ತೀವ್ರಗಾಮಿ ಶೈವತತ್ವ (ultra-Shaivism) ಪ್ರಬಲವಾಯಿನಪಗ ಇಂದ್‌‌ದ್
ತೆರಿಪುಂಡು.
18.41 ಶೈವ ಸಂಸ್ಕೃತಿಡ್ ದೇವೆರುಂಡು. ಏಕಸ್ವರೂಪಿ, ಕಿಂಚಿತ್
ಆಕಾರದ, ಲಿಂಗ ರೂಪದ ದೇವೆ‌ರ್. ಲಿಂಗ ಇನ್ನಗ ಚಿಹ್ನೆ ಏಕತ್ವದ ಚಿಹ್ನೆ.
ಜೈನಮತೊಟ್ ಮೂರ್ತಿಪೂಜೆ ಅಪಗ ರೂಪ ತಾಳ್ದಿತ್ತಿಜಿ. ಮಾನವನ
ಶ್ರೇಷ್ಟಗುಣ, ಶಾಂತಿ ಸರ್ವತ್ರ ಶಾಂತಿಯ ದೇವೆರತ್ತಾವಂದೆ, ದೈವತ್ವ
ಮೂರ್ತಿಡ್ ಇಜ್ಜಿ ಇನ್ಪಿ ಸಂಸ್ಕೃತಿ ಕೂಡಾ ಮಾರ್ಪಾಡಾಪಿನ ಪ್ರಸಂಗ
ಒದಗ್ಂಡ್.
ಕೆಲವು ಶತಮಾನದ ನಂತ್ರ, ಶ್ರವಣಬೆಳಗೊಳೊಡು ಬಾಹುಬಲಿನ
ಒಂಜೇಕಲ್ಲ್‌ದ ಮಲ್ಲ ಪ್ರತಿಮೆ ಪೂಜೆಗ್ ಅರ್ಹವಾದ್ ಬತ್ತ್ಂಡ್. ಈ
ಫಲವಾದ್ ತುಳುವೊಡು ಜೈನ ಸಂಸ್ಕೃತಿ ಕುಡೊರ ತರೆದೆರ್ತ್ಂಡ್.
ಪಡುಬಿದ್ರೆ, ಎರ್ಮಾಳ್, ಬಾರ್ಕೂರು ದಂಚಿನ ತೀರಪ್ರದೇಶೂಲೆಡ್ದ್
ಒರಮಾಜಿನ ಜೈನಮತ ಸಂಸ್ಕೃತಿ ಮೂಡಾಯಿದ ವೇಣುಪುರ [ಮೂಡಬಿದ್ರೆ]
ವೇಣೂರು, ಕಾರ್ಕಳೊಡು ಪ್ರಕಾಶಮಾನವಾಂಡ್. ಬಾಹುಬಲಿನ ಏಕಶಿಲಾ
ಪ್ರತಿಮೆಲು ರಚಿತವಾಯ. ಮೂಡಬಿದ್ರೆಯಂತೂ ಭಾರತೊಡು
ಜೈನಕಾಶಿಯಾಂಡ್. ಮುಲ್ಪನೇ ಮಹಾಕವಿ ರತ್ನಾಕರ ವರ್ಣಿನ "ಎಂಚ
ಪೊರ್ಲಾಂಡೆಂದು ತುಳುವರು ಮೈಯುಬ್ಬಿ ಕೇಳಬೇಕಣ್ಣ" ಇನ್ಪಿ ಭರತೇಶ
ವೈಭವ ಪುಟ್ಟ್‌ದ್ ಬತ್ತ್ಂಡ್.
18.42 ಶೈವ ಸಂಸ್ಕೃತಿದ ದ್ಯೋತಕವಾದ್ ತುಳುವನಾಡ್‌ಡ್ ಹಳ್ಳಿಹಳ್ಳಿಲೆಡ್ ಶಿವಾಲಯಲು ಉಂಡಾಯ. ಜೈನ ಪ್ರಾಬಲ್ಯ ಇಜ್ಜಾಂತಿನ ಕಾಲೊಡು, ಲಿಂಗ ರೂಪಿ(ಏಕೈಕ ದೇವತ್ವದ ಸಂಕೇತ)ದ ಶಿವಾಲಯಲು ತುಳುನಾಡ್‌ಡ್ ಇತರ ದಕ್ಷಿಣ ಭಾರತದ (ತಮಿಳುನಾಡ್ದ) ಲೆಕ್ಕೊ ತೀವ್ರಗಾಮಿಯಾದಿತ್ತಿ ಇನ್ಪಿನವು ಗಮನೀಯ. ಈ ನಾಡ್ಡ ಮೂಲಗುಣನೇ ಇಂದೆಕ್ ಕಾರಣನೊ ಇನ್ಪಿನ ಲೆಕ್ಕೊ ಈ ಮೃದುಗಾಮಿ ಶಿವತತ್ವ ಸಂಸ್ಕೃತಿಡ್ದಾವರೆ, ಮುಲ್ಪ ತೆಂಕಾಯಿದಂಚ ಮತಘರ್ಷಣೆ ನಡತ್ತಿಜಿ. ಸುಮಾರಾದ್ ಕ್ರಿ.ಶ. ೧೦-೧೨ ನೇ ಶತಮಾನೊಡು ಕೇರಳದ ಬ್ರಾಹ್ಮಣ ವರ್ಗದಕುಳು ಇಡೆಗ್ ಬತ್ತೆರ್. ಸಂಸ್ಕೃತ ಪಾಂಡಿತ್ಯ, ಮಂತ್ರ, ತಂತ್ರ, ಮರ್ದ್, ಜ್ಯೋತಿಷ ಇತ್ಯಾದಿ ಜನೋಪಯೋಗಿ ಗೊತ್ತುಡು(ಜ್ಞಾನೊಡು), ಮೊಕುಳು ಈ ನಾಡ್‌ಡ್ ಸ್ಥಿರ ಉಂತುನ ಪ್ರಸಂಗವಾಂಡ್. ಮಲೆಯಾಳದ ಅನುನಾಸಿಕ ಉಚ್ಚಾರಣೆಡ್ ತುಳು ಭಾಷೆನೇ ಮೊಕುಳು ಪಾತೆರೊಂದು ಬತ್ತೆರ್. ಅಂಚನೇ, ದ್ವೈತ ಮತ ಸ್ಥಾಪನೆಯಾಂಡ್. ಜೀವಾತ್ಮ-ಪರಮಾತ್ಮ ಬೇತೆ ಬೇತೆ ಇನ್ಪಿ ತತ್ವ, ಪೂಜೆಗ್- ಭಕ್ತಿಗ್ ಪ್ರಾಶಸ್ತ್ಯವಿತ್ತಿನ ಈ ಸಂಸ್ಕೃತಿ. ಮಹಾಕಾವ್ಯ ಮಹಾಭಾರತದ ಆಸ್ತೀವಾರದ ಮಿತ್ತ್‌ಡ್ ಬತ್ತಿನವು. ವೈಷ್ಣವ ಧರ್ಮದ ಈ
ತುಳು ಪಾತೆರೊ
