9.38 ನನ ಕ್ರಿಯಾಧಾತು ಮಾಳ್‌ಡ್ ಆಪಿನ ರೂಪಾಂತರ ತೂವೊಡು. ಮಾಳ್ತ್‌ದ್, ಮಾಳ್ಪುಲಾ, ಮಾಳ್ತಿನಪಗ, ಮಾಳ್ಪುನಗ, ಮಾಳ್ಪೊಡು, ಮಾಳ್ಪೊಲಿ, ಮಾಳ್ಪಡ, ಮಾಳ್ತಿನಂಚ, ಮಾಳ್ಪರೆಗ್, ಮಾಳ್ತಿನದಾವರೆ, ಮಾಳ್ತಿನಾಪಲೆ, ಮಾಳ್ತಿನಯಿಕ್, ಮಾಳ್ತುನವೆನ್, ಮಾಳ್ತಿನಯಿಟ್, ಮಾಳ್ತಿನ, ಮಾಳ್ಪುಗೆ ಮಾಳ್ಪಡ, ಮಾಳ್ಪುನಂಗೆ, ಮಾಳ್ಪುವೆಡ, ಮಾಳ್ತೆಡ, ಮಾಳ್ತಡ, ಮಾಳ್ಪುವಡ, ಇತ್ಯಾದಿಲೆಗ್ ಪ್ರಯೋಗ, ಅರ್ಥ ತೆರಿಯೊಂಬಿನ ಅಗತ್ಯ. ಕನ್ನಡ ಅನುವಾದ ಈ ಶಬ್ದಲೆಗ್ ಇಂಚ ಅಪುಂಡು. ಮಾಡಿ, ಮಾಡು, ಮಾಡಿದಾಗ, ಮಾಡುವಾಗ, ಮಾಡಬೇಕು, ಮಾಡಬಹುದು, ಮಾಡಿದರೆ, ಮಾಡಿದಂತೆ, ಮಾಡಲಿಕ್ಕೆ, ಮಾಡಿದುದರಿಂದ, ಮಾಡಿದಾಗ, ಮಾಡಿದುದಕ್ಕೆ, ಮಾಡಿದ್ದನ್ನು, ಮಾಡಿದುದರಲ್ಲಿ, ಮಾಡಿದ, ಮಾಡು. ಮಾಡಬೇಡ. ಮಾಡುವತನಕ, ಮಾಡುವುದಾದರೆ, ಮಾಡಿದ್ದರೆ -ಇತ್ಯಾದಿ.
9.39 ಬ್ರಿಜೆಲ್ ವ್ಯಾಕರಣೊಡು ರಡ್ಡನೆ ಭವಿಷ್ಯತ್ (II future) ರೂಪೊಡು, ಮಾಳ್ತುದುಪ್ಪೆ (ನಾಸಿಕೊಚ್ಚಾರ), ಮಳ್ತುದುಪ್ಪೆ, ಮಳ್ತುದುಪ್ಪ, ಮಳ್ತುದುಪ್ಪೆ, ಮಳ್ತುದುಪ್ಪಳ್, ಮಳ್ತುದುಪ್ಪು ಕ್ರಮವಾದ್ ಉತ್ತಮ, ಮಧ್ಯಮ, ಪ್ರಥಮ ಪುರುಷಲೆಗ್ ಅನ್ವಯವಾದ್ ತೆರಿಪಾದುಂಡು. ಇಂದೆಕುಳನ ಸಂಧಿವಿಗ್ರಹ ಮಾಳ್ಳುನಗ ಮಾಳ್ತ್‌ದ್+ಉಪ್ಪುವೆ, ಮಾಡಿ+ಇರುವೆನು, ಮಾಡಿ+ಇರುವೆ, ಮಾಡಿರುವನು, ಮಾಡಿರುವಳು, ಮಾಡಿರುವುದು-ಇನ್ಪಿ ರೂಪ ಪಡೆಪಾ. ಅಂಚನೆ ಮಳ್ತುದ್ವೆ , ಮಳ್ತ್‌ದ್ವ , ಮಳ್ತುದ್ವಳ್, ಮಳ್ತುದು ಇನ್ಪಿ ಸಂಶಯಾತ್ಮಕ ಅಥವಾ conditional ಕ್ರಿಯಾಪದಲೆನ್ ತೋಜಾದೆರ್. ಇಂದೆಕುಲೆನ ಸಂಧಿ ವಿಗ್ರಹೊಡು ಮಳ್ತ್+ಉದುಪೆ (ನಾಸಿಕ), ಮಳ್ತ್+ಉದುಪ, ಮಳ್ತ್+ಉದುವೆ. ಮಳ್ತ್ +ಉದುವಳ್, ಮಳ್ತ್+ಉದುಪು ಇಂದ್‌ದಾಪುಂಡು.
ಇಂದೆಕುಳೆಗ್ ಇಂಗ್ಲೀಷ್ ಅನುವಾದಲು ಇಂಚ ಆಪಾ: I could have done, he could have done, you could have done, she could have done, it could have done.ಇಂದೆಕುಳು ಅತ್ತಾವಂದೆ ನನ ಕೆಲವು ಕ್ರಿಯಾರೂಪೊಲೆನ್ ತೂಲೆ: ಯಾನ್ ಮಾಳ್ತುಡುವೆ(ನಾಸಿಕೋಚ್ಚಾರ), ಈ ಮಾಳ್ತುಡುವಾ ಆಯೆ ಮಾಳ್ತುಡುವೆ ಅಥವಾ ಯಾನ್ ಮಾಳ್ತುರ್ವೆ (ವೆ ನಾಸಿಕ ಉಚ್ಚಾರ). ಈ ಮಾಳ್ತುರ್ವ, ಆಯ್ಕೆ ಮಾಳ್ತುರ್ವೆ- ಇಂದೆಕುಳೆಗ್ ತಮಿಳ್ದ ರೂಪೊಡು ಸೈದವಿಡುವೆನ್, ಸೈದವಿಡುಗಿರೆಯಿ, ಸೈದವಿಡುವನ್ ಇನ್ಪಿ ಅನುವಾದ ತಿಕ್ಕುವಾ. ಇಂಚಿನ ಪ್ರಯೋಗಲು ಪಾತೆರೊದ ಮಟ್ಟೊಡು ತುಳುಭಾಷೆಡ್‌ ಪತ್ತದ್ ವಿವಿಧ ಅರ್ಥ ಕೊರ್ತಿನವು. ಈ ಭಾಷೆಡ್ ಬೋಡಾಯಿನಾತ್‌ ಸಾಧನೆಲು ನಡತ್‌ದುಳ್ಳ ಇನ್ಪಿನಯಿಕ್ ಸಾಕ್ಷಿ. ಈ ಮಾತಾ ಪ್ರಯೋಗ ರೂಪೊಲೆಡ್ ಗಾಬರಿ ಮಾಳ್ತೊಣರೆ ಬಲ್ಲಿ.
168
ತುಳು ಪಾತೆರೊ
