ಪುಟ:ವೀರರಾಣಿ ಅಬ್ಬಕ್ಕದೇವಿ.pdf/೪

ಗುರ್ಕಾರನ ಮದಿಪು 99 “ಅಬ್ಬಕ್ಕನಕುಲು ಇನಿಕ್ 'ಅಬ್ಬಕ್ಕ' ಆದ್ ನೆಂಪುಡು ಒರಿದೆರ್..” “ಅಬ್ಬಕ್ಕ' ಪದರೇ ಒಂಜಿ ಸಂಕೇತ... ಅವು ಸ್ವಾಭಿಮಾನೊದ, ಗುಣಾದಿಗೆದ, ಸಗ್ಗಿಸಾದಗೊದ, ಕಸ್ಟೋಲೆಗ್, ದುಸ್ಟೆರೆಗ್ ಸಡ್ ಪಾಡ್ ಗೆಂದುನೆತ... ಇಂಚ ಮಾತೆತ ಸಂಕೇತ... ಉಳ್ಳಾಲೊದ ಚರಿತ್ರೆಡ್ ಅಬ್ಬಕ್ಕ ರಾಣಿ ಒತ್ತಿಯೇ ಅತ್ತೆ... ಏತ್ ಅಬ್ಬಕ್ಕನಕುಲು ಆದಿತ್ತೆರ್ ಪಣ್ ಸರಿಯಾಯಿನ ಮಾಹಿತಿ ಇಜ್ಜಂದಿನೆಟಾದ್ ಅಬ್ಬಕ್ಕ ಮಾತರ ನೆಂಪುಗ್ಗಾ ಸಂದುನ ಪುದ‌... ಎಡ್ಡೆ ಮನಕುಲು ನೆಂಪುಡು ಒರಿಯುವರೇ ಪಣ್ಣಿನ ಪಾತೆರೊಗು ಸರಿಯಾದ್ ಇಂಚಿಪ ಈ 'ಅಬ್ಬಕ್ಕ' ಮದಪೆರಾವಂದಿನ ತುಳುವೆ... ಅಬ್ಬಕ್ಕನ ಪುದರ್‌ ಉಚ್ಚಯ ನಡತೊಂದುಂಡು... ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿ ಉಂಡು... ಅಬ್ಬಕ್ಕನ ಬಗ್ಗೆಡ್, “ಉಳ್ಳಾಲ.. ಇತಿ ಆದಿ', 'ಅಬ್ಬಕ್ಕ ದೇವಿಯರು', 'ಅಬ್ಬಕ್ಕ ಸಂಕಥನ', ಇಂಚಿತ್ತಿನ ಅಧ್ಯಯನ ಗ್ರಂಥೋಲು ಬೊಳುಗು ಬಯ್ದ... ಉಳ್ಳಾಲೊಡು ದುಸ್ಟದಮನೊಗು ಸಜ್ಜಾತಿಲೆಕದ ಅಬ್ಬಕ್ಕನ ಪ್ರತಿಮೆ ಮೆರೆವೊಂದುಂಡು... ಭಾರತೊಗು ಬತ್ತ ಉರಿಬೀರ ಪೋವೊಂದಿತ್ತಿನ ಪರದೇಸಿನ್ ಪಿರ ರಟ್ಟಾವೆರೆಗ್ ಪೊರುಂಬುದಿನ ಸುರುತ ಪೊಂಜೊವು ಪಣ್ಣಿನ ಪುಗರೆಲಾ ಪರ್‌ಂಬೊಂದುಂಡು... ಅಬ್ಬಕ್ಕನ ಬಗ್ಗೆಡ್ ನನಲಾತ್ ತೆರಿಯೊಡು, ಬರೆ ವೊಡು ಪಣ್ಣಿನ ಉಮೇದ್ಕುಲು ಎಚ್ಚಾವೊಂದುಲ್ಲೆರ್... ಈಟನೇ iii