| ಧಾತು | ವರ್ತಮಾನ ಕ್ರಿಯಾರೂಪ | ಭವಿಷತ್ ಕ್ರಿಯಾರೂಪ | ರಡ್ಡನೆ ಭವಿಷತ್ ಕ್ರಿಯಾರೂಪ | |
|---|---|---|---|---|
| ೧ | ಮಳ್ಪು | ಮಳ್ಪು, ಮಳ್ಪುವೆ | ಮಳ್ಪೆ | ಮಳ್ತುದುಪ್ಪೆ |
| ೨ | ಕೇಣ್ | ಕೇಣುವೆ | ಕೇಣ್ವೆ | ಇಂದೆಕುಳೆಗ್ ರಡ್ಡನೆ ಭವಿಷ್ಯತ್ ರೂಪ ಕೊರ್ತುಜೆರ್ ಬ್ರಿಜೆಲ್. |
| ೩ | ಬೂರ್ | ಬೂರುವೆ | ಬೂರೆ | |
| ೪ | ಸೈ | ಸೈಪೆ | ಸೈವೆ | |
| ೫ | ಪಣ್ | ಪಣ್ಪೆ | ಪಣಂಬೆ | |
| ೬ | ಪರ್ | ಪರ್ಪೆ | ಪರುವೆ |
ಈ ವಿಷಯದ ಮಿತ್ತ್ ಪರಿಚ್ಛೇದ ೯.೦೧ಡ್ ಬೊಕ ೯.೩೫ಡ್ ಚರ್ಚೆ ಮಾಳ್ತದುಂಡು: ಅವೆನ್ ತೂವೆಲಿ. ಸದ್ಯ ಭವಿಷತ್ ಪ್ರತ್ಯಯಲು ನಮ ತುಳುಟ್ ಮಾತ್ರವತ್ತ್, ಪ್ರಾಮುಖ್ಯ ಭಾಷೆ, ಇಂಗ್ಲೀಷ್ ಕೂಡಾ "shall, will" ಇನ್ಪಿ ಪ್ರತ್ಯಯಲು ಇಂಚಿನ ಗಲಿಬಿಲಿ ಮಾಳ್ತ್‌ದಿನ ವಿಷಯ ತೆಲಿದುಪ್ಪು.
೦೮. ಪಾತೆರೊ ನಮ್ಮ ಚಿತ್ತಪಟಲೊಡು ಮೂಡಿನ ಭಾವನೆಲೆನ್ ನನ ಒರಿಯನ ಮನಸ್ಸಿಗ್ ತೆರಿಯುಲೆಕ್ಕೊ ಪಿನ್ಪಾವುನ ರೀತಿ ಅಂಡ, ವ್ಯಾಕರಣ ಪಾತೆರೊದ ರಚನೆನ್ ಸಮೀಕ್ಷೆ ಮಾಳ್ತಿನ ಫಲವಾದ್, ಆ ಪಾತೆರೊದ ಪ್ರಯೋಗ ಎಂಚ ಇನ್ಪಿ ನಿಯಮದ ಮಿತ್ತ್ ತೂಯಿನ ಅಭಿಪ್ರಾಯ ಸಂಗ್ರಹ.
ಈ ರೀತಿಡ್ ಸರಿಯಾದ ವ್ಯಾಕರಣ ತಿಳುವಳಿಕೆಡ್ ಮಾತ್ರ ಭಾಷೆದ ನಡವಳಿಕೆ ಸ್ವಚ್ಛವಾವು. ಭಾಷೆನ್ ಬರವುದ ಮೂಲಕ ಉಪಯೋಗ ಮಾಳ್ವುನವು ಸಾಧ್ಯವಾವು. ಈ ಸಂದರ್ಬೊಡು ಬಹುಮುಖ ಪ್ರತಿಭೆದ ವಿಜ್ಞಾನಿ (ಆಮ್ಲಜನಕ ಇನ್ಪಿ ಪ್ರಾಣವಾಯುದ ಮೂಲರೂಪೊನ ನಾಡ್ದ್ ಪತ್ತಿನಾರ್). ಅತ್ತಾಂದೆ ಇಂಗ್ಲೀಷಿದ ವ್ಯಾಕರಣಕಾರe ಕೂಡಾ ಆದಿತ್ತಿನ ಜೋಸೆಫ್ ಪ್ರೀಸ್ಟ್ಲಿ ಇನ್ಪಿನಾರ್ ತನ್ನ "The rudiments of English Grammar" ಇನ್ಪಿ ಗ್ರಂಥೊಡ್‌(೧೭೭೨) ಪಣ್ತಿನ ಪಾತೆರೊನ್ ತುಳುವೆರೆ ಅವಗಾಹನೆಗ್ ತೋಜಾವುನ ಅಗತ್ಯ:
"With respect of our own language, there seem to be a kind of claim upon all who make use of it, to do something for its improvement; and the best we can do for this purpose at present, is to establish its actual structure, and the varieties with which it is used".
-Joseph Priestly
ಅರೆನ ಈ ಮಿತ್ತ್‌ದ ವಾಕ್ಯೊಲು ತುಳು ಪಾತೆನಕುಳುಲೆಗ್‌ಲಾ ಈ ಅನ್ವಯವಾಪಿನ ಲೆಕ್ಕೊ ಉಂಡು. ನನ ಆಂಡಲಾ, ತುಳುವೆರ್ ತಂಕುಳೆನ
