ಪುಟ:ವೀರರಾಣಿ ಅಬ್ಬಕ್ಕದೇವಿ.pdf/೫

ಅಬ್ಬಕ್ಕನ ಪುದರ ನಾಟಕೊಲು ರಂಗೊಡು ಮೆಂಚಿದ್ ಜನಮನ ಗೆಲ್ತದ... ಈ ಪೊರುಡು ತುಳುನಾಡ್‌ ಮಾಮಲ್ಲ ವಿದ್ವಾಂಸೆರಾಯಿನ ಮಾನ್ಯ ಅಮೃತ ಸೋಮೇಶ್ವರ‌ 'ವೀರರಾಣಿ ಅಬ್ಬಕ್ಕ ದೇವಿ' ಪುದರ ನಾಟಕ ರಚನೆ ಮಲ್‌ದೆರ್... ಉಂದು ಬಜೀ ಕಲ್ಪನೆಡ್ ಮೂಡ್ ಬತ್ತಿನವತ್... ಉಳ್ಳಾಲೊದ ಚಾರಿತ್ರಿಕ ದಾಕಲೆನ್ ತೆರಿಯೊಂದಿನ ನಿಲೆಟ್ ಬರೆತಿನವು... ಆರೇ ಪಡೊಂದಿಲೆಕ, “ಅಬ್ಬಕ್ಕರಾಣಿನ ಕಾಲೊಡು ತುಳುನಾಡ್‌ಗ್ ಬತ್ತ, ಅಬ್ಬಕ್ಕ ರಾಣಿನ್, ಆಳನ ರಾಜ್ಯದ ಸ್ಥಿತಿಗತಿಳೆನ್ ಪ್ರತ್ಯಕ್ಷ ತೂದು ಬರೆತಿನ ಇಟೆಲಿ ದೇಶದ ಪ್ರವಾಸಿ ಪಿಯಾ ಡೆಲ್ಲಾವೆಲ್ಲೆನ ಪ್ರವಾಸೀ ಕಥನೊದ ಆದೆರೊಡು ಬರೆತಿನವು”... ಅಂಚೆನೇ ಸ್ವಾಭಿಮಾನ, ಸ್ವಾವಲಂಬನೆ ರಾಜಕೀಯ ಮುತ್ಸದ್ಧಿತನ, ಸಾಹಸ, ಶೌರ್ಯ, ಸ್ವಾತಂತ್ರ್ಯಪ್ರೇಮ, ಪ್ರಜಾಪ್ರೀತಿ, ಸಾಮರಸ್ಯ ಈ ಮಾತ ಗುಣೋಕ್ತನ ಗಣಿಯಾಯಿನ ಅಬ್ಬಕ್ಕ ರಾಣಿನ ಆಳ್ವಿಕೆ, ವ್ಯಕ್ತಿತ್ವದ ಆಕರ್ಷಣೆನೇ ಆರೆಗ್ ಈ ನಾಟಕ ಬರೆವೆರೆಗ್ ಪ್ರೇರಣೆ ಆತ್‌ಂಡ್‌ಗೆ... ಈ ನಾಟಕೊನು ಓದಿನಕ್ಷೆಗೆ ಅಬ್ಬಕ್ಕನ ಜಾತ್ಯತೀತ ನಿಲುವು, ಕಾರ್ಯತಂತ್ರ, ಪಣವುಕಾಸ್‌ ವೈವಾಟ್, ಪ್ರಜಾಪ್ರಭುತ್ವ ವ್ಯವಸ್ಥೆದ ಸಂಗತಿಲ್, ಒಕ್ಕಟ್ಟನ್ ಒರಿತೊಂದಿನ ರೀತಿ ಉಂದು ಮಾತತ ಪರಯ ಆದ್ ಗೌರವ ಎಚ್ಚುಂಡು... ಅಬ್ಬಕ್ಕನ ನೆಂಪನು ನನಲಾತ್ ಗಟ್ಟಿ ಮುಂಡು... ಇಂಚಿತ್ತಿನ ಈ ನಾಟಕ ಕೃತಿನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಕಟ ಮಲ್ಪೆರೆಗ್ ಒಪ್ಪಿಗೆ ಕೊರಿನ ಅಮೃತ ಸೋಮೇಶ್ವರರೆಗ್ ಅಕಾಡೆಮಿದ ಪುದರ್‌ಡ್‌ ಸೊಳ್ಳೆ ಸಂದಾವೊಂದುಲ್ಲೆ... ಈ ಬೂಕುನು ಪೊರುಡು ಅಚ್ಚಿ ಮಲ್ತ್ ಕೊರಿನ ಆಕೃತಿ ಪ್ರಿಂಟ್ಸ್‌ ಕಲ್ಲೂರು ನಾಗೇಶ ಬೊಕ್ಕ ಕೂಟದಕ್ಷೆಗ್ ಅಕಾಡೆಮಿದ ಸೊಲು. 16-7-2014 ಕುಡ್ಲ ಎಮ್. ಜಾನಕಿ ಬ್ರಹ್ಮಾವರ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ iv