ಪುಟ:Pāḍdanoḷu (IA dli.CiXIV50 qt-1).pdf/೨೧

1.5 ಹುಂಜಿ. ಮಲಗೆರೆ ಮಂಚ, ಕುಳ್ಳರೆ ಕುರುಚಿ, ಪಠ್ಯರೆ ಪಂಚದೀವಿಗೆ, ಬೇಸರೆ ಬಂದಿಕೋಲು, ಪುಲ್ಲಿಂದ ಪಚ್ಚದ, ಬಾಯಿಂದ ಬೂಳ್ಯ, ಸೇವೆ (ಇನಾಮು) ಕೊರಿಯ‌, ಸೇವೆ ಪತ್ತೊಂದು ಸಿರ ಬನ್ನಗ ತಗೆ ತಂಗಡಿ ಮುಳ್ಳು (ಇಲ್ಲಡ್) ಪುಟ್ಟುದರ್, ಅಮಳ್ ಬಾಲೆಳು, ಮಗೆ ಪುಟ್ಟುದು ಆಳ್ ತೋಳಾದ್ ತನ ಸರಿ ಜೋಕುಳ ಗೊಬ್ಬುಗು ಪೋಯೆ, ಜೋಕುಳು ಪಂಡೆ, ಅಮ್ಮೆ ದಾಂತಿ ಮುಂಡೆ ಮಗೆ ಈ ಯೆಂಚ ಗೊಬ್ಬುನಿಂದ. ವೊಂಜೆಕ್ ವೊರಿದೆ, ಯೆರಡೆಕ್ ನೇಚಾಡ್ಡೆ, ಮೂಚೆಕ್ ಕುಡು ಲಕ್ಷ್ಯ ಮೆಕ್ ಅಮ್ಮೆ ಉಂಡೋ ಇಷ್ಟೋ ಅಪ್ಪ ಅಂದ್‌ ಕೇಂತೆ ದಾನೆ ಕೇಣ್ಣ ಮುಂದೊಳು, ಯೆನ ಸರಿ ಜೋಕುಳು ಯಾನ್ ಮುಂಡ ಮಗಂದ್ ಪಂಡೆರ್, ಐನ್ ಕೇಂಪ್‌ ಬಿರ್ಜೆ, ಅಂಡ ಅಂತ ನಿನ ತರ ಆಡ್ ಪಾಡ್ಂದ್ ಲಕ್ಕದೇಂದ್ ಪಂಡೆ ಐಯ್ಯಯ್ಯಾ ಮಗ, ನಿನ ಅಮ್ಮೆರ್ ನಿಕ್ ಬಂಜಿಡ್ ಯೇಳ ತಿಂಗೊಳು ಆನಗ ಬೇಲೂರು ಬೆಲ್ಲು ಗಂಡ್ದ್ ಬೇಲೆಗ್ ಪೋತರ್, ವರುಸೊ ಆಟಿ ತಿಂಗೊಳಾಂಡ್, ನಿನ ಅಮ್ಮೆ ಬರ್ಪಿ ಪೊರ್ತಾಂಡ್ ಮಗ ಅಂದೊಳು. ಜನ ಅಮ್ಮ ನೋಟೊಗು (ನಾಡೊಂದು) ಪೋವಂದೆ ಸಲೆವು ಅಂದೆ. ತಾದಿದ ಯಕ್ಷ ಪೊದಿಕೆ ಕಟ್ಟಿ, ಮುಕ್ಕುಂದ ನೆಯಿಟ್, ಮೂಜಿ ಅಜ್ಜಿ ಬೆಲ್ಲೊಡು ಪೊದಿಕೆ ಕಟ್ಟೆ, ಬೇರ್‌ಡ್ ಬೆಯಿಸ್‌ಂಡ್, ಬೆನೊಡು ಪೊದಿಕೆ ಕಟ್ಟೆ, ಯನ್ ಪೋಪೆ ಅಮ್ಮನ್ ಹೂವೊಡು, ಅಮ್ಮೆ ಬೆಂದಿ ಬೇಲೆ ತೂವೊಡು, ಯೆಂಕ್ ಜೆನೊಡುಂದೆ, ವಿವಾಡ್ ಅಡ್ಡದ ಸಾರ್, ನೀವೆಂದ ಗುಡ್ಡೆ, ಆನೆ ಕಟ್ಟು ಆತ್ಮಸ, ಕುದ್ರೆ ಕಟ್ಟು ಕಿನ್ನಿಗೋಳಿ, ಸಂತಂದಯ್ಯ, ನೀರ ಪರಿವು ಕೊಕ್ಕಡ ನೀರೆ, ಸರೋಳಿ ಸಂಪಕಟ್ಟೆದಡೆಗ್ ಪೋಯೆ ಒಮ್ಮೆ ಬಡ್ ಸೇವೆ ಪತ್ತೊಂದು ಅ ಬೆಂಬುಗು ಬೇಸರಾದ್ ನಿರೆಟ್ ವಸಾತ್‌ದ್ ಕುಮರೆ ಕಟ ಕಟ್ಟಿಡ್ ಕುಳ್ಳ, ಅಮ್ಮ ಗುರ್ತೊ ಮಗ ಇಚ್ಛೆ, ಮಗ ಗುರ್ತಿ ಅಮ್ಮಗ್ ಇದ್ದೆ. ಹೇರಪ್ಪ ಮೇರ್ ಕುನಿಂದ ಮಗೆ ಸೋಲುಗು ಸೋಲೈ ಕೈಯೇ‌ ಸೊಟ್ಟ ಸಂದಾಯ, ವೊಳು ಬತ್ತಿಸಿ ವೊಡೆಗೆ ಪೋಪಿನಾಯ ಅಂದದ್ ಕೇಂಡ ಅಮ್ಮೆ, ಯೆನ ಅಮ್ಮ ನಾನೊಗು ಸೇವೆ ಅಂದ್‌ದ್ ಪಂಡೆ, ನಿನ ಊರು ವೋಳುಂದೆ ಕಲ್ಲತ್ತ ಮಾರ್ನಾಡ್ ದೇಸೆಂದೆ. ಅಪ್ಪ ಪುದರ್ ದಾನಂದೆ, ಅಮ್ಮ ಪುದರ್ ದಾನೆಂದೆ ಒಮ್ಮೆ, ಅಪ್ಪೆ ಇರವದಿ, ಅಮ್ಮೆ ಸಂಬುಕು ಅಂದೆ. ನಿನ ಅಮ್ಮೆ ವೋಳ್ಳೆಂದೆ, ಅಮ್ಮೆ ಬೇಲೂರು ಬೆಳ್ಳುಳ ರಾಜ್ಯೋಗು ಬಿನ್ನಣದ ಬೇಲೆಗ್ ಪೋತೆಗೆ, ಮೇನ್ ಬಂಜೆಟ್ ಯೇಳ ತಿಂಗೊಳುವಾಯ ಆವೊಂದು ಇಪ್ಪುನಗೆ ಪೋತೆಗೆ ವೊಂಬೆ ಅಮ್ಮನ್ ವೊರ್ತಿ ಅಪ್ಪೆಗ್ ಯತ್ ಜನ ಬಾಲೆಳು ಅಂದ್ ಕೇಂಡೆ. ಐನ್ಸೂರ್ ಆಣುಳು ಯೇನ್ ಕೂಡುದು, ವೊರ್ತಿ ಸಂಗಡಿ, ಈ ಸಂಗತಿ ಯೆಂಕುಳು ವೊಟ್ಟು ಪುಟ್ಟನಾಕುಳು ಅಂದೆ ಮಗೆ ಆಕುಳ ಪುದರ್ ದಾನೆಂದ ಅಮ್ಮೆ, ಯಲ್ಲಣ್ಣ, ಮಲ್ಲಣ್ಣ, ಬಿಕ್ಕುರು, ನಂದು, ನಾರಾಯಣೆ ಯೆನ ಪುದರ್ ಬೀರು, ತಂಗಡಿ ಪುದರ್‌ ಕಲ್ಲು ರುಚಿ ಅಥವಾ ಕಾಲಮ್ಮ ಅಂದೆ ಮಗೆ, ನಿನ ಅಮ್ಮ ನಾಟೊಗು ದಾಯೆಗ್ ಪೋಪಿನಿಂದೆ. ಜನ ಸರಿ ಜೋಕುಳಡ ಗೊಟ್ಟುಗು ಪೋಯೆ ಅಮೈದಾಂತಿ ಮುಂತ್ರೆಗ್ ಪುಟ್ಟುದಿ ಮಗೆ ಈ ಅಂದರ್, ವೊಂಜೆಕ್ ವೊರಿದೆ, ಯೆರಡೆಕ್ ಪೇಚಾಡ್ಡೆ, ಮಜೆಕ್ ಕುತ್ತು ಚಿತ್ತೆ ಅವೈಡ ಕೇಂಡೆ ಅಮ್ಮೆ ಉಳ್ಳನಾ ಇಚ್ಚೆನಾಂವ, ಅಮ್ಮೆ ಬೇಲೂರುಗು ಬಿನ್ನಣದ ಬೇಲೆಗ್ ಪೋತೆ ಬರುವೆಂದೊಳು. ದಿನ ಅಮ್ಮನ್ ಸೂವಂದೆ ಸಲೆವುಣಿ, ಯೆನ ಅಮ್ಮ ನಾಟೊಗು ಯೆಂಕ್ ಪೋವೊಡು, ಅಮ್ಮೆರೆನ್ ತೂವೊಡು, ಆರೆ ಬೇಲೆ ತೂವೊದು, ಅಂಚನೆ ಯೆಂಕ್‌ಲಾ ಮಡು ಅಂದ್ರ ಒತ್ತೆ ಅಂದೆ ಮಗೆ, ಹರ ಹರ ಮಗ, ಕೋಡೆ ಪುಟ್ಟ, ನಾಡ ಒಳತ (ಬೇಗ), ಯೆನ ನಾಟೊಗು ಬತ್ತ ಅಂದೆ, ಕಟ್ಟೆ ಪಕ್ಕನೆ ಜತ್ರೆ, ಅಮ್ಮೆದಂಡ ಮೇನೆ, ಮಗಂದ್‌ಂಡ ಈಯೆ ಸೈ ಅಂದೆ. ನಿಕ್ಸ್ ಯೆಂಕ್ ಸರಿ ಮುಟ್ಟಿನವು ಯೆಡ್ಡೆ ಆಂಡ್‌ಂದ್ರೆ, ಮಗನ್ ತೋಳಾರ ತೊಟ್ಟಿ, ಬಾಯಾರ ಬಿರ ಮಾನ್ಯ ಆಯ್ಕೆ, ಅಮ್ಮಾ ನಿನ ಬೇಲೆ ಯೆಂಕ್ ತೂವೊಡು, ಏರತಿ ಪೊಯಿಂದೆ, ಯನ ಬೇಲಿ ದಾನೆ ತೂವ ದಾನೆ ಕಲ್ಲ ಮಗಾ, ಕೋಡೆ ಪುಟ್ಟ ನಾಡ ಬುಳೆತ ಅಂದೆ, ಯೆನ ಬೇಲೆ ತೂಪನಾ, ಅರಸುಳು ತೂತೆ‌, ಮೆಚ್ಚಂದಿ ಅರಸುಳು ಮೆಟ್ಟಿದ‌, ಹೊರನ ಸೇಜೆ ಕೊರ್ತೆರ್ ಅಂದೆ ಅಮ್ಮೆ ನಿನ ಮೇಲೆ ತೂರು ಕಲ್ಪಂದೆ ಸಭವ ಅಂದೆ ಮಗೆ ಸಿರ ವೊಟ್ಟುಗು ಅಮ್ಮ ಮಗೆ ಬೆಳ್ಳುಳಗ ಫೋಯೆಲ್, ಅಮ್ಮೆ ಬೆಂದಿ ಬೇಲೆ ಪಂಚ ದೀವಿಟಿಗೆ ಪದ್ ಮಗನ್ ತೂಪಾಯೆ, ಮಾರ್ನೆಮಿ ಕಮ್ರದ ಬೇಲೆ ಬೆಂತೆನೆಟ್ ವೊಂಡೆ ಕಪ್ಪೆದ ರೂಪ ಬೆನ್ನೆ. ಈತ ಬೇಲೆ ಬೆನ್ನಿನವು ಅಂಡ್, ಕಪ್ಪೆದ ಬೇಲೆ ಮಾವು ಬೆಂದಿನವು ಆಯಿಜಿ, ಐಕ್ ಕ ಹಿರ್ದಿನವು ಆಯಿದೆ, ಕೈ ಹಿದಿನವು ಆಯಿಣಿ, ಕಾರ್ ಹಿರ್ದಿ ನವು ಆಯಿಟಿ ಅಂದೆ ಮಗೆ ರಾಮ ರಾಮ ಬೆರ್ಮ ತೂವನಾಕುಳು ತೂರ್, ಮೆಟ್ಟಿ ನಾಕುಳು ಮೆಚ್ಚಿದೆ‌, ಈ ಕೋಡೆ ಪುಟ್ಟ, ನಾಡ ಬುಳೆಯ, ಯೆನ ಬೇಲೆಗ್ ವೊನೆ ಕೂರೆ ಪಂಡನೆ, ಇಂದೆನ್ ಅರಸು ಕೇಂದೆ ಆನೆದ ಕಾರ್‌ಗ್ ಮೆನನ್ ಕಟ್ಟ‌ ಕುದ್ರೆದ ಚಟುಕುದು ಕುಟ್ಟಾವರ್, ದನ ಮಾನ ಹೀನ ಮರ, ಯೇನ್ ಇತ್ತ್ದ್ ದಾನೆ ಆಂಡ್ ಮಗಾ ಅಂದರ್, ತಾನ್ ಪಟ್ಟ ಮುಟ್ಟು ಮುರಿನ ತಿರ್ತ್ ಪಾಡ್ಡೆ ತನ ಸೊಂಟದ ಬೇಸತ್ತೆ ದೆ, ತನ್ನ ಕಕ್ಕಿಲ್‌ ಪಾಡೊಂಡೆ, ತನ ಜೀವ ತಾನ್ ದೆತ್ತೊಂಡೆ. ಈ ಪೋಯದ ಪೋಲಮ್ಮ, ನಿನ ಮುಟ್ಟು ಮುರಿ ಯಾನ್ ಮಡಯೆಂದೆ ಮಗೆ ಅಮ್ಮೆ ಕರಿ ಮಗೆ ಬೇಲೆಡ್ ಬುದ್ಧಿವಂತಂದ್ ನಾಲ್ ರಾಜ್ಯೋಗು ವರ್ತಮಾನ ಪೋಂಡು. ಬೆಳ್ಳುಳದ ಅರಸು ಮಗನ ಲೆಪುಡೈರ್, ಅಮ್ಮತ್ ದೊಡ್ಡ ಬೆಲೆ ಬೆಲುಗುಳಿಟ್ ಮಗೆ ಬೆಂಡೆ,