ಪ್ರಧಾನಿ ಅಬ್ಬಕ್ಕ ಪ್ರಧಾನಿ ಅಬ್ಬಕ್ಕ ರಾಮಬಲಿಪ ಅಬ್ಬಕ್ಕ ಕಲ್ಪಾವೊಡು; ದಾದ ಪನ್ಸರ್?
- ಅಂದ್ ಅಮ್ಮಾಜಿ, ಅಕುಲು ಅಶ್ವಿನ್ ಮದಸ್ಯೆರೆ ಬಲ್ಲಿ!
- ದಾನಾಂಡ್ಲ ಆಲೋಚನೆ ಮಲ್ತದರ?
- ನಮ ಕಡಲ ಪಡೆತ ಗುರ್ಕಾರ್ ಒಂಜಿ ಆಲೋಚನೆ ಮಲ್ತದೆ.
- ದಾದ ಅವು ರಾಮ ಬಲಿಪ್ಪೆರೆ?
- ಆ ಪರಂಗಿ ಪಡೆತಾಕ್ಲು ಪತ್ತೆ ಮಾರಿಲೆನ ಕೊಲ್ಲಾಯಿ ಪಾಡ್‌ದ್
ಉಳ್ಳಾಲೊಗು ಮುತ್ತಿಗೆ ಪಾಡೈರೆಂಡ್ ಎಷ್ಟೊಂದುಪೊಡು. ಆನ ಚಲನವಲನ ತೂವೊಂದು ನಮ್ಮ ಕಡಲ ಪಡೆತಾಕ್ಲು ಸಂದ್ ತೂದು ಒರಾನೆ ಆಕೆ ಪತ್ತೆಮಾರಿಳೆಗೆ ಮುತ್ತಿಗೆ ಪಾಡ್ ಅವೆನ್ ಸುಡು ಸೂಕರಿ ಮಲ್ನೋಡು.
- ಆವಡ್, ಭಾರೀ ಜಾಗ್ರತೆಡ್ ಬೇಲೆ ಆವೊಡು!
ರಾಮಬಲಿಪೆ : ಆವು ಅಮ್ಮಾಜಿ..
ನೋಟ - ನಲ್ಪತ್ತನಾಲ್ (ಅಮಾಸೆದ ಕತ್ತಲೆ ಕಡಲ ಬರಿಟ್ ಅಬ್ಬಕ್ಕಾದೇವಿನ ಕಡೆತ ಕಡಲ ಪಡೆತಾನ ಗುಟ್ಟುದ ಚಲನವಲನ.. ಪತ್ತೊಂಜಿ ಓಡೊಲೆಡ್ ಕಡಲ ಪಡೆತಾಕ್ಲು ಸುದ್ದಿಸೋವು ಇಜ್ಜಂತೆ ಪರಂಗಿದಾನ ಪತ್ತೇಮಾರಿಳೆ ಆಕ್ರಮಣ ಮಲ್ಪೆರೆಗಾದ್ ಪಿದಡ್‌ದ. ಒಂಜಿ ಓಡೊಡು ಮಾರಾಣಿ ಅಬ್ಬಕ್ಕದೇವಿಲಾ ಉಳ್ಳಲ್, ಓಡೊಡು ನೂದುಗಟ್ಟೆ ತಾರೆದ ಮಡಲ್ಲ ತೂಟೆ. ನೂದು ಗಟ್ಟೆ ಸೂಟೆಲೆನ್ ಪೊತ್ತಾದ್ ಪರಂಗಿ ಪತ್ತೆಮಾರಿಳೆ ಕಡೆಕ್ ಒರಾನೆ ದಕ್ಕುವೆರ್. ಸುರುಕ್ಕು ಗೊತ್ತಾವಂದೆ, ಬೊಕ್ಕ ಒರಾನೆ ಅಂದಾಜಾಪುಂಡು. ಪರಂಗಿ ಪಡೆಕ್ ಗಡಿಬಿಡಿ ಆಪುಂಡು. ಹಾಹಾಕಾರ ಲಕ್ಕುಂಡು, ಪರಂಗಿದಾಕ್ಲನ ಪತ್ತೇಮಾರಿದ ಪಾಯಿಲು ಸೂ ಬೂರು ಪೊತ್ತುಂಡು. ಕೆಲವು ಪತ್ತೆಮಾರಿಳೆಗ್‌ಲಾ ಸೂ ಸೋಂಕುಂಡು. ಅವು ಸೊತ್ತುನಗ ಪರಂಗಿ ಪಡೆತ ಕೆಲವೆರ್ ನೀರ್‌ಗ್ ಲಾಗಿದ್ ಜೂವ ಕಳೆಯೋನ್ವೆ, ಕೆಲವೆರ್ ಮದ್ಯಪಾನದ ಅಮಲ್‌ಡೇ ಪ್ರತಿಭಟನೆ ಮಲ್ಪೆರೆ ಪ್ರಯತ್ನ ಮಲ್ಪುವೆರ್. ಪರಂಗಿ ಪಡೆತಾಕ್ಲಗ್ ಮಲ್ಲ ಗಾಸಿ ಆಪುಂಡು. ಅಬ್ಬಕ್ಕಾದೇವಿನ ಕಡೆತಾಕ್ಲು 'ಸೋಮನಾಥದೇವೆರೆಗ್ ಜಯ ಆವಡ್' 'ಅಬ್ಬಕ್ಕಾ ದೆಯ್ಯಾರಿಗ್ ಜಯ ಆವಡ್' 'ಉಳ್ಳಾಲೊಗು ಜಯ ಆವಡ್ ಪಂಡ್‌ದ್ ಘೋಷಣೆ ಮಲ್ಪುವೆರ್. ಪರಂಗಳನ ರಡ್ಡೆಮೂಜಿ ಪತ್ತೆಮಾರಿಳು ಅಬ್ಬಕ್ಕಾದೇವಿನ ಕಡೆತಾಕ್ಲಿನ ತೂತ ಬಾಣೋದ ಬಾಯಿಡ್ಸ್ ಎಂಚಲಾ ತಪ್ಪಾದ್ ಬಲಿಪುವ. ಉಳ್ಳಾಲೊದ ವೀರ ಸೈನಿಕ ಘೋಷಣೆ ಮಲ್ಲೊಂದು ಕರೆಕ್ ಬರ್ಪೆರ್.)
ವೀರರಾಣಿ ಅಬ್ಬಕ್ಕದೇವಿ / 60
