ಪ್ರಕರಣ
14
ತತ್ಸಮ-ತದ್ಭವ ಪ್ರಕರಣ
Equivalents-Derivatives
14.10 ವಿವರಣೆ
14.20 ತುಳುಟ್ ರೂಢಿತ್ತಿನ ತದ್ಭವಲು
14.30 ಸಾರಾಂಶ
ವಿವರಣೆ
14.10 ತತ್+ಸಮ್, ತತ್+ಭವ ಇನ್ಪಿ ಪದಲೆಡ್ ತತ್(ಅವು ಇನ್ನಗ
ಸಂಸ್ಕೃತ. ಸಂಸ್ಕೃತ ಪದಲೆಗ್ ಸಮಾನವಾದಿತ್ತಿನವು ತತ್ಸಮ ಸಂಸ್ಕೃತೊಡ್ದ್
ಪುಟ್ಟ್ ದ್ ಬತ್ತಿನವು ತದ್ಭವ ಇನ್ಪಿ ಪುದರುಲು ಒಂಬುವಾ, ಅಂಡ, ತತ್ಸಮ ಇನ್ಪಿ
ಪುದ‌ರ್ ದಾಯೆಗ್? ಸಂಸ್ಕೃತ ಶಬ್ದ ಇಂದ್‌ಂಡ ಇಯಾರು.
ತತ್ಸಮ=ಅಯಿಕ್ ಸಮಾನವಾದಿತ್ತಿನವು ಇನ್ನಗ, ಅಕುಳು ಸಂಸ್ಕೃತದ
ಮೂಲಶಬ್ದಲು ಆವೊಡು ಇನ್ಪಿ ನಿಯಮವಿಜ್ಜಿ . ದುಂಬತ್ತನೆ ಪಣ್ತಿನ ಲೆಕ್ಕೊ
ಸಂಸ್ಕೃತೊಗು ಪ್ರಾಕೃತ-ಅಪಭ್ರಂಶ ನಿಕಟ ಸಂಬಂಧವಿತ್ತಿನವು. ಅಂಚನೇ
ದ್ರಾವಿಡ ಭಾಷೆಲೆಗ್ ಕೈತಲ್ದವಾದ್ ದ್ರಾವಿಡ ಶಬ್ದಲು ಪಾಕ ಸಂಖ್ಯೆಡ್
ಪ್ರಾಕೃತದ ಮುಖಾಂತರ ಸಂಸ್ಕೃತ ಸ್ವೀಕಾರ ಮಾಳ್ತಿನ ವಿಷಯ ಒಪ್ಪುಗೆದ
ಪಾತೆರೊ ಆದುಂಡು. ಸಂಸ್ಕೃತ ಭಾಷೆ ಜನಸಾಮಾನ್ಯ ಪಾತೆರೊಂದಿತ್ತಿನ ತುಂಡು
ಭಾಷೆ ಏಪ ಆದಿತುಂಡು ಇನ್ಪಿ ವಿಷಯ ತೆರಿದ್ ಬರ್ಪುಜಿ. ಆಂಡಾ ಗ್ರಾಂಥಿಕ
ಭಾಷೆ ಆದ್, ಅವು ಆದಿಡಿಂಚಿಡೇ ನಡತ್ತೊಂದು ಬೈದ್‌ಂಡ್. ವಿದ್ವಾಂಸೆರ್ ಈ
ಭಾಷೆನ್ ಕಲ್ತಿನವು ಗ್ರಂಥರಚನೆದ ನಿಮಿತ್ತವಾದ್ ಇನ್ಪಿ ಪಾತೆರೊ ಕೂಡಾ
ಸಲ್ಲುಂಡು. ಕನ್ನಡದ ಆದಿದ ವ್ಯಾಕರಣ ಸಂಸ್ಕೃತ ಭಾಷೆಡ್ ಉಂಡಾಂಡ್.
ಪ್ರಾಕೃತ ಭಾಷೆ ಜನಸಾಮಾನ್ಯರ ಭಾಷೆ ಆದಿತ್ತಿನದಾವರೆ ಪ್ರಿಯದರ್ಶಿ
ಅಶೋಕ ಚಕ್ರವರ್ತಿನ ಶಿಲಾಲೇಖಲು ಸಾರ್ವಜನಿಕರೆಗ್ ತೆಲಿಯೊಂಬಿನ
ಲೆಕ್ಕೊ ಪ್ರಾಕೃತ ಭಾಷೆಡ್ ಬರೆತಿನವಾದುಳ್ಳ ಪ್ರಾಕೃತ ಭಾಷೆನ್ ಸಂಸ್ಕೃತದ
ದೇವನಾಗರಿ ಲಿಪಿನ್ ಬುಡ್ದ್ , ಬ್ರಾಹ್ಮಿ , ಕರೋಷ್ಟಿ ಲಿಪಿಲೆಡೇ ಶಿಲಾಲೇಖಲು
ಬರೆಪಾಯಿನವಾದುಳ್ಳ ಅಂತೂ, ಸಂಸ್ಕೃತ ಸುಶಿಕ್ಷಿತೆರೆನ ಗ್ರಂಥಕರ್ತರೆನ
ಭಾಷೆ ಆದಿತ್ತಿನ ಪೊರ್ತುಡು ಪ್ರಾಕೃತ ಜನಮಾನಿ ಪಾತೆರೊಂದು ಇತ್ತಿನ (ನಮ
211
ಬುಧಾನಂದ ಶಿವಳ್ಳಿ
