತುವ. ಪ್ರತ್ಯಯಲೆನ್ ಗುರ್ತು ಮಾಳ್ವರೆಗ್ ಏತ್ ಸುಲಭವಾದುಂಡೋ ಆತ್ ಸುಲಭ ಅಯಿತ (ವಾಕ್ಯದ) ಅರ್ಥ ಪಿನ್ಪಾವುನ ಸಾಮರ್ಥ್ಯ. ಪ್ರತ್ಯಾಯಿಕ ವರ್ಗದ ಭಾಷೆಲೆಡ್ ಇಂಚಿನ ಗುರ್ತು ಆವಂದಿನಾತ್ ಹೃಸ್ವವಾದ್ ಪೋಪ. ಉದಾ: ಸಂಸ್ಕೃತೊಡು ರಾಮೇಣ ಪದೊಟು "ಏಣಿ" ಪ್ರತ್ಯಯೊಗು ಸರಿಯಾದ ನಿರುಕ್ತಿ ತೋಜುಜಿ. ಅಂತರ್ಗಮಕ ನನೊಂಜಿ ಪಜ್ಜೆ ದುಂಬು ಪೋತಿನವು.
ಪದಪದಲು ಒಂಜೆಕ್ಕೊಂಜಿ ಸೇರ್ದ್ ಅಯಿಕುಳೆನ ಮೂಲರೂಪನೆ
ತೆರಿಯಂದಿನಾತ್‌ ಆದುಪ್ಪುವಾ ವಾಕ್ಯೊಡು. ಇಂದೆಕ್ ಪಣ್ತೆರ್ ಸ್ವೀಟ್ " If
inflection is agglutinative run mad, incorporation is inflexion run madder still" ಇಂದ್ದ್. ದ್ರಾವಿಡದ ವ್ಯಾಕರಣ ನೀತಿ ಸ್ಪಷ್ಟ, ಸರಳ
ಇನ್ಪಿನವೇ ಇಂದೆಟ್ ತೋಜುನ ವಿಚಾರ.
ದ್ರಾವಿಡ ಭಾಷೆಲು
1.60 ದ್ರಾವಿಡ ಭಾಷಾ ವರ್ಗದ ಭಾಷೆಲು ಆರ್ಯ(ಸಂಸ್ಕೃತ) ವರ್ಗದವು ಇಂದ್ದ್ ಪೋಪೆರಂಚಿನ ವಿದ್ವಾಂಸೆರ್ ನಂಬುಬಿತ್ತೆರ್. ಡಾ। ಕಾಲ್ಡ್ವೆಲ್ಲರ್ ಮಾತ್ರ ದ್ರಾವಿಡ ವರ್ಗ ಭಾಷೆಲು ಸಿಥಿಯನ್ ವರ್ಗದವು ಇಂದ್ದ್ ತೊಜಾತೆರ್. ಮಾಕ್ಸ್ ಮುಲ್ಲೆರ್, ದ್ರಾವಿಡ - ನೀಥಿಯನ್ ಭಾಷೆಲು ಸಮುಚ್ಚಾಯಿಕ ಇಂದ್ದ್ ಪಂಡೆರ್. ಇಂದೆಟ್ ನಂಕ್ ಬೋಡಾಯಿನ ವಿಷಯ ಈತೆ: ದ್ರಾವಿಡ ಭಾಷೆ ಒಂಜಿ ಸ್ವತಂತ್ರ ವ್ಯಾಕರಣದ ಭಾಷೆ. ಅವೆನ್ ಭಾರತದ ಪಿದಯಿದ ಪಾತೆರೊಲೆಗ್ ಸಂಬಂಧ ಕಟ್ಟ್‌ದ್ ದ್ರಾವಿಡ- ಸಿಥಿಯನ್ ಒಂಜೇ ಭಾಷೆಗ್ ಸೇರ್ದಿನವು ಇನ್ಪಿನವೆಡ್ದ್, ಅವೆನ್ ಭಾರತದ ಭಾಷೆಲೆಡ್ ಒಂಜಿ ಮುಖ್ಯ ವರ್ಗ ಇನ್ಪಿನವೆ ಸಮಂಜಸ.
1.61 ದ್ರಾವಿಡ ಭಾಷೆದ ಸ್ವರೂಪ ಅಥವಾ ರಚನೆ ಎಂಚ ಇಂದ್ದ್
ತೆರಿಯೊಂಬಿನಯಿಟ್ ನಮ ತುಳು ಪಾತೆರೊದ ರಚನೆ ಅಯಿಕ್
ಸರಿಯಾದ್ ಹೊಂದುಂಡಾ ಇಂದ್ದ್ ತೆರಿಯೊಲಿ. ಉದಾ: ಡಾ। ಕಾಲ್ಡ್ವೆಲ್ಲರ್ ಪ್ರಕಾರ "In Dravidian, all nouns denoting inanimate and
irrational being are of neuter gender." ಇನ್ನಗ ಜೀವದಾಂತಿನ
46
