ಸ್ವಾಭಾವಿಕವಾದಿತ್ತಿನವು ಇಂದೆರ್ಡ, ಪ್ರತಿರೂಪವಾದಿಲು ಪಾತೆರೊದ ರಚನೆಡ್
ಅಸಂಬದ್ಧತೆನೇ ಇತ್ತುoಡ್ ಇಂದ್ ತೋಜಾವೊಂದು ಪೋಯೆರ್.
ರೂಪಸಾಮ್ಯವಾದಿಲು ಶಬ್ದೊಲೆನ ಮೂಲ, ನಿಜವಾದಿತ್ತಿನ ಅರ್ಥ
ಅಯಿಕುಳೆನ ರೂಪೊಡು ತೊಜಿದಿತ್ತಿಂಡ್ ಇಂದ್ದ್ ನಂಬಿಯೆರ್.
ಅಯಿಟ್ ಅಧ್ಯಯನ ಮಳ್ತ್‌ದ್, ಅಯಿಕ್ ಶಬ್ದ ವ್ಯುತ್ಪತ್ತಿ (etymology)
ಇಂದ್ದ್ ಪುದರ್‌ ದೀಯೆರ್.
ಆಂಡಾ, ಅಕುಳೆನ ಸಿದ್ಧಾಂತೊನ್ ಮಾತಾ ಶಬ್ದಲೆಗ್ ಅನ್ವಯ ಮಳ್ಪರೆ
ಆವಂದೆ ಪೊಂಡು. ಉದಾ: ಗ್ರೀಕ್ ಶಬ್ದ lithos ಇನ್ನಗ ಕಲ್ಲ್. ಈ ಪದ
ಶಬ್ದ ವ್ಯುತ್ಪತ್ತಿಯಾನ lian theein ಇನ್ಪಿ ಮೂಲಶಬ್ದಲೆಡ್ದ್ ಇಂದ್ದ್
ಪಿನ್ಪಾಯೆರ್‌. ಇಂದೆಕ್ ಅರ್ಥ "ಸಮೆಪಿನವು" (to run too much)
ಇಂದ್‌ದಾಂಡ್‌. ಆಂಡಾ ಕಲ್ಲ್ ಸಮೆಪಿನಿ ಉಂಡಾ? ಇನ್ಪಿ
ಪ್ರಶ್ನೆಗ್ ಅಕುಳೆಡ ಉತ್ತರ ಇತ್ತಿಜಿ. ನಮಲಾ ಗ್ರಹಿಪೊಲಿ, ಇಂದ್ ಒಂಜಿ ತೀರಾ ಅಭ್ಯಾಸ
ಇಂದ್ದ್, ದಾಯೆಗಿನ್ನಗ, ಕಲ್ಲ್ ಸಮೆಪಿನವೆನ್ ನಮ ಜೀವಮಾನೊಡು
ಸ್ವಂತ ಕಣ್ಣ್‌ಲೆಡ್ದ್ ತೂತುಜಾ.
ಆಂಡ, ಭೂವಿಜ್ಞಾನದ ಪ್ರಕಾರ ಕಲ್ಲ್ ಸಮೆಪಿನ ನಿದರ್ಶನ ಪಾಕ
ಕೋಡಿಲೆಡ್ ಉಂಡು. ಉದಾ: ನಮ ತುಳುನಾಡ್‌ಡ್ ಇತ್ತೆ ಕೆಂಪು ಕಡಪದ
ಕಲ್ಲ್, ಅಯಿಟ್ ಉಂಡಾತಿನ ಮಣ್ಣೇ ತೋಜಿದ್ ಬರ್ಪುಂಡು. ಈ
ಕೆಂಪುಕಲ್ಲುಲು ಮಿಲಿಯ ಮಿಲಿಯ ವರ್ಷ ಪಿರಾಕ್‌ಡ್ ಗಟ್ಟಿ ಪಾದೆಕಲ್ಲಾದ್,
ನೀ‌ರ್, ವಿಪರೀತ ಬರ್ಸದ ದೆಸೆಟ್, ಅಯಿಟಿತ್ತಿನ ಸುಣ್ಣ, ರಂಜಕ ಕರದ್,
ಕರ್ಬೋ, ಬೋಕ್ಸೈಟ್ ಇನ್ಪಿನವು ಒರಿದ್, ಈ ಕಾಲೊಡು ತೆರಿನಪಲೆ, ಗ್ರೀಕ್
ವಿದ್ವಾಂಸೆರೆನ್ ನಿಷ್ಪತ್ತಿ ಸಮ ಇಂದ್ದ್ ತೆರಿಯೊನೊಲಿ. ಮುಖ್ಯವಾದ್
ಗ್ರೀಕೆ‌ರ್ ಶೋಧನೆ ನಡಪಾಯಿನಿ ಅಕುಳೆನ ಭಾಷೆದ ಪರಿಮಿತಿಟ್, ಕರ್ತೃ
ಕರ್ಮಣಿ ಪ್ರಯೋಗ ಲಿಂಗ, ಕಾಲ, ವಚನ ಇತ್ಯಾದಿ ವ್ಯಾಕರಣೊಲೆನ ಮಿತ್ತ್
ಇಂದೆಕ್ Dionysius thrax ಇಂದ್ದ್ ಪುದರ್‌ ದೀಯೆರ್. ಕಾಲ ಕ್ರಿ.ಪೂ.
ರಡ್ಡನೆ ಶತಮಾನ.
1.31 ನಂತ್ರ ರೋಮನ್ ಸಾಮ್ರಾಜ್ಯದ ಮುಖ್ಯ ಭಾಷೆ ಆದ್ ಬತ್ತ್ಂಡ್
ಲ್ಯಾಟಿನ್. ಕೆಲವೇ ಶತಮಾನದ ಅಂತರೊಡು ಪ್ರಾದೇಶಿಕ ಪಾತೆರೊಲು
ಇಟಾಲಿಯನ್, ಫ್ರೆಂಚ್, ಸ್ಪಾನಿಷ್ ಭಾಷೆಲು ಪ್ರಚಾರವಾಯ. ಜರ್ಮನ್
ಸಂಪರ್ಕದ ದೆಸೆಟ್, ಇಂಗ್ಲೀಷ್ ಭಾಷೆಲಾ ದುಂಬು ಬತ್ತಿನವಾಂಡಲಾ
ಆಯಾಯ ಭಾಷೆಲೆಡ್ ವ್ಯಾಕರಣ ಅಧ್ಯಯನ ನಡತ್ತ್ಂಡಲಾ
ಭಾಷಾಶಾಸ್ತ್ರದ ಆರಂಭವಾಯಿನಿ ಸಂಸ್ಕೃತದ ಅಧ್ಯಯನದ ನಂತ್ರನೇ.
28
