ಉಂಡು. ಅಂಚನೇ, ಕನ್ನಡ ಸಂಪರ್ಕದ ರಾಜ್ಯ ಮನೆತನೊಲು, ಆಲೂಪೆರ
ಕಾಲೊಡ್ದ್ ಇಂಚಿ, ಕನ್ನಡ ಭಾಷೆನ್ ಆಡಳಿತ ಭಾಷೆ ಆದ್ ಉಪಯೋಗ
ಮಳ್ತೆರ್.
ನನ ಒಂತೆ ವಿಚಾರ ಮಳ್ಪನಗ, ವಿಜಯನಗರ ಸಾಮ್ರಾಜ್ಯದ ಕಾಲೊಡು
ಸುಮಾರಾದ್ ಕ್ರಿ.ಶ. ೧೪-೧೫ನೆ ಶತಮಾನೊಡು ಮಲೆಯಾಳಂ ಭಾಷೆ
ಗ್ರಂಥಸ್ಥವಾಂಡ್. ತಮಿಳು ಸಂಪರ್ಕ ಕಡ್ತೊಂದು, ಅಯಿತ
ಅನುನಾಸಿಕಾವಧರಣೆದ ಮಿತ್ತ್, ಲಿಪಿ ರೂಪೊಗು ಬತ್ತ್‌ದ್, ವ್ಯಾಕರಣೆ
ನಿಯಮ ಸಿದ್ಧವಾದ್, ಬಲತ್ತೊಂದು ಬತ್ತ್ಂಡ್. ಇತ್ತೆ ಆ ಭಾಷೆ ಭಾರತದ
ಭಾಷೆಲೆಡ್ ಒಂಜಿ ಶ್ರೇಷ್ಟ ಭಾಷೆ -ಇನ್ನಗ ವಿಚಾರ ನಿವೇದನಾ ಸಾಮರ್ಥ್ಯ
ಪಡೆತ್ತ್‌ದ್ ಅಯಿತ ಸಾಹಿತ್ಯ ಗ್ರಂಥಲು ಆಧುನಿಕ ಈ ಕಾಲದ ಭಾರತದ
ಬೇತೆ ಭಾಷೆಲೆಡ್ ಭಾಷಾಂತರವಾಪಿನಾತ್‌ ಯೋಗ್ಯತೆದ ಭಾಷೆ ಆದುಂಡು.
ವಿಜಯನಗರದ ಅಧಿಕಾರಶಾಹಿ ಆಡಳಿತೊಡು ತುಳುದೇಶದ ರಾಜ್ಯಪಾಲೆರ್,
ದಂಡನಾಯಕೆ ಆದಿತ್ತಿನ ಕನ್ನಡದಕುಳು, ತುಳುವ ಭಾಷೆದ ಮಿತ್ತ್ ಆದರ
ತೋಜಾಯಿನಂಚಿನ ನಿದರ್ಶನವಿಜ್ಜಿ. ನನ ತೌಳವ ವಂಶದ
ಕೃಷ್ಣದೇವರಾಯೆ, ವಿಜಯನಗರದ ಪ್ರಖ್ಯಾತ ಸಾಮ್ರಾಟೆ ತುಳುದೇಶೋಗು
ಸಂಬಂಧವಿತ್ತಿನಾಯೆ. ಇಂದ್‌ದಾಂಡಲಾ ಅಪಗನೇ ತುಳುಭಾಷೆ
ಗ್ರಂಥಸ್ಥವಾಪಿನ ಸಾಧ್ಯತೆ ಇತ್ತಂಡ್.
1.49 ಮೂಜನೆದಾದ್, ರಾಜಕೀಯ ಕಾರಣ. ಇಂದೆಕ್‌ಲಾ ಅಧಿಪತ್ಯದ
ಕಾರಣೊಗುಲಾ ದಿಂಜ ವ್ಯತ್ಯಾಸ ಇಜ್ಜಿ. ರಾಜಕೀಯದ ಮದಿಪು ನಂಕ್
ತೆರಿದ್ ಬತ್ತಿನಿ ಸ್ವಾತಂತ್ರ ತಿಕ್ಕಿನ ನಂತ್ರ ವರ್ಷ ಕರಿನಂಚ ಆ ವಿಚಾರಲು
ದಿಂಜ ಆಂಡ್. ಭಾಷಾವಾರ್‌ ಪ್ರಾಂತ ಆವೊಡು ಇನ್ಪಿ ಆಡಳಿತೆದ ಕಾರಣ
ಇಂದೆಕ್ ಸೇರ್ದ್, ೧೯೫೬ ನೇ ಇಸವಿಡ್, ದಕ್ಷಿಣ ಕನ್ನಡ ಜಿಲ್ಲೆಡ್
ಕಾಸರಗೋಡು ತಾಲೂಕುಡು ಇಪ್ಪುನ ತುಳು ಪ್ರದೇಶ,
ಕಾಸರಗೋಡು ತಾಲೂಕು ಸಮೇತ ಕೇರಳೊಗು ಸೇರ್ದ್ ಪೋಂಡು. ತುಳು
ಪ್ರದೇಶ ಈ ತಾಲೂಕದ ಅರ್ಧ ಮಾತ್ರ ಇಂದ್‌ದ್‌ಲಾ, ತಾಲೂಕುನು ರಡ್ಡ್
ವಿಭಾಗ ಮಾಳ್ಪುನ ಸಾಧ್ಯ ಇಜ್ಜಿ ಇನ್ಪಿ ರಾಜಕೀಯದ ಮಿತ್ತ್, ತುಳು
ಪಾತೆರೊ ರಡ್ಡ್ ವಿಭಾಗವಾಂಡ್. ಕನಿಕರದ ವಿಷಯ ದಾನೆ ಇನ್ನಗ ಈ
ಭಾಗೊಡು ಪಾರ್ತಿಸುಬ್ಬನ ಕಾಲೊಡು (ಸುಮಾರಾದ್ ೧೮ನೇ
ಶತಮಾನೊಡು) ತುಳು ಯಕ್ಷಗಾನಲು ರೂಪಿತವಾದಿತ್ತಾ ಇನ್ಪಿ ವಿಚಾರ
ತೆರಿದ್ ಬತ್ತ್ಂಡ್. ಒಂಜಿ ಕಾಲೊಡು, ಪಾರ್ತಿಸುಬ್ಬ ಇನ್ಪಿನಾರೆ ಇತ್ತೆ ಒರಿ
ಕಾಲ್ಪನಿಕ ಪುರುಷೆ ಇನ್ಪಿನಾತ್ ಆದ್ ಉಂಡು ತುಳುವೊಡು.
ಪಾರ್ತಿಸುಬ್ಬನಂಚಿನ ಸ್ಫೂರ್ತಿ ಪಡೆತ್ತಿನ ವಿದ್ವಾಂಸೆರ್, ಕವಿಲು ಈ ಭಾಗೊಡು
ಕಮ್ಮಿ ಇಜ್ಜೆರ್. ತುಳುವ ಸಾಹಿತ್ಯ, ಕಲೆ, ಸಂಸ್ಕೃತಿಗ್ ಈ ಭಾಗದಕುಳು
ದಿಂಜ ಸೇವೆ ಸಲ್ಲಿಸವರೆಗ್ ಸಿದ್ಧವಾದಿಪ್ಪುನಕುಳೇ.
| ತುಳು ಪಾತೆರೊ | 40 |
