ಅಂದ, ಚೆಂದ, ಪೊರ್ಲು, ಇನಿಪು, ತೀಪೆ, ಮಧುರ, ಸೊಗಸು- ಜನಮಾನಿ
ಏತ್ಕೊರ್ತೆರೋ ಆತೇ ಇಪ್ಪು. ಅಂತೂ ಸಂಪರ್ಕ ಸಾಧನೆ ಮಾತ್ರ
ಸಮಪರ್ಕವಾದ್ ನಡಪುಡ್‌ನವೇ ಆ ಜನಮಾನಿನ ಪಾತೆರೊ ಆಪಿನವು
ಸಹಜ. ಎಂಚನ್ನಗ, ಮೊಟಾರ್ ಕಾರ್ ಫೋವಂದಿನ ಜಾಗಲೆಡ್
ನರಮಾನಿ ಕುದುರೆದ ಮಿತ್ತ್, ಬೋರಿದ ಗಾಡಿದ ಮಿತ್ತ್ ದಾಲ ತಿಕ್ಕಂದೆ (ಆ
ಊರುಡು ಕತ್ತೆ ಕೂಡಾ ಇತ್ತ್‌ಜಿಡ) ನಡತ್ತೊಂದು ಆಂಡಲಾ
ಪೊವೊಡಾಪುಂಡತ್ತ? ಸೌಕರ್ಯ ಸೌಲಭ್ಯ ಆಕಾಂಕ್ಷಿಯಾಯಿನ
ನರಮಾನಿ, ಮೋಟಾರ್ ಪೋಪಿನ ಹೆದ್ದಾರಿ ಮಳ್ತದ್, ಆಯೆಡೆಗೊಂಜಿ ಬಸ್ಸ್
ಸರ್ವಿಸ್ ಪಾಡ್ಪಾದ್, ಸೌಕೊಡು ಮೊಟಾರ್ ಸವಾರಿ ಮಳ್ಪುನವೆನ್
ಹಾರೈಸುನವು, ಯೋಗ್ಯ ಭಾಷೆದ ಮುಖಾಂತರ ಸಮಾಜ ಸಮುದಾಯದ
ಒಟ್ಟುಗ್ ಸಂಪರ್ಕ ಪಡೆಪಿನ ಲೆಕ್ಕೊನೇ ಆದುಂಡು.
1.45 ನನ ಕೆಲವು ಕೃತಕ ಭಾಷೆಲು ಉದ್ಭವವಾಯಿನವುಲಾ ಉಂಡು. ಈ
ಕೃತಕ ಭಾಷೆಲೆನ್ ಕೆಲವು ವಿದ್ವಾಂಸೆ‌ರ್, ತಂಕುಳೆಗ್ ಎಡ್ಡೆ ಇಂದ್‌‍ದ್ ತೆರಿನ
ಶಬ್ದ ವಾಕ್ಯ ಪ್ರಯೋಗ ಮಾಳ್ತ್‌ದ್ ಪುಸ ಭಾಷೆ ಇನ್ಪಿ ಅಂಕಿತೊಡು ಪ್ರಚಾರ
ಮಾಳ್ತೆರ್. ಆಂಡ ಆ ಭಾಷೆಲೆನ್ ಪಾತೆರ್ಪಿನಕುಳು ಏರ್? ಪಾತೆರ್ಪಿ ಜನಮಾನಿ
ತನ ಕಂಟೆಲ್, ಕಿರುನಾಳಿ, ನಾಲಾಯಿ, ಬಾಯಿ, ದಂತ ಇತ್ಯಾದಿಲೆನ
ಸಹಾಯೊಡು ಉಚ್ಚಾರ ಮಳ್ಪರೆ. ಅರ್ಥ ಪಿನ್ಪಾವರೆ ತಿಕ್ಕ್‌ಜೆರ್ಡ, ಆ ಉತ್ತಮ
ಭಾಷೆ ಇಂದ್‌ ದ್ ವಿದ್ವಾಂಸೆ‌ರ್ ಕಟ್ಟಿನ ಪಾತೆರೊ ಪೇಂಟೆದಾಂತಿನ ಊರ್ದ
ಲೆಕ್ಕೊ ಆದ್, ಕ್ರಮೇಣ ಮಾಜಿದ ಪೋಂಡು ಆ ಭಾಷೆ ಅಥವಾ ಆ ಒಂಜಿ
ಕೃತಕ ಭಾಷೆಡ್ದ್ ಪಾಕ ಕೃತಕ ಭಾಷೆಲು ಉಂಡಾದ್, ಅಯಿಕುಳು ಮಾತಾ
ಯೆಡ್ಡೆ ದಿನ ತೂದ್ ಮಾಯಕವಾಯ ತರೆದೆರ್ಪಂದಿನ ಲೆಕ್ಕೊ ಸಾರಾಂಶ
ದಾನೆ ಇನ್ನಗ, ಸಮಾಜ ಸಮುದಾಯ ಬುಡಕಟ್ಟದಕುಳು ಸ್ವಾಭಾವಿಕ
ಕಾರ್ಯನಿಮಿತ್ತವಾದ್ ಉಪಯೋಗ ಮಳ್ಪುನ ಉಚ್ಚಾರನೇ ಭಾಷೆ
ಅತ್ತಾವಂದೆ, ಜನಮಾನಿಗ್ ಒಂಬಂದಿನ, ಉಪಯೋಗವಾವಂದಿನ ಭಾಷೆಡ್ ಸ್ವಾಭಾವಿಕತೆ ಇಜ್ಜಾಂತೆ, ಆ ಭಾಷೆ- ಮರ್ಯಾಲದ ತೆಡಿಲ್ ಗೊರೆಪುನ ಸಮಯೊಡು ಮೂಡ್ದ್, ತೆಡಿಲ್ ಬರ್ಸ
ಉಂತುನದುಂಬೆ ಮಾಯವಾಪಿನ ಲಾಂಬುದ ಲೆಕ್ಕೊ- ಕುರುಹುದಾಂತಿನಂಚ ಮಾಯವಾವಾ.
1.46 ಭಾಷೆ ಬಲಪುನಿ, ಬದಲಾಪಿನಿ ರಡ್ಡ್ ಕಾರಣೊಲೆಡ್: [೧] ಅಂತರಿಕ,
ಬೊಕ [೨] ಬಾಹ್ಯ.
ಅಂತರಿಕ ಕಾರಣೊಡು ಜನಮಾನಿ ಸರಳತೆ, ಸ್ಪಷ್ಟತೆಗಾದ್ ಸುಲಭ
ಉಚ್ಚಾರೊಗಾದ್ ಶಬ್ದಲೆನ್, ವಾಕ್ಯಲೆನ್ ಬದಲಾವಣೆ ಮಳ್ಪುವೆ. ಉದಾ:
ನಾರಾಯಣೆ ಇನ್ಪಿ ದೀರ್ಘ ಪದ ಚುಟುಕುದ ನಾಣೆ, ನಾನೆ, ನನ್ನೆ ಆಪುಂಡು.
ಲಕ್ಷ್ಮೀ ನಾರಾಯಣೆ ನನಲಾ ಸುಲಭದ ಎಚ್ಚಣ್ಣೆ ಆಪೆ. ವಾಕ್ಯದ
ಪ್ರಯೋಗೊಡು ತುಳುಟು ದಿಂಜ, ಪಾಕ ಇನ್ಪಿ ಶಬ್ದಲು ಇಪ್ಪುನವಾಂಡಲಾ,
ಮಸ್ತ್ ಇನ್ಪಿ ಉರ್ದುಮೂಲದ ಪದ ಸಾಮಾನ್ಯ ರೂಢಿಡುಂಡು. ಇಂದೆಟ್
Rh||37|ಬುಧಾನಂದ ಶಿವಳ್ಳಿ}}
