ನೋಟ - ಇರ್ವತ್ತನಾಲ್ [ಅಬ್ಬಕ್ಕ ರಾಣಿ ಕಡಲ ಬರಿಕ್ ಮೊಗವೀರೆರೆ ಓಡದ ಕಡವುದ ಕೈತಡೆ ಬೈದಳ್. ಒಟ್ಟುಗು ಊಳಿಗದಾಕ್ಲು, ಅಂಗರಕ್ಷಕೆ, ಕಡಲ ಪಡೆತ ದಲಾಯ್ದೆ ರಾಮ್‌ ಬಲಿಪೆಲಾ, ಬೇತೆ ರಡ್ಡ ಜನ ಗುರಿಕಾರನಾಕ್ಲು ಉಳ್ಳರ್.] ಅಬ್ಬಕ್ಕ ರಾಮಬಲಿಪೆ ಅಬ್ಬಕ್ಕ ರಾಮಬಲಿಪ ಅಬ್ಬಕ್ಕ
- ನಮ್ಮ ಪತ್ತೆ ಮಾರಿಲೆನ ಕೆಲಸ ಎಡ್ಡೆಡ್ ನಡಪುಂಡತ್ತೆ?
- ಕೆಲಸ ತುರ್ತುಡು ನಡತ್ತೊಂದುಂಡು ಅಮ್ಮಾಜಿ. ನಂಕ್
ಬೋಡಾಯಿನ ಪತ್ತೆಮಾರಿ ಕಟ್ಟುನ ಬಿರ್ಸೆರೆನ್ ತೆನ್ನಾಯಿಡ್ ತರ್ಪುಡಾದ.
- ಆಯಿನಾತ್ ನಮ್ಮ ಪತ್ತೆಮಾರಿಲೆನ ಸಂಖ್ಯೆನ್ ಬೇಗನೇ
ಎಚ್ಚಿಸಾವೊಡು. ವ್ಯಾಪಾರೊಗ್ಲಾ ಆಪುಂಡು. ಸಮಯ ಬತ್ತ್ಂಡ ಆ ಕಡಲ ಕಳೆರೆಗ್ ಪ್ರತಿಭಟನೆ ಒಡ್ಡಿಯೆರೆಲಾ ಆಪುಂಡು. ಅರಬ್ಬಿಸ್ತಾನದಾಕ್ಲು ಒಂಜಿ ಐವ ಓಡೊಲು ಬೋಡುಂದು ಕೇಳಿಕೆನ್ ದುಂಬುದೀತೆ. ಮುಂಗಡ ಪಣವು ಕೊರೊಳಿಂದಾ ಪರ್. ಮಾರಾಣಿಯೆರ್್ರ ಅಪ್ಪಣೆ ಕೊರುಂಡ, ಆ ಕೆಲಸೊನುಲಾ ಒಟ್ಟುಗೆ ಮಲ್ಲಾವೊಳಿ.
- ಎಡ್ಡೆ ಅಲೋಚನೆ, ದುಂಬೊತ್ತುಲೆ.
ಪೂವಗುರಿಕಾರೆ : ಅಮ್ಮಾಜಿಯೆರೆಡ ಅರಿಕೆ ಮಲ್ಪುನ ಸಂಗತಿ ಒಂಜಿ ಉಂಡು. ಅಬ್ಬಕ್ಕ : ದಾದ ಪಣೆ. ಪೂವ ಗುರ್ಕಾರೆ : [ಒಂಜಿ ಓಡೊನು ತೋಜಿಪಾದ್ ಇಂದ ಆ ಓಡ ಕೋಡೆ ಕಡಲ್‌ಗ್ ಪೋದಿತ್ತ್ಂಡ್. ಇಂದೆಟ್ ಪೋಯಿನಕು ಬದ್‌ದ್ ಅಬ್ಬಕ್ಕ ಗುರ್ಕಾರ ಅಣ್ಣು ಬತ್ತಿನವು ಆ ಪಿಲಿಚಾಮುಂಡಿ ಬಂಟೆ ಗುಳಿಗೆ ದೈವೊಲೆ ದಯೊಟುಂದು ಪನೋಡಾತ.
- ದಾನಾಂಡ್? ಸುಳಿಗಾಳಿಯಾ? ಅಥವಾ ಅರಸು ಮೀನ್‌ದ
ಉಪದ್ರೋನ?
- ಅವ್ವತ್ ಅಮ್ಮಾಜಿ. ಇಂದೇ ಮೊಕುಲೆ ಕೋಡೆ ಆ ಓಡೊಡು
ಪೋಯಿನಕುಲು, ಅಣ್ಣು ಕೋಡೆ ಆತಿನೆನ್ ಪಣ್.
- ಅಡ್ಡ ಬೂರೆ ಅಮ್ಮಾಜಿ. ಮುರಾನಿ ಬಯ್ಯಡ್ ಎಂಕುಲು ಬುಡು
ಬಲೆಕ್ ಪೋದಿತ್ತ. ಅಂಚ ಪೋಯಿನಕುಲು ಕೋಡೆ ಪುಲ್ಯಕ್ಕೊಲಗು ಚುಮು ಚುಮು ಬೊಲ್ವುಗು ಕರೆ ಪತ್ತುನೆಟಿತ್ತ ಓಡೊಡು ಮೀನ್ ಇತ್ತಂಡ್. ಆತಾನಗ ಆ ಪರಂಗಿದಾಕ್ಲು ಅಡ್ಡ ಕಟ್ಟಿದ್ ಬಾರೀ ಗಲಾಟೆ ಮಲ್ಲೆರ್, ಏರೆ ಅಮ್ಮನ ಕಡಲ್, ಏರೆಡ ಕೇಂಡ್‌ದ್ ಮೀನ್ ಪತ್ಯಾ? ಪಂಡ್‌ದ್ ಜೋರುಮಲೆ, ಮೀನ್ ಪೂರ ವೀರರಾಣಿ ಅಬ್ಬಕ್ಕದೇವಿ / 38
