ಪಾತೆರ್ಪಿನಾಯನ ಕೆಲಸ. ಆಯೆ ಪಣೊಡಾಪುಂಡು,ರೈಲು ಅಮಸರೊಟು
ವಿದಡ್ಂಡ ಅಥವಾ ಒಂತೆ ಬೇಗನೆ ಪಿದಡ್ಂಡ ಅಥಾವ ವೇಳೆಗ್
ಸರಿಯಾದ್ ಸಿದತ್‌ಂಡ ಇಂದ್‌, ರೈಲು ಪಿದಡಿನ ವಿಚಾರ ಎಚ್ಚಿಗೆ ಅರ್ಥ
ಕೊರ್ಪಾವೊಡಾಪುಂಡು. ಈ ತರದ ವಿಶೇಷಣಲು ಕ್ರಿಯಾವಿಶೇಷಣಲು
ಇಂದ್‌‌ದ್ ಪುದರ್ ಪಡೆತ್ತ್‌ದುಳ್ಳ ಅಂಚನೆ ರಡ್ಡನೆ ವಾಕ್ಕೊಡು ಏಪಲಾ
ರಸ್ತೆಡ್, ಬಯ್ಯನಗ ಇತ್ಯಾವಿಲು ನಟ್ಟುನಾಯೆ ಅರಬಾಯಿ ಕೊರೊಂಬಿತ್ತಿನ
ಕ್ರಿಯೆನ್ ವಿಶೇಷಣ ಮಾಳ್ಳುವಾ
ಕ್ರಿಯಾವಿಶೇಷಣದ ವಿಧಾನಲು
10.20 ಸದ್ಯ ಕ್ರಿಯಾವಿಶೇಷಣಲೆನ ವಿಧಾನಲು, ರಚನೆ ಪ್ರಯೋಗಲೆನ್
ವಿಚಾರ ತೆರಿಗಾ: ಕ್ರಿಯಾವಿಶೇಷಣಲೆಡ್ ಅರ್ಥ ಎಚ್ಚಿಸಾವುನ ರೀತಿಡ್ ನಾಲ್
ವಿಧಾನಲು ಉಳ್ಳ
೧. ಕಾಲವಾಚಕ:-ಕ್ರಿಯೆ ಏಪ ನಡತ್‌ಂಡ್ ಇಂದ್‌‌ದ್ ತೆರಿಪಾವುನವು ಇತ್ತೆ ಕೋಡೆ, ಮೊರಾನಿ, ದುಂಬುನಾನಿ, ಮನದಾನಿ, ಎಲ್ಲೆ, ಎಲ್ಲೆಂಜಿ, ಅಯಿತ ಎಲ್ಲೆಂಜಿ, ಕಾಂಡೆ (ಬೊಳ್ಚರೆ, ಬೊಳ್ಪುಗ್), ಬಯ್ಯಗ, ರಾತ್ರೆಡ್, ಕೂಡ್ಲೆ, ಪಕ್ಕ(ನೆ), ಬೇಗ ಇತ್ಯಾದಿ.
೨. ಸ್ಥಾನವಾಚಕ:- ಕ್ರಿಯೆ ಓಲು ನಡತ್ತ್ಂಡ್ ಇನ್ಪಿ ವಿಚಾರ ತೆರಿಪಾವರೆಗ್ ಮುಲ್ಪ, ಅಲ್ಪ, ಅವುಲು, ಮೂಲು, ಆಕಡೆಟ್, ಈಕಡೆಟ್, ಇಡೆಗ್, ಅಡೆಗ್, ಮೂಡಾ‌ಯಿಗ್, ತೆಂಕಾಯಿಡ್, ಎದುರುಡು. ಪಿದಯಿಡ್, ಕೈತಲ್ಡ್, ಉಳಯಿಡ್, ಮಿತ್ತ್‌ಡ್ , ತಿರ್ತ್‌ಡ್, ದುಂಬುಡು,ಪಿರಾವುಡು ಇತ್ಯಾದಿ.
೩.ಪರಿಮಾಣ (ಗಾತ್ರ)ವಾಚಕ:- ಕ್ರಿಯೆ ಏಪ್‌ಮುಟ್ಟ ಸಾಗ್‌ಂಡ್ ಇನ್ಪಿ ನವೆನ್ ಪಿನ್ಹಾವರೆ- ಒಂತೆ, ದಿಂಜ, ಎಚ್ಚ, ಕಮ್ಮಿ, ಮಲ್ಲ, ಎಳ್ಯ , ಕಿನ್ನಮಟ್ಟದ, ಭಾರಿ, ಸ್ವಲ್ಪ, ಅತ್ಯಂತ ಇತ್ಯಾದಿ.
೪ ರೀತಿ ವಾಚಕ :- ಕ್ರಿಯೆ ಎಂಚ ನಡತ್ತ್ಂಡ್ ಇನ್ಪಿ ಸಂಗತಿ ತೆರಿಪಾವರೆಗ್ ಅಂಚ, ಇಂಚ, ಒರೊನೆ, ಒಟ್ಟುಗ್, ಅಕಸ್ಮಾತಾದ್, ದಿಡಿರನೆ ಇತ್ಯಾದಿ.
ಕ್ರಿಯಾವಿಶೇಷಣದ ರಚನೆ
10.30 ಕ್ರಿಯಾವಿಶೇಷಣಲೆನ ರಚನೆ ಎಂಚಾದುಂಡು ಇನ್ನಗ ಅಯಿಟ್,
ಮೂಜಿ ರೀತಿದವು ತೋಜುವಾ-(೧) ಮೂಲರೂಪದವು (೨) ಸಂಯೋಗಿಕ
ಬೊಕ (೩) ಸ್ಥಾನೀಯ ಇನ್ಪಿನವು. ಉದಾ:
(೧) ಮೂಲ ರೂಪದವು- ದೂರ, ಕೈತಲ್, ಮುಟ್ಟ, ನಂತ್ರ ಇತ್ಯಾದಿ.
176
ತುಳು ಪಾತೆರೊ
