ಅಂಚ ಇನ್ನಗ ಈ ರಾಜಕೀಯ, ಭಾಷೆ ಇನ್ಪಿ ಜನಮಾನಿನ ಅನುಪಮ ಸೊತ್ತುನು ಕೆಡಿಸುನಂಚ ಅಂಡಾ? ಜನಮಾನಿನ ಸ್ವಭಾವದ ಅಂಶವಾದಿಪ್ಪುನ ಪಾತೆರೊನು ತುಂಡು ಮಳ್ತಿನಯಿಟ್ ಈ ಮಲ್ಲ ದೇಶೊಗು ದಾನೆ ಪ್ರಯೋಜನ? ಭಾರತದ ಸಂವಿಧಾನಾತ್ಮಕ ರಚ್ನೆಗ್ ದಾನೆ ಪ್ರತಿಫಲ? ಇನ್ಪಿ ವಿಚಾರ್ ಮಳ್ತಂಡ.ಈ ರಾಜಕೀಯದ ಬಾಹ್ಯ ಕಾರಣೊಡು ಭಾಷೆದ ಆರೋಗ್ಯ, ಬುಳವಣಿಗೆಗ್ ತೊಡಕು ದಿಂಜ, ಮಾನವಿಕ ದೃಷ್ಟಿಡ್ ಇಂದ್ ಉಚಿತ ಕಾರ್ಯ ಇಂದ್ ದ್ ಪಲಗಣಿಪೆರೆಗ್ ಅಸಾಧು. ಇಂದೆನ್ ಸಹಜ ರೀತಿಡ್ ಡಬ್ಲ್ಯೂ ಡಿ. ವಿಟ್ನೆ ಪಂಡ್‌ದ್ ತೋಜಾದೆರ್.
A stone has lain motionless for ages on the verge of a precipice, and may lie there for ages longer, all the cosmic forces of gravity will not stir it. But a chance thrust from some passing animal jostles it from its equilibrium, and it goes crushing down.Just so,in language, the great and wonderful power of human soul would never move in this particular direction, but for the added push given by the desire of communication, when this leads the way all the rest follows.
ಅಂತೂ ಈ ಭಾಗದ ತುಳುವದ ಮಾನವ ಚೈತನ್ಯ ತುಳು ಪಾತೆರೊದ ವಿಕಾಸೊಗು ದಿಂಜ ಸಹಾಯಕವಾಪಿನವು ತತ್ತಂಡಾ ಅಥವಾ ಒರಿದೇ ಉಂಡಾ ಇನ್ಪಿನವು ರಾಜಕೀಯ ಕಾಲದ ಮಿತ್ತ್ ಒರಿದುಂಡು: ಸಮಗ್ರ ತುಳುವದ ಐಕ್ಯತೆದ ಮಿತ್ತ್ ಒರಿದುಂಡು.
ಜಗತ್ತ್ದ ಪಾತೆರೊಲೆನ ವರ್ಗ
1.50 ಜಗತ್ತ್ದ ಪಾತೆರೊಲು-ಇತ್ತೆ ಸುಮಾರಾದ್‌ ೩೦೦೦ ಮುಖ್ಯ
ಭಾಷೆಲು ಉಳ್ಳ ಇನ್ನಗ ಆಶ್ಚರ್ಯವಾವು. ಬುಡಕಟ್ಟ್‌ದ (dialects)
ಪಾತೆರೊಲು ನನಲಾ ದಿಂಜವುಳ್ಳ. ಒಂಜಿ ದೇಶೊಗು ಒಂಜಿ ಭಾಷೆ ಇನ್ಪಿ
ನಿಯಮ ವಿಜ್ಜಿ. ಪಾಕ ಭಾಷೆಲು ಪಾತೆರೊಲು ಒಂಜಿ ದೇಶೊಟು ಇಪ್ಪುನವೇ
ಜಾಸ್ತಿ. ಉತ್ತರ ದಕ್ಷಿಣ ಅಮೆರಿಕಾದ ಪರಿಸರೊಟೇ ಸಾವಿರೊಗು ಮಿಕ್ಕ್‌ದಿನ
ಪಾತೆರೊಲು ಉಳ್ಳ. ನಮ ಭಾರತೊಡು ಮುಖ್ಯಭಾಷೆಲು ಉಪಭಾಷೆಲು
ಸುಮಾರಾದ್‌ ೫೦-೬೦ ಆಂಡ, ಅವೇ ಒಂಜಿ ಸಮಸ್ಯಾತ್ಮಕ ಇಂದ್‌‍ದ್
ತೆರಿಯೊಂದು‌ಳ್ಳೆರ್ ಜನನಾಯಕೆರ್. ಈತ್ ಮಲ್ಲ ದೇಶೊಡು ಜನಮಾನಿ
ಪಂಗಡಲು, ಬುಡಕಟ್ಟುಲು ಪಾತೆರೊದ ಸಮುದಾಯಲು ಇಪ್ಪುನ
ಆಶ್ಚರ್ಯವತ್ತ್. ಅಂಡ ಈತ್ ಪಾತೆರೊ-ಭಾಷೆಲೆಡ್ ತೋಜುನ ವರ್ಗಲು
ಕಮ್ಮಿ. ಭಾರತೊಡು ಮುಖ್ಯವಾದ್ ದ್ರಾವಿಡ ಕುಟುಂಬದ ಪಾತೆರೊಲು
ಅಯಿಟ್‌ಲಾ ನಮ್ಮ ತೀರಾ ಕೈತಲ್ದ ಪಾತೆರೋಲು. ಉದಾ:ಕನ್ನಡ, ತೆಲುಗು, ಮಲಯಳಂ, ತಮಿಳು, ಕೊಡಗು, ಅಂಚನೇ ಸಂಸ್ಕೃತ, ಪ್ರಾಕೃತ, ಮರಾಠಿ, ಕೊಂಕಣಿ, ಉರ್ದು-ಹಿಂದೂಸ್ಥಾನಿ ಇತ್ಯಾದಿಲೆನ
ಪರಿಚಯವಂತೂ ಅಗತ್ಯ.
