(೨) ಸಂಯೋಗಿಕ -ಊರ್ದಕುಳು ತಂಕುಳೆನ ಯಥಾಶಕ್ತಿ ವಂತಿಗೆ ಕೊರಿಯೆರ್, ಮುಲ್ಪ ಕೊರಿಯೆರ್ ಇನ್ಪಿ ಕ್ರಿಯೆನ್ ಯಥಾಶಕ್ತಿ (ಶಕ್ತಿಗ್ ಅನುಸಾರವಾದ್) ಇನ್ಪಿ ಕ್ರಿಯಾವಿಶೇಷಣ ಎಂಚ ಕೊರಿಯೆರ್ ಇಂದ್ದ್ ತೆರಿಪಾವುಂಡು. ಯಥಾ+ಶಕ್ತಿ, ಶಕ್ತಾನುಸಾರ ಇತ್ಯಾದಿಲು ರಡ್ಡ್ ಶಬ್ದ ಸಂಯೋಜನೆಟ್ ಆಯಿನ ಕ್ರಿಯಾವಿಶೇಷಣಲು. (೩) ಸ್ಥಾನೀಯ- ಸರ್ತಾದ್‌, ಸುತ್ತು ಸುತ್ತೊಂದು ಇತ್ಯಾದಿ ಕ್ರಿಯೆ ನಡತ್ತಿನ ಜಾಗದ ವಿಷಯ ಪಿನ್ಪಾವ, ಕ್ರಿಯೆಗ್ ಸಂಬಂಧವಿತ್ತಿನ ಲೆಕ್ಕೊ.
ಪ್ರಯೋಗಲು
10.40 ಕ್ರಿಯಾವಿಶೇಷಣಲು ಪಾತೆರೊಡು ಅರ್ಥವಿಸ್ತಾರ ಮಾಳ್ಪುವ ರೀತಿಡ್,
ಕೆಲವು ಸಮಯೊಡು ಕ್ರಿಯಾಪದ ಶಬ್ಧಲೆಡ್ದ್ ಕ್ರಿಯಾವಿಶೇಷಣಲೇ ದಿಂಜ
ಅಗತ್ಯದವು ಇಂದ್ದ್ ತೆರಿವೆರೆಗ್ ಸಾಧ್ಯ.
ಉದಾ: ಇಲ್ಲದಾಳ್ ಪಣ್ಪಾಳ್ ಬೇಗ ಬಲ್ಲೆ, ಜೋಕುಳು ಪಣ್ಪೆರ್ ಅಜ್ಞೆರೆ,
ನಿಧಾನೊಡು ಪೋಪರಾ?
ಇಂಚಿನ ಎಳ್ಯ ವಾಕ್ಯಲೆಡ್ ವಿಶೇಷ ಅರ್ಥವಿಪ್ಪುನ ಪದಲು ಬೇಗ,
ನಿಧಾನೊಡು ಅತ್ತಾವಂದೆ ಬಲ್ಲೆ ಅವಡ್, ಪೋಪರಾ ಆವಡ್ ವಿಶೇಷದವು ಆದಿಜ್ಜಾ
10.41 ವಾಕ್ಯರಚನೆಡ್ ಸಂಯೋಜಿತ ವಾಕ್ಯ ಉಂಡಾಪಿನವುಂಡು. ರಡ್ಡ್ ವಾಕ್ಯಲೆನ್ ಒಟ್ಟುಗೂಡ್ಸ್‌ವುನಯಿಕ್ ಪ್ರಯೋಗರೂಪ ಎಂಚ ಇಂದ್ದ್ ತೂವೊಡು. ಆಯೆ ಮೊರಾನಿ ಬತ್ತ್‌ದಿತ್ತೆ, ಆಯೆ ಇನಿ ಬತ್ತ್‌ದುಳ್ಳೆ, ಈ ರಡ್ಡ್ ವಾಕ್ಯಲೆನ್ “ಏರಾಯೆ ಮೊರಾನಿ ಬತ್ತ್‌ದಿತ್ತೇನೋ, ಆಯೆನೆ ಇನಿಲಾ ಬತ್ತುದುಳ್ಳೆ, ಏರಾಯೆ, ಆಯನೆ ಇನ್ಪಿ ಸರ್ವನಾಮಲು ರಡ್ಡ್ ವಾಕ್ಯಲೆನ ಒಟ್ಟುಗೂಡ್ಸಾದ್ ಪಾತೆರೊ ಒಂಜಿ ವಾಕ್ಯದ ಲೆಕ್ಕೊ ಸಂಯೋಜನೆ ಅಂಡಲಾ, ಮೊರಾನಿ ಇನಿ ಇನ್ಪಿ ಕ್ರಿಯಾವಿಶೇಷಣಲು ಕೂಡಾ ಸಂಯೋಜನೆ ಕಾರ್ಯೊಡು ಇನಿ+ಲಾ ಆದ್, ಕ್ರಿಯೆನ್ ಸಂಯೋಜನೆ ಮಾಳ್ತಿನ ಲೆಕ್ಕೊ ಅವೆನ್ ದೆತ್ತ್ಂಡ ಆಪುಜಿ.
10.42 ಕ್ರಿಯಾ ವಿಶೇಷಜೊಡು ಲಾ ಇನ್ಪಿ ಪ್ರತ್ಯಯ ನನ ಒಂಜಿ ರೀತಿಡ್ ಪತ್ತುಂಡು. ಉದಾ: ಇಂಬೆಗ್ ತುಳು ಗೊತ್ತುಂಡು. ಇಂಗ್ಲೀಷ್+ಲಾ ಗೊತ್ತುಂಡು. ಮುಲ್ಪ ಲಾ ಪ್ರತ್ಯಯ ಗೊತ್ತುಂಡು ಇನ್ಪಿ ಕ್ರಿಯಾಪದನು ವಿಶೇಷಣ ಮಾಳ್ಪುನವು. ಇಂದೆಕ್ ಅನುಬಂಧ ಕ್ರಿಯಾವಿಶೇಷಣ ಇಂದ್ದ್ ಪುದರ್ ಉದಾ: ಮಲಯಾಳಿ ಭಾಷೆಡ್ ಪೂವುಗ್ ಪುಷ್ಪ ಇಂದ್‌ದ್‌ಲಾ , ಬುಲ್ಬಂ ಇಂದ್‌ದ್‌ಲಾ ಪಣ್ಪೆರ್.
177
ಬುಧಾನಂದ ಶಿವಳ್ಳಿ
