ಪುಟ:Tulu Patero 2017bmr.pdf/184

ಮಾಳ್ಪೆ ಇನ್ಪಿ ರೂಪಧಾರಣೆ ವಾಪಿನವನೆ 9.35 ಡ್ ತೋಜಾದ್ಂಡ್. ಮಾಳ್ ಮೂಲರೂಪೊಗ್ ಪು ಪ್ರತ್ಯಯ ಪತ್ತಿನಪಗ, ವರ್ತಮಾನಕಾಲದ ಪ್ರತ್ಯಯ ಮಾಳ್ + ಇಪುವೆ ಅಥವಾ ಮಾಳ್ಪುವೆ ಆತಿನವು ತುಳುಭಾಷೆದ ಆಖ್ಯಾತ ಪ್ರತ್ಯಯದ (ಇನ್ನಗ- ವರ್ತಮಾನದ ~ಇಪೆ. ಭವಿಷಂತಿದ ~ಉವೆ ಇನ್ಪಿ ಪ್ರತ್ಯಯಲೆಗ್) ಅಪವಾದ ಇನ್ಪಿಲೆಕ್ಕೊ ಉಂಡು. ಈ ಅಪವಾದ ಮಾ, ಇನ್ಪಿ ವ್ಯಂಜನಾಂತ ಧಾತುವುಗ್ ಅತ್ತಾವಂದೆ, ಗಿಡಪ್, ಬಲಿಪ್, ನಲಿಪ್, ಬುಲಿಪ್, ಬುಳೆಪ್, ಒಯ್ಪು ಇತ್ಯಾದಿ "ಪ್" ಪ್ರತ್ಯಯ ಪತ್ತ್‌ದಿನ ಕನಿಷ್ಟ ಕ್ರಿಯಾರೂಪಲು ವರ್ತಮಾನ ಕಾಲೊಡ್ ಇಪ್ಪುವೆ ಆದ್. ಭವಿಷಂತಿಡ್, ಪೆ ಇನ್ಪಿ ಅಖ್ಯಾತ ಪ್ರತ್ಯಯಾಂತೊಡು ಬರ್ಪಿನವೆನ್ ಪಟ್ಟಿಡ್ ತೋಜಾದುಂಡು.
11.24 ಇತ್ತೆ ರೆವೆರೆಂಡ್ ಬ್ರಿಜೆಲೆರ್ ತೋಜಾದಿನ ಮಳ್ಪುವೆ, ಮಳ್ಪೆ, ಇನ್ಪಿ ವರ್ತಮಾನ ಭವಿಷತ್ ರೂಪೊಲು ಸರಿಯಾದುಳ್ಳ ಕೇಣ್, ಬೂರ್-ವ್ಯಂಜನಾಂತ ಧಾತುಲೆಗ್ ಪ ಪ್ರತ್ಯಯ ಸೇರಂದೆ ಇಪ್ಪುನ ದಾವರೆ ಅಯಿಕುಳೆನ ವರ್ತಮಾನ, ಭವಿಷ್ಯತ ರೂಪೊಲು ಕ್ರಮವಾದ ಕೇಣ್ಪೆ(ಕೇಣ್ಬೆ), ಕೇಣುವೆ, ಬೂರ್ವೆ, ಬೂರುವೆ- ಇಂದ್‌ದಾಪಿನ ಸಾಧು. ನಂತ್ರದ ಮೂಜಿ ಧಾತುಲು ಸಯ್, ಪಣ್, ಪರ್ ವರ್ತಮಾನೊಡು ಸೈಪೆ, ಪಣ್ಪೆ, ಪರ್ಪೆ ಆದ್ ಭವಿಷ್ಯಂತಿಡ್ ಸೈಪೆ, ಪಣುಂಬೆ, ಪರುವೆ ಆಪಿನವೆನ್ ಸರಿಯಾದೆ ತೋಜಾದೆರ್. ಪಾತೆರೊದ ಮಟ್ಟೊಡು ಆರ್ ಕೇಣ್ದಿನ ಲೆಕ್ಕೊ ತೋಜಾದೆರ್ ಆತೆ.
11.25 "ಆವ್" ಪ್ರತ್ಯಯದ ವಿಷಯ ಪಿನ್ಪಾದ್ಂಡ್ ಪರಿಚ್ಛೇದ 9.40 ಟ್. "ತರ್" ಧಾತು ತುಳುಟು ಮೂಲರೂಪೊಡು ಇಜ್ಜಿ. ಆಂಡಾ ತರ್ಪಾವು (ಕನರ್ಪಾವು) ಇನ್ಪಿ ಕನಿಷ್ಟ ಕ್ರಿಯಾಪದವುಂಡು. ತರ್ಪಾಯೆ, ತರ್ಪಾಪೆ, ತರ್ಪಾವೆ ಇನ್ನಿ ಭೂತ ವರ್ತಮಾನ, ಭವಿಷತ್ ರೂಪಲೆ ಇಂದೆಕ್ ಯೋಗ್ಯ ಬರ್ಪಾವು ಬರ್ ಧಾತುಡ್ ಆಯಿನವು. ಇಂದೆಕುಳಾ ಬರ್ಪಾಯೆ, ಬರ್ಪಾಪೆ, ಬರ್ಪಾವೆ ಇನ್ಪಿ ಕಾಲರೂಪ ಪ್ರಯೋಗನೆ ಎಡ್ಡೆ. ತೂ ಧಾತುಡ್ದ್ ತೂಯೆ, ತೂಪೆ, ತೂವೆ, ಇನ್ಪಿನಯಿಕುಳು ಸರಳವಾದೆ ಉಳ್ಳ ಅಂಚನೆ ಪೊ ಧಾತುಡ್ಸ್ ಪೋಯೆ, ಪೋಪೆ, ಪೊದೆ ಇನ್ಪಿ ರೂಪ ಕನ್ನಡ ರೂಪಲೆಡ್ದ್ ಪಗರುದುಳ್ಳ ತೂಪಾವು, ಪೋಪಾವು ಇನ್ಪಿ ಅವ್ ಪ್ರತ್ಯಯ ರಡ್ಡ್ ಧಾತುಲೆಗ್‌ಲಾ ಸೇರುಂಡು. ತೂಪಾಯೆ, ತೂಪಾಪೆ, ತೂಪಾವೆ, ಅಂಚನೆ ಪೋಪಾಯೆ, ಪೊಪಾಪೆ, ಪೋಪಾವೆ ಇನ್ಪಿ ರೂಪೊಲು ಯೋಗ್ಯ ಕಾಲ ಪ್ರತ್ಯಯ ಪತ್ತ್‌ದ್, ತೂಪಾಪೆ, ಪೋಪಾಪೆ ಲೆಡ್ ಅಂತ್ಯ ಎಕಾರೊಗು ವಕಾರ ಆಗಮವಾಪಿನವು. ಪಾತೆರೊಗು ಯೆಡ್ಡೆ ಇಂದ್‌‌ದಾಂಡಲಾ, ವ್ಯಾಕರಜೊಡು ಕ್ಲಿಷ್ಟ ವ್ಯಾಕರಣ ಬರವಣಿಗೆಡ್ ಅಂಚನೆ ಸಾಹಿತ್ಯ ಬರವುಡ್ ಇಪ್ಪುನದಾವರೆ ಸರಳಸೂತ್ರದ ರೀತಿಡ್ ಆವ್ ಪ್ರತ್ಯಯದ ಕನಿಷ್ಟ ಕ್ರಿಯಾಪದಲೆಗ್- ಏಕಸ್ವಾಮ್ಯದ ಭೂತಕಾಲ, ವರ್ತಮಾನ, ಭವಿಷಂತಿ ರೂಪಲೆನ್ ನಿರ್ದೇಶ ಮಾಳ್ಪುನವು ಪ್ರೀಸ್ಟ್ ಪಣ್ತಿನಲೆಕ್ಕೊ ಪಾತೆರ್ಪಿನಕುಳೆನ ಕಾರ್ಯಭಾರವಾದುಂಡು.

183

ಬುಧಾನಂದ ಶಿವಳ್ಳಿ