ಪಂಗಡಗಾವಡ್ ಅಧಿಪತ್ಯ ಇಜ್ಜಿ. ವ್ಯಾಕರಣ ನಿಯಮ ಸರಳವಾದಿತ್ತಿನ ಭಾಷೆ ಸಂಪೂರ್ಣ ಸ್ವಾತಂತ್ರ್ಯದ ಹಕ್ಕನ್ ಪಡೆತೊಂಬುಂಡು.
1.54 ಈ ರೀತಿಡ್ ವ್ಯಾಕರಣನೇ ಭಾಷೆದ ಮೂಲಸ್ವರೂಪ ಆದ್, ವ್ಯಾಕರಣದ ರೀತಿದ ಮಿತ್ತ್ ಭಾಷಾಶಾಸ್ತ್ರಜ್ಞೆ ಭಾಷೆಲೆನ್ ಮುಖ್ಯ ಐನ್ ವರ್ಗ ಮಳ್ತೆರ್. ಇಂದಕುಳೆಗ್ (೧) ಪ್ರತ್ಯೇಕಿಕ (೨) ಸಮುಚ್ಚಾಯಿಕ (೩) ಪ್ರಾತ್ಯಯಿಕ (೪) ಬಹುಪದಯುಕ್ತ, ಬೊಕ (೫) ಅಂತರ್ಗಮಕ ಭಾಷೆಲು ಇಂದ್ ಪುದರ್ ದೀಯರ್‌. ಇಂದೆಕುಳೆನ್ ಗುಣಸ್ವಭಾವ (ಇನ್ನಗ) ವ್ಯಾಕರಣ ನೀತಿ ದಾನೆ ಇಂದ್ದ್ ತೂಕಾ:-
(೧). ಪ್ರತ್ಯೇಕಿಕ (isolative):- ಇನ್ನಿನವೇ ಒಂಜಿ ಪ್ರತ್ಯೇಕ ವಿಧತವು. ಇಂದೆಟ್ ಮುಖ್ಯವಾದ್ ಚೀನದ ಭಾಷೆ ಸೇರುಂಡು. ಶಬ್ದಲೆಗ್ ಆಜೇಳ್ ಅರ್ಥ ಇಪ್ಪುನವುಲಾ, ಪದಲು ವಾಕ್ಯೊಡು ಇಪ್ಪುನ ಜಾಗದ ಫಲವಾದ್ ಅಕುಳೆಗ್ ಅರ್ಥ ಬರ್ಪಿನವುಲಾ ಇಂದೆತ ಸ್ವರೂಪವಾಂಡ, ಕ್ರಿಯಾಪದಲು ಕರ್ತೃ, ಕರ್ಮಪದತ ನಡುಟು ಬರ್ಪಿನವು ಈ ಭಾಷಾವರ್ಗದ ವ್ಯಾಕರಣ ನೀತಿ.
(೨) ಸಮುಚ್ಛಾಯಿಕ (agglutinative):- ಇಂದ್ ನಮ ತುಳುವ ಪಾತೆರೊಗು ಸಂಬಂಧವಿಪ್ಪುನ ದ್ರಾವಿಡ ವ್ಯಾಕರಣ ರಚನೆದವು. ಅಯಿತ ರೂಪರಚನೆನ್ ಪ್ರತ್ಯೇಕವಾದ್ ನಂತ್ರದ ಪರಿಚ್ಛೇದೊಡು ಪಿನ್ಪಾವರೆಗುಂಡು.
(೩).ಪ್ರಾತ್ಯಯಿಕ (inflectional):-ಇಂದೆಟ್ ಇಂಡೋ-ಯುರೋಪಿಯನ್ ಬೊಕ ಸೆಮೆನಿಕ್ ಭಾಷೆಲು ಸೇರುವಾ. ಉದಾ: ಸಂಸ್ಕೃತದ ಅಸ್ಮಿಗ್ ಗೊಥಿಕದ ಇಮ್ ತುಲನೆ ಮಳ್ಪೊಲಿ ಶಬ್ದ ರಚನೆಡ್.
(೪).ಬಹುಪದಯುಕ್ತ( polysynthetic):- ಇಂದೆಟ್ ಪದ ಪದಲು ಒಂಜೆಕ್ಕೊಂಜಿ ಸೇರ್ದ್ ವಾಕ್ಯೊಗು ವಿಶಿಷ್ಟ ಅರ್ಥ ಬರ್ಪಿನವಾಂಡಲಾ, ಅಂಚಿನ ವಾಕ್ಯಲೆಡ್ ಎವ್ವು ಎವ್ವು ಪದಲು ಸೇರ್ದ್ ಇಂದ್ದ್ ತೋರಿಕೆಗ್ ತಿಕ್ಕುಜಾ.
(೫).ಅಂತರ್ಗಮಕ (incorporating):- ಬಹುಪದಯುಕ್ತದಂಚನೆ ಆದ್ ವಾಕ್ಯದ ಪದಲು ಒಂಜೆಕ್ಕೊಂಜಿ ಸೇರ್ದ್ ಅಯಿಕುಳೆನ ರೂಪ ಉಳಾಯಿಡ್ಡೆ ಬದಲಾದ್ ಪದ ವಿಶ್ಲೇಷಣೆ ಮಾಳ್ವುನವೇ ಕಷ್ಟವಾಪುಂಡು. ಅಂತರ್ಗಮಕ ವರ್ಗದ ಭಾಷೆಲೆಗ್‌ಲಾ, ಬಹುಪದಯುಕ್ತ ಭಾಷೆಲೆಗ್‌ಲಾ ವ್ಯತ್ಯಾಸ ದಿಂಜ ಇಜ್ಜಿ. ಈ ವರ್ಗೊಡು ಬಾಸ್ಕ್ ಇನ್ನಿ ಭಾಷೆ ಸೇರುಂಡು.
1.55 ಭಾರತದ ಭಾಷೆಲೆಡ್ ಅಥವಾ ನಮ ತುಳುವ ಅಧ್ಯಯನೊಗು ಅಗತ್ಯ ವಿಪ್ಪುನವು ಸಮುಚ್ಛಾಕ ಬೊಕ ಪ್ರಾತ್ಯಯಿಕ ವರ್ಗದವು. ಇನ್ನಗ ದ್ರಾವಿಡ ವರ್ಗದವು ಬೆತ್ತ್ ಸಂಸ್ಕೃತ ವರ್ಗದವು.
ಈ ರಡ್ ವರ್ಗಲೆಡ್ ವ್ಯತ್ಯಾಸ ಈತೆ: ಉದಾ: ತುಳುಟು ರಾಮ ಕಡ್ತೆ ಕುಡಾರಿ ಮರ. ಇನ್ಸಿ ಪದಲೆಗ್ ಸರಿಯಾದಿಪ್ಪುನ ಪ್ರತ್ಯಯ ಪತ್ತ್‌ದ್, ರಾಮೆ
45
ಬುಧಾನಂದ ಶಿವಳ್ಳಿ
