ಕನ್ನಡ ತುಳುಟು ಇಸು ಪ್ರತ್ಯಯ, ನಿಷೇಧಾರ್ಥ ಸಾಮ್ಯತೆ
9.40 ಕನ್ನಡದ ಇದು ಪ್ರತ್ಯಯದ ಲೆಕ್ಕೊ "ಆವ್" ಪ್ರತ್ಯಯ ಸೇರ್ದ್ (causative verbs) ಆಪಿನವು ತುಳುಟುಳ್ಳ. ಉದಾ: ಮಾಲ್ಪಾವು, ತೆಕ್ಕಾವು, ನಲಿಪಾವು, ನೊಪಾವು, ಉರಿಪಾವು ಇತ್ಯಾದಿ. ಇಂದೆಕುಳೆಗ್ ಭೂತ, ವರ್ತಮಾನ, ಭವಿಷ್ಯತ ಕಾಲ ಪ್ರತ್ಯಯಲು ತಾಗುವಾ. ವರ್ತಮಾನ ಕಾಲದ ಈ ಕ್ರಿಯಾಪದ ರೂಪಲು ಭೂತಕಾಲೊಡು, ಯಾನ್ ಮಾಳ್ಪಾಯೆ, ಈ ಮಾಳ್ಪಾಯೆ, ಆಯೆ ಮಾಳ್ಪಾಯೆ, ಆಳ್ ಮಾಳ್ಪಾಯಳ್, ಇಂದ್ ಮಾಳ್ಪಾಂಡ್- ಇಂದ್‌ದ್‌ ಆಪಾ.
ಕ್ರಿಯಾ ಧಾತು ಪಟ್ಟಿಡ್ ಇಂಚಿನ ಕ್ರಿಯಾಪದ ರೂಪಲೆನ್ ಕೊರ್ತುದುಳ್ಳ. ಸಾಮಾನ್ಯವಾದ್‌ ೯.೩೬ ಟ್ ಪಣ್ತಿನ ಲೆಕ್ಕೊ ವರ್ತಮಾನ ಕಾಲೊಡು ಇಪೆ(ಪೆ) ಪ್ರತ್ಯಯ ಸೇರುನವು, ಭವಿಷ್ಯತ್ ಕಾಲೊಡು (ಉ)ವೆ ಪ್ರತ್ಯಯ ಸೇರುನವು ಈ ಕ್ರಿಯಾರೂಪಲೆಡ್ ಉಳ್ಳ. ಉದಾ: ತೆಕ್ಕಾವೆ, ತೆಕ್ಕಾಪ, ತೆಕ್ಕಾಪೆ, ವರ್ತಮಾನ ಕಾಲದವಾಂಡ, ತೆಕ್ಕಾವೆ, ತೆಕ್ಕಾವ, ತೆಕ್ಕಾವೆ ಭವಿಷ್ಯತ್ಕಾಲದ ರೂಪಲಾಪಾ.
9.41 ನಿಷೇದಾರ್ಥದ ಕ್ರಿಯಾಪದ ರೂಪಲು ತುಳುಟು ಎಳ್ಯರೂಪದ ಅಯೆ ಪ್ರತ್ಯಯ ಸೇರ್ದ್ ಆಪಾ. ಉದಾ: ಯಾನ್ ಮಾಳ್ಪಯೆ, ಈ ಮಾಳ್ಪಯ, ಆಯೆ ಮಾಳ್ಪಯೆ, ಯಾನ್ ಬರಯೆ, ಈ ಬರಯ, ಅಯೆ ಬರಯೆ ಇತ್ಯಾದಿ. ಅಂಚನೆ ಇಜಿ ಪ್ರತ್ಯಯ ಸೇರ್ದ್ ನಿಷೇದಾರ್ಥ ಕ್ರಿಯಾರೂಪಲು ಆಪಾ. ಉದಾ: ಯಾನ್ ಮಾಳ್ಪು+ಇಜಿ-ಮಾಳ್ವುಜಿ (ಇಕಾರ ಲೋಪ), ಈ ಮಾಳ್ಪುಜ, ಆಯೆ ಮಾಲ್ಪುಜೆ ಇತ್ಯಾದಿ.
ಈ ರಡ್ ವರ್ಗದ ನಿಷೇಧ ರೂಪಲು ಕನ್ನಡೊಡು ನಾನು ಮಾಡಲಾರೆ, ನಾನು ಮಾಡುವುದಿಲ್ಲ, ನೀನು ಮಾಡಲಾರೆ ಮಾಡುವುದಿಲ್ಲ, ಅವನು ಮಾಡಲಾರ, ಮಾಡುವುದಿಲ್ಲ. ಇನ್ಪಿನವು ತುಳುತ ಹೃಸ್ವರೂಪದ ಪ್ರತ್ಯಯ ಜಿ,ಜ,ಜೆ ಇನ್ಪಿ ನಿಷೇಧ ಪ್ರತ್ಯಯ ರೂಪಾಂತರ ಸೆರ್ದ್ ಬರ್ಪಿನವು ಗಮನೀಯ. ಆಂಡಾ ಕನ್ನಡೊಡು ನಾನು ಮಾಡೊಲ್ಲೆ, ನೀನು ಮಾಡಲ್ಲ-ಇತ್ಯಾದಿ ಮಾಡ್ ಇನ್ಪಿ ಪದತ ಗ್ರಾಮ್ಯ ರೂಪೊಲುಲಾ ಉಂಡು.
ಕನ್ನಡ ತುಳುಟು ಧಾತು ಸಾಮ್ಯತೆ
9.50 ಕನ್ನಡ-ತುಳು ಭಾಷೆಲು ಏಕಕಾಲೊಡು ಉಂಡಾಯನೊ ಇನ್ಪಿನಾ‌ತ್ ಕೈತಲ್‌ಡ್ದ್ ಉಳ್ಳ. ಪಾತೆರೊದ ಮಟ್ಟೊಡು ಅಯಿಕುಳು ಒಂತೆ ದುಂಬು ಪಿರಾವುಡು ಲಕ್ಕೊಂದು ಬೈದ್ಂಡಲಾ ಪೂರ್ವದ್ರಾವಿಡದ ತಮಿಳು ಸಂಪರ್ಕ ಇಂದೆಕುಳೆಗ್ ಒಂಜೆ ಕಾಲೊಡು ಆದ್ ಪ್ರಾಕ್‌‌ದ ಉಚ್ಚಾರದ ಮಿತ್ತ್, ದ್ರಾವಿಡ ಭಾಷೆದ ಶಬ್ಧ ಉಚ್ಚಾರಣೆಡ್ ಈ ರಡ್ಡ್ ಭಾಷೆಲೆಡ್ ಅಲ್ಪ ಸ್ವಲ್ಪ ಬೇಧವುಂಡು. ಅಂಡಲಾ, ಮೂಲರೂಪೊಗು ವ್ಯತ್ಯಾಸವಿಜ್ಜಿ, ತುಳುಟು
169
ಬುಧಾನಂದ ಶಿವಳ್ಳಿ
