ಪ್ರಾಚೀನ ಸುಮೇರುದ ಶಬ್ದನ ಪಟ್ಟದ್ "Bus)" ಮೃದುವಾಯಿನ,ಗಟ್ಟಿಯಾವಂ ದಿನ, ಇನ್ನಗ ನಂಮ ತುಳುವೆ ಪಿಲಕಾದ ಮಾದರಿದ ಇನ್ನಿನಂಚಿನ ಅರ್ಥ ಬರುಂಡು. ಉಂದೆ ಶಬ್ಲೊಗು ಬೇತೆ ಅರ್ಥೊಲು ಇತ್ತುದುಪ್ಪು, ಸುಮೆರುದ ಕೊಪೊಡು "ತು' ಇನ್ನಿ ಧಾತು ಮೀಪಿನಿ,ದೆಕ್ಕುನಿ ಇತ್ಯಾನಿ ನೀರ್‌ಗ್ ಸಮ್ಮಂದುತ್ತಿನ ಕ್ರಿಯೆಲೆನ್ ಸೂಚಿಸಾವುಂಡು: ಅವೇ ಧಾತುದ ರಡ್ಡನೇ ಅರ್ಥ ಗುವೆಲ್[ಉಗ್ಲೆಲ್],ಕಾರಂಜಿ, ನೀರುಂತುನ ತಗ್ಗುಪ್ರದೇಶ ಇಂದ್ ಮಾತಾ ಪುಂಡು, ಲ,ಲು ಧಾತುಲೆಗ್ ಸುಮೇರುಭಾಷೆಡ್ ಬಿಂಜ, ಬಿಂಜಿವಿನ ಇನ್ನಿ ಅರ್ಥೊಲು ಇತ್ತ್ಂಡ್. ಒಟ್ಟಾರೆ ತೂವನಗ, ಸುಮೇರುಕಾಲೊಡು "ತುಳು" ಇನ್ನಗ ನೀರ್ ಸಂಬಂದಿತ್ತಿನ ಕ್ರಿಯೆಲು, ಉದ್ದೆಲ್, ಪರನ ನೀ: (ನೀರ್‌ದ) ತಗ್ಗುಪ್ರದೇಶ" ಇತ್ಯಾವಿ ಅರ್ಥವಿತ್ತ್ಂಡ್. ಅಂಚಾದ್ "ತುಳು" ಇನ್ನಗ ಪರಪುನ ನೀರ್‌ದ,ತುದೆತ್ತ ಕೈತಲ್ ಬದುಕೊಂದಿತ್ತಿನ ಒಂಜಿ ಜನಾಂಗದ ಪುದರಾದಿತ್ತಿನ ಸಾಧ್ಯತೆ ತೋಜುಂಡು. ಸುಮೇರು-ಸಹಾರ-ಎಥಿಯೋಪಿಯಾದ ಕೈತಲ್ಲ ಪ್ರದೇಶೂಲೆಡ್ ಬಲೂಚಿಸ್ಥಾನ, ಪಿರಾಕ್‌ದಂಚಿ ವಲಸೆ ಪೋತಿನ ಜನಕುಲೆಗ್ ತುಳು (ಜನ) ಇಸ್ಪಿ ಪುದರ್ ಇತ್ತುದುಪ್ಪೆರೆ ಯಾವು "ತುಳು" 2089 ಆಫ್ರಿಕಾ ಮೂಲದ ವಲಸೆ ಪ್ರಿಯ ಜನಾಂಗನಾಮಸೂಚಕ ಶಬ್ಧವಾದ್, ಆಧುನಿಕ ಆಫ್ರಿಕಾದ ಭಾಷೆಲೆಡ್, ಕಾಲಕ್ರಮೇಣ "ತುಳು" * ಇನ್ನಿನೆಕ್ಟ್ ನೀರ್‌ಲೆಕ್ಕ "ಪರಡ್‌ನ", ವಲಸೆ ಪೋತಿನ ಇಲ್ಲಿ ಅರ್ಥವಿಕಾಸವಾತಿ ಲೆಕ್ಕ ತೋಜುಂಡು. ಉಂದೆ ರೀತಿಡ್, ಮುಂಡಾ ಭಾಷೆದ ತು (ಪರಪನ) + ದ (ನೀ) ಧಾತುಲೆಡ್ ನಂಮ "ತುದೆ"ಪರಪುನ ನೀರ್) ಶಬ್ದ ಬತ್ತಂಡ್. ಮುಲ್ಪ ಸುಮೇರು ಮುಂಡಾ ಧಾತುಲೆನ ಸಾಮ್ಯತೆನ್ ತೂಲೆ. ಅಂಚನೇ ಬಂಟು ಇಲ್ಲಿ ಅಫ್ರಿಕಾದ ಪದ "ಜನಕುಲು" (ಬ=ಕಲು, ಬಹುವಚನ ಪ್ರತ್ಯಯ: ಸ್ಟು=ಮನುಷ್ಯರ್, ಜನ) ಇಲ್ಲಿ ಅರ್ಥಕೊರ್ಪುಂಡು. ಆಫ್ರಿಕಾಖಂಡದ ಉಲಾಯಿ ಜಲಭರಿತ ಭೂಮಿ ಕಾಲಾಂತರೊಡು ಬರ್ಸದಾಂತೆ, ಸಹಾರ-ಮರುಭೂಮಿಯಾಯಿನ ಕಾರಣ ಎಂಟು ಜನಕುಲು ಅಲ್ಲ ಚರಿತ್ರೆಡ್, ಬೇತೆ ಬೇತೆ ಬಿಕ್ಕುಲೆಗ್ ವಲಸೆ ಪೋತಿನೆಕ್ಟ್ ಲೋ ಜೆ. ವಾಂಡರ್ ಬೀನ್ ಬೊಕ ಮೇಲಿ ಹೊಂಬರ್ಟ್, ಇನ್ನಿತರರೆನ ಸಂಶೋಧನಾ ಬವರೊಲು ಅಂತರ್ಜಾಲೊಡು ತೋಜುವಾ, ಅಂಚ ತೂನಗ, "ತುಳು-ಎಂಟು" ಇಲ್ಲಿ ರಡ್ ಆಫ್ರಿಕನ್ ಮೂಲದ ಶಬ್ದಲುಲಾ, ಸ್ಕೂಲವಾದ್ ಬೇತೆ ಬೇತೆ ಕಡೆಕ್ ಪರಡ್‌ದ್, ಚದುರ್‌ದ್‌, ವಲಸೆಪೋಯಿನ ಜನಕುಲೆಗ್ ಅನ್ವಯವಾಪುಂಡು. ನಂಮ ತುಳುಹ ಬಂಟ್ ಪದ ಆಫ್ರಿಕಾ ಮೂಲದ ಬಂಟು ಪದೊಕು ಸಂಬಂಧವಿತ್ತಿನವಾ? ಕೆಲವು "ಬಂಟು"(=ಜನಕುಲೆನ) ಕುಟುಂಬೊಲು ನೆಲ ಇಜಿಂಡ ಜಲಮಾರ್ಗೊಡು ಪಿರಾಕ್‌ಡ್ ತುಳುನಾಡ್‌ದ ಕರಾವಳಗ್ ಬತ್ತಿದ್ ನೆಲೆಯಾಯೆರಾ, ಅಕುಲು ಕ್ರಮೇಣ ಮುಖ್ಯ ಅರಸೆರೆಗ್ ನಂಬಿಕಸ್ತ ಸೇವಕರಾದಿತ್ತಿನ ಹಿನ್ನೆಲೆಡ್ "ಬಂಟ" (=ನಂಬುಗೆದ ಆಳು) ಇಲ್ಲಿ ಶಬ್ದ ತುಳುಕು, ಅಯಿಡ್ಸ್ ಬೊಕ ಕನ್ನಡೊಗು, ಬಂಡಾ ಇಸ್ಪಿ ನಂಮ ಸಂದೇಹೊಲು ದುಂಬುದ ಸಂಶೋಧಕರೆಗ್‌ ಸವಾಲಾಪಾ. ಆಫ್ರಿಕಾದ ಭಾಷೆಲೆಡ್ ಏಷ್ಟೊಂಜಿ ಶಬ್ದಲು ತುಳುಕ್ಕು ಬೈದ ಇಂದ್, ನಂಕ್ ವಿವರವಾಯಿನ ಸಂಶೋಧನೆ ದಾಂತೆ ಗೊತ್ತಾವಂದ್, ಆಫ್ರಿಕಾದ ಒಂಜಿ ಭಾಷೆ ಸ್ವಾಹಿಲಿಪ್ ನಿಂಬಾ ಇನ್ನಗ ಸಿಂಹ. ನಮ್ಮ ತುಳುಟು ಉಂದೆನೇ ನಿನಾ ಇನ್ನಾ ಸಿಂಬಾ>ನಿಮಾ ಆತಿಲೆಕ ಇಜಿಂಡ ಒಂಜೆ ಮೂಲದ ಶಬ್ದಲೆ ಲೆಕ್ಕ ತೋಜುಂಡು.
ಬುಧಾನಂದ ಶಿವಳ್ಳಿ
