- ತಾಂಕ್, ತೂಂಕ್, ನೂಂಕ್, ಮಿನಕ್, ಮುರ್ಕು - ಕನ್ನಡೊಡು ಸಾಕು, ತೂಗು, ನೂಕು (ನುಗ್ಗು), ಮಿನುಗು, ಮುಳುಗು ಇನ್ಪಿ ರೂಪೊಡು ಉಚ್ಚಾರದ ದೃಷ್ಟಿಡ್ ಎವ್ವು ಪ್ರಾಕ್‌ದವು ಇಂದ್‌‌ದ್ ಪಣಿಯರೆ ಬರ್ಪುಂಡು. ಒಂಬು, ನೆಂಬು, ಧಾತುಲು ಕನ್ನಡೊಡು ಒಮ್ಮು ನೆಮ್ಮು ಆದ್ ನಾಮಪದಲು ಒಮ್ಮತ, ನೆಮ್ಮದಿ ಆಪಿನವೆನ್ ತೂವೊಲಿ. ತುಳುಟು ಪದಮಧ್ಯ ಅನುನಾಸಿಕ ಉಚ್ಚಾರ ಸಾಮಾನ್ಯವಾದ್ ಹಳೆಗನ್ನಡೊಡು ಇತ್ತಂಡ್. ಆಧುನಿಕ ಕನ್ನಡೊಡು ಅವು ಮಾಜಿದ್ ಪೋತುಂಡು. ಅಗರ್, ಪಗರ್, ಪುಗರುಲು ಕನ್ನಡದ ಅಗೞ ಪಗೞ ಪೊಗೞ ಇನ್ಪಿ ೞ ಕಾರ ಉಚ್ಚರೊಡು ಉಳ್ಳ ಮೂಲದ್ರಾವಿಡದ ೞ ಕಾರದ ಉಚ್ಚಾರನೆ ಇಂದೆಕ್ ಕಾರಣ. ತಮಿೞ ಆದಿಡ್ ತಮಿರ ಇಂದ್‌‌ದ್ ಇತ್ತ್ಂಡ್. ಅಂಚಾದ್, ೞಕಾರ ಲಿಪಿಟ್ ತೋಜುನ ಪದಲು ತಮಿಳ್‌ಡ್ ಪ್ರಾಕ್‌‌ದ ಉಚ್ಚಾರೊಡು ರಕಾರವಾದಿತ್ತಾ ಇನ್ಪಿ ವಿಚಾರ ತೆರ್ಪಾವೆರ್ ಡಾ। ಕಾಲ್ಡ್‌ವೆಲ್ಲ್. ಈ ಕಾರಣೊಡು ತುಳುಟ್ ಬಾರೆ, ಪರಂದ್, ತರೆ ಇತ್ಯಾದಿಲು ಕನ್ನಡೊಡು ಬಾಳೆ, ಪೞಂದ, ತಲೆ ಇಂದ್‌ದಾಪಾ. ಏತಾಂಡಲಾ ಉಚ್ಚಾರದ ಮಟ್ಟೋಡು ತುಳುವ ಮೃದುಭಾಷೆ. ಅಂಚನೆ ಅಂತ್ಯದ ಅನುನಾಸಿಕೊಚ್ಚಾರಲು ಕೂಡಾ ಮಾಜಿದ್ ಪೋಯಿನವೆನ್ ತೂವೊಲಿ: "ಯಾನ್ ಫೋಯೆನ್‌"ಡ್ದ್ ಯಾನ್ ಪೋಯೆ' ಇನ್ಪಿ ವಿಶಿಷ್ಟ ರೂಪ ಬತ್ತದ್ಂಡ್.
9.51 ಪೞ್ಕು ಧಾತುನ್ ತೂಲೆ. ಈ ಧಾತುಡ್ದು ನಮ ನಾಡ್‌ಡ್ ತಿಕ್ಕುನ ಫಲವಸ್ತುಲು, ಪರಂದುಲು ಮೂಡ್ದ್ ಬೈದ. ಪಿಲಕಾಯಿ (ಗುಜ್ಜೆ) ಪಲ್ಕುಂಡು ಇನ್ನಗ ಪರ್ಂದೊಂದು ಉಂಡು ಇನ್ಪಿ. ಈ ಕ್ರಿಯಾರೂಪ ಕನ್ನಡೊಡು, ತಮಿಳುಡು ಇಪ್ಪುನವೆ. ಈ ಧಾತುಡ್ದ್ ಪ್ರಾಕೃತದ ಪಲ>ಫಲ ಇನ್ಪಿ ಶಬ್ದರೂಪ ತಾಳೊಂದು ಬತ್ತ್‌ದ್ ಸಂಸ್ಕೃತದ ಫಲವಾಂಡ್ ಇನ್ಪಿನವೆನ್ ವ್ಯುತ್ಪತ್ತಿ ಪ್ರಕರಣೊಡು ತೋಜಾದುಂಡು. ಮೂಲಧಾತುದ ಉಚ್ಚಾರ ರಕಾರವಾವಂದೆ ರೂಢಿಡ್ ಪಲ್ಕುನಿ ಇನ್ನಗ ಮೆದುವಾದ್ ಕಮ್ಮೆನ ಕುಟ್ಟುಂಡು ಇನ್ಪಿ ಅರ್ಥನು ತೆರಿಪಾವುಂಡು.
9.52 ಮೂಲದ್ರಾವಿಡ (ತಮಿಳುದ) ಉನುಂಕ (ಉನುಂಗು) ಕನ್ನಡೊಡು ಕುನುಂಗು ಆದ್ ಇತ್ತ್‌ದ್, ನಂತ್ರ ಉನುಂಗು (ನುಂಗು)ದ ಧಾಟಿಡ್ ಒಣಂಗು>ಒಣಗು ಅತಿನವು. ತುಳುಟು ವ್ಯಂಜನದ ಆದಿಡ್ ಇತ್ತಿನ ಸ್ವರಾಕ್ಷರ ತತ್ತ್ವದ ನುಂಗು, ನುಂಗುನಿ ಇನ್ಪಿ ರೂಢಿದ ಪದವಾಂಡಲಾ, ಉನ್ಗೆಲ್, ನುಂಗೆಲ್- ಈ ರಡ್ಡ್‌ಲಾ ರೂಢಿಡ್ ಉಳ್ಳ ಕನ್ನಡೊಡು ನುಂಗು ಮಾಯವಾದ್ ಒಣಕಲು ಕೂಡಾ ಬದಲಾದ್ ಒಣ ಇನ್ಪಿನಾತೆ ಒರಿದುಪ್ಪುನ ಒಣ ಮೆಣಸುಡು ತೂವೊಲಿ. ಅಯಿಟತ ಕನ್ನಡದ ಪರಿವರ್ತನೆ ಅಪಾರ, ವೇಗಶಾಲಿ ಇನ್ಪಿನವು ಸಮಂಜಸ.
170
ತುಳು ಪಾತೆರೊ
