ಪುಟ:Tulu Patero 2017bmr.pdf/311

ಸಿಮಾ ಸಮಾನ ಶಬ್ಧಲು ಇತರ ಆಫ್ರಿಕಾಭಾಷೆಲೆಡ್ ಉಪ್ಸರೆಯಾವು ನಿಮಾ ಶಬ್ದ ವಲಸೆ ಬತ್ತಿನ ಜನಕುಲೆನ ಒಟ್ಟುಗು ಬತ್ತ, ತರುವಾಯ ಇತರ ಭಾರತೀಯ ಭಾಷೆಲೆಗ್ ಸಿಂಹವಾದ್ ಬತ್ತುದುಪ್ಪುನ ಸಾಧ್ಯವೂಂಡು, ಮುಲ್ಪ ನಮ್ಮ ಈ ಸಿಮಾ ಆಫ್ರಿಕಾ ಖಂಡದ ಅರಣ್ಯಲೆಡ್ ಮೂಲವಾದ ಅಂಚನೆ ವ್ಯಾಪಕವಾದ್ ಇಪ್ಪುನ ಪ್ರಾಣಿ ಇನ್ನಿನೆನ್ ನೆನೆಪು ಮಲ್ಲೊ. > ಬಾರ್ ಇಸ್ಪಿ ಶಬ್ದ, ಅಸ್ಸಿರಿಯಾ-ಬೆಲಾನ್‌ ಈಲಂ [Elam] ಭಾಷೆಡ್ ಜತ್ತ್ ಇನ್ಸಿ ಅರ್ಥಕೊರ್ಪುಂಡು ಉಂದು ನಂಮ ತುಳುಕ "ಬಾರ್" ಶಬ್ಧದ ಮೂಲವಾದುಪ್ಪು, ಬಾರ್‌ಡ್ ತಮಿಳ ವಾರ್ ಆಲ್ಡ್ ವರಿ > అరి ఇత్యాది ಬೈದ್‌ಂಡ್, ಅಂಚನೇ ಉಬು ಶಬ್ಧ ಅವೇ ಅರ್ಥೋಡು ಈಲಂ ಭಾಷೆಡ್‌ ಉಂಡು. ತುಳು ಜನ ಸುಮೇರು ಮೂಲದ ಜಲಾಶ್ರಯೊಡು ಬದುಕೊಂದಿತ್ತಿನ ಕೃಷಿಕರ್, ಅಲ್ಲ ಭೂಮಿ ಮರುಭೂಮಿ (ಸಹಾರ) ಯಾನ ಸಂಕಟ ಪರಿಸ್ಥಿತಿಡ್ ವಲಸೆ ಬತ್ತೆರ್ ಇಂದ್ ತೆರಿಯೊಲಿ. ತುಳುಟು "ಕರ್ಕ್" ಇಲ್ಲಿ ಶಬ್ಲೊಗು ಕಥೆ‌(ಒಗರು) ಇನ್ನಿ ಮೂಲಾರ್ಥ ಇತ್ತಿಲೆಕ್ಕ ತೋಜುಂಡು ತಂಡ ತಿರ್ಲ್ಬಗ್ ಕರ್ಕ್ ಇನ್ಸರ್, ಅಂಚನೆ ಓಟೆಪುಕ್ ಕಕ್‌ಪು ಇನ್ಸರ್, ಮಾಲ್ಟ್ ಭಾಷೆಡ್ ಕರ್ಕ್ ಇನ್ನಗ ಕೈಪೆ. ಇಂಚಿನ ಏತೊ ಶಬ್ದಲು ಒಂಜೇ ಮೂಲೊಸ್ಟ್ ಬೈವಿಲೆಕ್ಕ ತೋಜುಂಡು, ನಂಮ ತುಳುತಂಚನೇ ಆಫ್ರಿಕೊಡು ಬಾಮೂಲದ ಇನ್ನಗ ಬರೆವೀವಂದಿನ- ಸಾಹಿತ್ಯಲು orature (oral+literature) ಅಕುಲು ಇನ್ನಗ "ಬಾತ್ಯ" ( ಬಾಂಟದರೆ+ಸಾಹಿತ್ಯ) ಇಂದ್ ಪಣೋಲಿ. ಪಾಡ್ಡನ, ಎದುರುಕತೆ, ಪರನುಡಿ, ಗಾದೆ ಇಂಚಿನ ಮಾತಾ ಜಾನಪಾದೊಲು ಈ ಬಾತ್ಯದ ಅಡಿಟ್ ನಂಮಂಚನೆ, ಆಫ್ರಿಕೊಡುಲಾ ಮಾತೃಪ್ರಧಾನ ಸಂಸ್ಕೃತಿ, ಮಾತೃಪ್ರಧಾನ ಸಂಸ್ಕೃತಿ, ಪೂರ್ವಜೆರೆನ್ ಪೂಜಿಸಾವುನ ಪದ್ಧತಿ ಇತ್ತ್ಂಡ್, ಉಂಡು. ಆಂಡಾ ಅಕುಲು ಸೈತಿನಕಲೆನ್ ಕೊಂಪುನ ಪದ್ದತಿದಕುಲು. ನಂಮ ತುಳುನಾಡುದ ಪಾಂಡವರಕಲ್ಲು, ಮೂಡನಿಡಂಬೂರು ಇತ್ಯಾದಿ ಪ್ರಾಚೀನ ಕಲ್ಲುಗೋಲಿನ ಅವಶೇಷೋಲೆನ್ ತೂವನಗ (ಗುರುರಾಜ ಭಟ್‌, ೧೯೭೫), ಕರಾವಳಿಡ್ ಪಿರಾಕ್‌ಡ್ ಸೈತಿನಕನ್ ಕೊಂಪುನ ಪದ್ಧತಿ ಇತ್ತಿನೆಕ್ಸ್‌ ಪುರಾವೆಲು ತೋಜುಂಡು. ಆಫ್ರಿಕಾದ ನುಬಿಯಾದ ಭಾಷೆದ ಶಬ್ದಲು ತಮಿಳು ಶಬ್ದಲೆಗ್ ಸಾಮ್ಯತೆ ಇಪ್ಪುನೆನ್ ಕೆಲವಿದ್ವಾಂಸೆರ್ ಅಧ್ಯಯನ ಮಲ್ಪೆರ್, ತಮಿಳು ಸಂಗಂ ಸಾಹಿತ್ಯದ ಶಿಲಪ್ಪಧಿಕಾರಂ ಕೃತಿಟ್ ಬರ್ಪಿನ ಕೋವಲನ್-ಕನ್ನ ಕಥಾಪ್ರಸಂಗ ಈಜಿಪ್ಟ್ದ ಓಸಿರಿಸ್-ಐಸಿಸ್ ಕಥೆಕ್ ಹೋಲಕೆ ಉಂಡು ಇನ್ಸರ್, ಉಂದೆ ಮೂಲಕತೆ ಬೊಕೊಂಜಿ ರೂಪೊಡು ಶಿವ-ಪಾರ್ವತಿಯೆರೆನ ಪ್ರಸಂಗವಾಂಡ್ ಇನ್ನಿನಲಾ ಉಂಡು. ಇಂಚ, ನಂಮ ಕೆಲವು ತುಳು ಶಬ್ದಲು, ಆಚಾರ ವಿಚಾರ ಸಂಸ್ಕೃತಿಲು ಮೂಲೊಡು ಮೂಜಿನಾಲ್ ಸಾವಿರವರ್ಷ ಪಿರಾವುದ ಅನ್ಯಾಏಸಿಯಾ(Asia minor)-ಆಫ್ರಿಕ ಖಂಡೊಯ್ದು ಬಸ್ತ್‌ಂಡ್ ಇಂದ್ ತೆರಿಯೊಲ್ಲ. 2.5 ಸಿಂಧೂ-ಸರಸ್ವತಿ ನಾಗರೀಕತೆ (ಕ್ರಿ.ಪೂ 2500 ?-1750)

310

ತುಳು ಪಾತೆರೊ