ಶಿಲಾಲೇಖ, ಗ್ರಾಂಥಿಕ ಪರಂಪರೆ ಇತ್ತದ್ಂಡ ನನಲಾ ಹೆಚ್ಚಿನ ಸಹಕಾರಿಯಾತು. ಆಂಡಲಾ ತುಳುವ ಭಾಷೆ ಪಾತೆರೊದ ಮಟ್ಟಡು ಪರಂಪರೆ ಒರಿಪಾವೊಂದು ಬತ್ತಿನಯಿಕ್ ಅವ್ವೆ ಒಂಜಿ ಮುಖ್ಯ ಸಾಕ್ಷಿ. ಜನಮಾನಿನ ಬಾಯಿಡ್ದ್ ಕೇಣ್ದ್ ಬರ್ಪಿನ ಕೆಲವು ಸಮಾಚಾರೊಲು ಸುರು-ಸುರುಟ್ ಕಾಲ್ಪನಿಕ ಅಥವಾ ಸಾಹಿತ್ಯ ಇಂದ್ದ್ ತೆರಿಂಡಲಾ, ಆ ಸಮಾಚಾರೊಲೆನ್ ಸಮರ್ಥನೆ ಮಾಳ್ಪುನ ಶಾಸನೊಲು ದಾಖಲೆಲು ಲಭ್ಯವಾಯಿನ ನಂತ್ರ ಜನಮಾನಿನ ಪಾತೆರೊ ಗತಕಾಲದ ಇತಿಹಾಸೊನ್ ಸೊಗಸಾದ್, ಸೂಕ್ಷ್ಮವಾದ್ ತೆರಿಪಾವುನವು ಆದುಳ್ಳ ಇಂದ್ದ್ ತೆರಿಯೋಣೊಲಿ.
ಪರಂಪರಾಗತವಾದ್ ಬೈದಿನ ಪಾತೆರೊ ಇತಿಹಾಸೊಗು ಒಂಜಿ ಪೂರಕ ಎಂಚ ಇನ್ನಗ ಗಮಗಮ ಕಮ್ಮೆನ ಬರ್ಪಿನ ಕುಡಲ ಮಲ್ಲಿಗೆನ್ ನೈಪಿನವುಲಾ ಒಂಜಿ ಕೌಶಲ್ಯ. ನೈತಿನ ದಾರ (ಬಳ್ಳಿ) ಆ ಮಲ್ಲಿಗೆದ ಅರಳೆಲೆನ್ ಒಂಜೆಕ್ಕೊಂಜಿ ಎಂಚ ಪತ್ತೊಂದು ಮಲ್ಲಿಗೆದ ಚಂಡುಗ್ ಆ‍ಯಿತಿಗೆ (beauty) ಕೊರ್ಪುಂಡ, ಅಂಚನೇ ಜನಮಾನಿನ ಜೀವನ ಪರಂಪರೆಡ್ ಭಾಷೆ ವರ್ತಿಪುಂಡ್. ಈ ದಾರ ಕಡಿಯಂದಿನ ಲೆಕ್ಕೊಡು ವೊಂಬಿನ ಭಾರ ನಮ ಮಿತ್ತ ಒಲಿದುಂಡು. ಬೋಡಾಯಿನಾತ್ ವಿಚಾರಶೀಲ, ವಿದ್ವಾಂಸೆರ್ ತುಳುವದ ತಂಪು ನಿರೆಲಡ್ ಉಳ್ಳೆರ್. ತುಳು ಭಾಷೆ ಸಂಪತ್ತಗ್ ಅನುಪಮ ಸೇವೆ ಸಲ್ಲಿಸಾವೆರೆ ಸಿದ್ಧರಾದುಳ್ಳೆ‌ರ್.
೦೭. ವಿದ್ವತ್ ಪರಿಪೂರ್ಣವಾದಿಪ್ಪುನ ತುಳುನಾಡ್ಡ ಈ ಭಾಷೆ ಗ್ರಾಂಥಿಕ ಭಾಷೆ ಆದ್ ದಾಯೆಗ್ ಆ‍ಯಿಜಿ ಇನ್ಪಿ ವಿಚಾರ ನಮ ಗಮನೊಗ್ ಬರ್ಪಿನವು ಸಹಜ. ಇಂದೆಕ್ ಕಾರಣ ಪಾಕವುಳ್ಳ ಕೆಲವು ಕಾರಣಲೆನ್ ಮುಲ್ಪ ತೋಜಾವುನ ಅಗತ್ಯ. ಕಾರಣಲು :
(೧) ಭಾಷೆಡ್‌ ಇತ್ತಿನ ಕುಂದುಕೊರತೆ. ಲಿಪಿದಾಂತಿನವು ಮಲ್ಲ ತೊಂದರೆ ಅದಿತ್ತಂಡಲಾ, ಕನ್ನಡದಂಚಿನ ಎಡ್ಡೆ ಬ್ರಾಹ್ಮಿ ಲಿಪಿನ್ ಉಪಯೋಗ ಮಾಳ್ತದ್ ಬರೆಪಿನ ಪ್ರಯತ್ನ ಕೆಲವು ವರ್ಷಡ್ದ್ ಇಂಚಿ ನಡತೊಂದು ಬತ್ತ್ದ್ಂಡ್ ದುಂಬುಡ್ದ್ ಪಣ್ಣಿನ ವ್ಯಂಜನಾಂಶದ ಕಷ್ಟ ಮಾತ್ರ ತತ್ತಿಜಿ.
(೨) ಪ್ರತ್ಯಯ ಪತ್ತುನ ಆಕೃತಿಮಾಶಾಸ್ತ್ರ (morphological structure) ರೀತಿನ್ ಅಧ್ಯಯನ ಮಾಳ್ತ್‌ದ್, ವ್ಯಾಕರಣ ನಿಯಮಲೆನ್, ರೂಡಿಗೊಂಬುನ ಲೆಕ್ಕೊ ತೆರಿಪಾವುನ ಯತ್ನ ಈ ತನಕ* ನಡತಿಜಿ.
(೩) ಸಂಪೂರ್ಣವಾದ್ ಕನ್ನಡದ ಪ್ರತ್ಯಯ ರೂಪಲೆನ್ ಅನುಕರಣೆ ಮಾಳ್ಪುನ ಯತ್ನೊಡು ಪಾತೆರೊದ ಕ್ಲಿಷ್ಟತೆ ಎಚಾವೊಂದು ಪೋಂಡು. ಉದಾ:- ಕನ್ನಡದ ಗಳು ಪ್ರತ್ಯಯ ಬಹುವಚನ ಸೂಚಕ ಇಂದ ತುಳುಟ್ ಕುಳ ಇನ್ಪಿ ರೂಪೊಡು ಉಂಡು. ಈ ಕುಳು ಪ್ರತ್ಯಯ ಅಘೋಷ-ಪರುಷ ಧ್ವನಿತವು ಆದ್ ಉಚ್ಚಾರ ದೃಷ್ಟಿಡು ಇಂಚಿನ ಹೇರಳವಾದ ಉಪಯೋಗ ಮಾಳ್ಪುನ ಪ್ರಯತ್ನ ಸಾಧುವತ್ತ್. ಉತ್ತಮ, ಮಧ್ಯಮ ಪುರುಷೋಗು,
ಬುಧಾನಂದ ಶಿವಳ್ಳಿ
