೨. ಉದ್ಗಾರ ತತ್ವ (Pooh-pooh theory): ದುಃಖ, ಬೇನೆಡ್ ಜನೊ ಉದ್ಗಾರ
ದೆಪ್ಪುನವು ಸಹಜ. ಅಯ್ಯೋ, ಹಾಯ್!, ಇನ್ಪಿನವು ಸಂಕಷ್ಟ ಸೂಚಕವಾಂಡ
ಓ ಅಹಾ! ಇನ್ಪಿ ಪದಲು ಆಶ್ಚರ್ಯಸೂಚಕವಾದ್, ಥು! ಇನ್ಪಿನವು
ತಿರಸ್ಕಾರಸೂಚಕವಾಪಿನಿ ಈ ತತ್ವದ ರೀತಿಡ್.
೩. ನಾದ ತತ್ವ (Ding-dong theory): ಇಂದ್ ಪ್ರಸಿದ್ಧ ಸಂಸ್ಕೃತ ತಜ್ಞೆ ಮಾಕ್ಸ್
ಮುಲ್ಲೆರೆನ ಸಿದ್ಧಾಂತ. ಪ್ರತಿ ವಸ್ತುಗ್ ತನ್ನವೇ ಆದಿತ್ತಿನ ನಾದ (ಸ್ವರ)
ಇತ್ತ್‌ದ್, ಪಾತೆರ್ಪಿನಾಯನ ಆತ್ಮ ಆ ನಾದೊಗು ಅಭಿವ್ಯಕ್ತಿ ಕೊರ್ಪಿನವೇ
ಭಾಷೆ ಇಂದ್ದ್ ಆರ್ ಪಂಡೆರ್. ನಂತ್ರ ಆರೇ ಈ ತತ್ವ ಸಿದ್ಧಾಂತೊನು
ಕೈಬುಡಿಯೆರ್. ಇಂದೆಟ್ ಇತ್ತೆದ ಅಧ್ಯಯನ ರೀತಿಡ್ ಒಂತೆ ಅಂಡಲಾ
ಸತ್ಯತೆ ತೊಜಿದ್ ಬರ್ಪುಂಡು.
೪.ಶ್ರಮ ಪರಿಹಾರ ತತ್ವ (Yo-hoho theory: ಕಷ್ಟ ಕೆಲಸ ಮಾಳ್ಪುನಗ ಶ್ರಮ
ಪರಿಹಾರೊಗಾದ್ ಧ್ವನಿಕೂಡಿಪಾವುನವುಂಡು. ಆಂಡಲಾ ಇಂಚಿನ ಶಬ್ದಲು
ಶಬ್ಧಕೋಶೊಗು ಸಾಮಾನ್ಯವಾದ್ ಸೇರುಜಾ.
ಮಿತ್ತ್‌ದ ಈ ನಾಲ್ ತತ್ವಲೆಡ್ ಭಾಷಾಶಾಸ್ತ್ರೋಗು ಉಪಯೋಗವಾಯಿನಿ
ತೀರಾ ಕಮ್ಮಿ. ಶಿಶುಭಾಷೆ, ಅನಾಗರಿಕ ಜನಾಂಗದ ಭಾಷೆ, ಭಾಷೆದ
ಇತಿಹಾಸ ಇತ್ಯಾದಿಲೆಡ್ ಭಾಷೆದ ಉಗಮ ಎಂಚವಾಂಡ್ ಇಂದ್ದ್ ನಿಷ್ಕರ್ಷೆ
ಮಾಳ್ಪರೆ ಸಾಧ್ಯ.
1.35 ಯೆಸ್ಪರ್ಸನ್ ಪಣ್ತಿನ ಪಾತೆರೊ ಇಂದೆತ ಮಿತ್ತ್ ಗಮನಾರ್ಹ ಇಂದ್ದ್
ತೆರಿವೊಲಿ. ಪಾತೆರೊದ ಮಟ್ಟೋಡು ಇಪ್ಪುನ ತುಳುತಂಚಿನ ಭಾಷೆದ
Davon "We may perhaps draw conclusion that primitive
languages in general was, rich in all kinds of different sounds-tone
plays an important part in many primitive languages-we must imagine
primitive languages consisting of different sounds and sung rather than spoken."
ಉದಾಹರಣೆಗಾದ್ ತುಳುಟ್ ಈ ವಾಕ್ಯ ತೂಲೆ: ಆಯೆ ತನ
ಕೆಲಸೊನೆಂಚಾಂಡಲಾ ಮಾಳ್ತೊಣುಡುವೆ /ಮಳ್ಪಾವೊಣುಡುವೆ/ ಮಳ್ತುಡುವೆ
ಮಳ್ತುರ್ವೆ ಇತ್ಯಾದಿ. ನನ ಒಂಜಿ ಉದಾಹರಣೆಗ್ ೩.೪೩ ತೂಲೆ.
1.36 ಪಾಣಿನಿನ ಸಂಸ್ಕೃತ ವ್ಯಾಕರಣದ ಅಧ್ಯಯನ ನಡತ್ತಿನ ನಂತ್ರ
ಪಾಶ್ಚಿಮಾತ್ಯ ವಿದ್ವಾಂಸೆರೆಗ್ ಅಯಿತ ಶ್ರೇಷ್ಟತೆ ಅರಿವಾಂಡ್. ಲಿಯೊನಾರ್ಡ್
ಬ್ಲೂಮ್‌ಫೀಲ್ಡೆರ್ ಪಣ್ತಿನಲೆಕ್ಕೊ "ಇಂದೊಂಜಿ ಮಾನವ ಬುದ್ಧಿ ಸೂಕ್ಷ್ಮತೆದ
ಮಲ್ಲ ದಾಖಲೆ. ಇಂದೆಟ್ ಅತ್ಯಂತ ಸೂಕ್ಷ್ಮ ವಿವರಲು, ಭಾಷಾರಚನೆಲು,
ಮೂಲರೂಪೊಲು ವ್ಯಾಕರಣದ ರಚನೆದ ಸೂತ್ರಲು ತೋಜಿದ್, ಈತ್‌ಮುಟ್ಟ
ಇಂದೆಕ್ ಸರಿಸಮಾನವಾದಿಪ್ಪುನ ವ್ಯಾಕರಣ ಜ್ಞಾನ ತೆರಿಪಾವುನ ಗ್ರಂಥೋಲು
