ವಿಜಯನಗರದಕುಳು ಈ ನಾಡ್ಡ ಅಭಿಪತ್ಯೊನು ಕೈ ದೆರ್ತ್‌ದ್ ಕೆಳದಿ
ಮನೆತನೊಗು ಕೊರಿನ ನಂತರ ಕನ್ನಡದ ಪ್ರಭಾವನೇ ದಿಂಜ ಆಂಡ್. ಆ
ಕಾಲೊಡು ವಿದೇಶಿ ವ್ಯಾಪಾರದಕುಳು ಮುಖ್ಯವಾದ್ ಪೋರ್ಚುಗೀಸೆರ್ ಈ
ನಾಡ್‌ಡ್ ಠಾಣಿ ಊರೆರೆಗ್ ಬೋಡಾಯಿನಾತ್ ರಡಾಯಿ, ದೊಂಬಿ
ನಡಪಾಯೆರ್. ಕೆಳದಿನಾಯಕೆರೆ ನಂತರ ಮೈಸೂರ್ದ ಹೈದರಾಲಿ, ಟಿಪ್ಪು ಸುಲ್ತಾನೆರ್ ಈ ನಾಡ ರಾಜ್ಯಭಾರ ಮಳ್ತೆರ್, ಅಕುಳೆನ ಕಾಲೊಡು
ಹಿಂದೂಸ್ತಾನಿದ ಪ್ರಭಾವವಾದ್ ಏತೋ ಉರ್ದುಶಬ್ದಲು ತುಳುಪಾತೆರೊಗು
ಸೇರ್ದ್ ಪೊದುಳ್ಳ. ಉದಾಹರಣೆಗ್ ರುಮಾಲ್, ಮುಂಡಾಸ್ ಇತ್ಯಾದಿ
ಶಬ್ದಲು ದೇಶಿಶಬ್ದಲು ಇನ್ಪಿನಾತ್ ತುಳುವೊಡು ರೂಢಿಯಾದುಳ್ಳ. ಆಂಡ
ತುಳು ಭಾಷೆ ಈತೊಂಜಿ ಪ್ರಬಲ ಅಧಿಪತ್ಯ ರಾಜ್ಯಭಾರದ ಕಾಲೊಡು ಪುಟ್ಟುದ್
ಬತ್ತಿನವತ್ತ್. ಆಲೂಪೆರೆರೆಡ್ದ್ ಪತ್ತ್‌ದ್, ಹೊಯಿಸಳ,
ವಿಜಯನಗರ, ಕೆಳದಿ, ಮೈಸೂರು ಅಧಿಪತ್ಯದ ತಿರ್ತ್ ನಡತ್ತೊಂದು ಬತ್ತಿನ
ಈ ತುಳುವ ಪಾತೆರೊದ ಮಿತ್ತ್ ಕನ್ನಡದ ಪ್ರಭಾವ ಓಡಿಯಂದೆ ಇತ್ತಂಡ್.
ತುಳುವ ಪಾತೆರೊ ಈ ಮಾತಾ ಅಧಿಪತ್ಯದ ದೆಸೆಟ್ ಸಂಕುಚಿತವಾಂಡೇ
ಹೊರತು ವೃದ್ಧಿ ಆಯಿಜಿ. ಕಾರಣ ಅಯಿಕ್ ಒಂಜಿ ಲಿಪಿದಾಂತಿನವು.
ಲಿಪಿದಾಂತಿನ ಪಾತೆರೊ ಇನ್ನಗ ಲಿಪಿ ಉಪ್ಪುನ ಭಾಷೆದಕುಳೆಗೆ ತಾತ್ಸಾರ.
ಲಿಪಿದಾಂತಿನ ಭಾಷೆ, ಭಾಷೆನೇ ಅತ್ತ್ ಇನ್ಪಿ ಹೇಳಿಕೆ ಇತ್ತೆಲಾ ಕೇಣ್ದ್
ಬರ್ಪುಂಡು. ತುಳುವ ಜನಮಾನಿ ಕೂಡಾ ಈ ಹೇಳಿಕೆನೇ ಸರಿ ಇಂದ್‌‌ದ್
ಒಪ್ಪುನಂಚ ಆದುಂಡು ಇತ್ತೆಲಾ ತುಳುವೇ ಬರೆಪಾ ಇನ್ನಗ ನಂಕ್
ಸುರುಟು ಎದುರಾಪಿನ ಪ್ರಶ್ನೆ-ಬರೆಪಿನಿ ಎಂಚ? ಲಿಪಿಯೆ ಇಜ್ಜತ್ತಾ? ಈ
ತಾತ್ಸಾರ ಮನೋಭಾವನೆ ಈ ಅಧಿಪತ್ಯಲೆಡ್, ಅಧಿಕಾರಿಶಾಹಿ
ರಾಜ್ಯಭಾರೊಡು ಇತ್ತ್‌ದ್, ತುಳುಪಾತೆರೊ ಗ್ರಂಥಸ್ತವಾವಂದೆ ಒರಿದ್
ಪೋಂಡ್. ಲಿಪಿ ಇತ್ತಿನವು ಭಾಷಾಗ್ರಂಥ ಇಪ್ಪುನವು ಮಾತ್ರಾ ಭಾಷೆ ಇನ್ಪಿ
ಸಂಕುಚಿತ ಭಾವನೆ ನಾಡ್ಡ ಉಳಾಯಿ ಪಿದಯಿ ಪರಂಬುದು ಪೊಂಡ್.
ಒರಿಯನ ಬಾಲ್ಯದ ಛಾಯಾಚಿತ್ರದೆತ್ತಿನವು ಇಜ್ಜಂತೆ, ಆಯನ ಛಾಯಾಚಿತ್ರ
ಇತ್ತೆ ದೆತ್ತಿನವಾಂಡ, ಆಯೆ ಆ ಬಾಲ್ಯೊನು ಕರಿಯಂದೆ, ಒರೋನೇ ಮಲ್ಲೆ
ಆಯೆನಾ ಇನ್ಪಿನ ಲೆಕ್ಕೊ, ತುಳುಭಾಷೆ ಬಾಲ್ಯಾವಸ್ಥೆಡ್ ಕನ್ನಡದೊಪ್ಪ
ಗೊಬ್ಬಾಟ ಮಳ್ತೊಂದಿತ್ತಿನ ಪಾತೆರೊ:
ಆಲೂಪರೆ ಕಾಲೊಡೇ ಕನ್ನಡ ಲಿಪಿ ಪತ್ತುನ ಕಾಲೊಡು ರಡ್ಡ್ ಭಾಷೆಲು
ಬಾಲ್ಯೊನು ಕರಿಯೊಂದು ಬೈದಾ. ಕನ್ನಡ ಬ್ರಾಹ್ಮಿ ಲಿಪಿಟ್, ಗ್ರಂಥಸ್ಥ ಭಾಷೆ
ಅಂಡ್: ಅಧಿಪತ್ಯದ ಆಡಳಿತ ಭಾಷೆ ಅಂಡ್. ತುಳು ಅನಕ್ಷರ ಮೆಗ್ಗೆನ ಲೆಕ್ಕೊ
ಬಲತ್ತೊಂದು ಬತ್ತ್ಂಡ್. ಬಲಕೆಡ್ ರಡ್ ಪಾತೆರೊಲು ಒಂಜೇ ಲೆಕ್ಕ
ಅಂಡ, ಗ್ರಂಥಶಾಸನೊಲೆಡ್ ಕನ್ನಡ ಪ್ರಕಾಶಮಾನವಾದ್ ಬತ್ತ್ಂಡ್.
ಇಂದೆಟ್ ಅಧಿಪತ್ಯದ ಪಾತ್ರ ದಾನೆ ಇಂದ್‌ ಕೇಣುನ ಸಹಜ. ಆಡಳಿತೆಗ್
ಸರ್ವತ್ರ ಒಂಜಿ ಭಾಷೆ ಇಪ್ಪುನ ಅಕುಳೆಗ್ ಅನುಕೂಲ ಇನ್ಪಿನ ತಿಳುವಳಿಕೆ
ಇತ್ತೆಲಾ ಒರಿದುಂಡು. ರಾಜ್ಯ ಭಾಷೆ ದೇಶ ಭಾಷೆ ಇನ್ಪಿ ಕೂಗಾಟ ಇತ್ತೆಲಾ
39
