ಇತ್ತಂಡ ನಮ್ಮ ಸೀಮೆನ್ ರಾಮರಾಜ್ಯವಾದ್ ಮಲ್ಲುಗ, ಸರ್ವ ದೈವ ದೇವೆರ್ ಅನುಗ್ರಹ ಮಲ್ಪಡ್! [ಜನೊಕ್ಲನ ಹರ್ಷೋದ್ಗಾರ] ಸೀಮೆದ ಸರ್ವ ದೇವಸ್ಥಾನ, ದೈವಸ್ಥಾನೊಳೆಡ್ ವಿಶೇಷ ಪೂಜೆ ನಡತ್ತ್ಂಡ್. ಕರಿನ ಯುದೊಳೆಡ್ ಬೋಡಾಯಿನಾತ್ ಕಷ್ಟ ನಷ್ಟದ ಅನುಭವ ನಂಕಾತ್‌ಂಡ್. ಕೋಟೆ ಪೇಂಟೆ ಎರಮನೆ ಗಾಸಿಯಾತ್ಂಡ್. ಪಗೆಮಾನಿಲು ಸಾವಿರಗಟ್ಟೆ ತಾರೆಳೆನ್ ಕಡ್ ಪಾಡ್ಡೆರ್. ತಾರೆದ ದಯಿನಡೊಡು. ನಮ್ಮ ಊರು ಕಲ್ಪವೃಕ್ಷೆಳೆ ವನ ಆವೊಡು. ಕೋಟೆ ಕೊತ್ತಳ ಭದ್ರ ಆವೊಡು. ಆಯುಧ ಸಂಗ್ರಹ ಮಲ್ಲೊಡು. ಪೊಸ ಪತ್ತೇಮಾರಿ ಕಟ್ಟಾವೊಡು. ನಾಡ್‌ನ್ ಬುಕೊರ ಬಲವಾದ್ ಕಳ್ಕೊಡು. ಬಂಧುಳೆ ನಿಕ್ಸನ ಸಾವಿರ ಸಾವಿರ ಕೈಕುಲು ಇಂದೆಕಾದ್ ದುಂಬಾವೊಡು. (ಜನೊಕ್ಲನ ಅನುಮೋದನೆದ ಘೋಷ).
[ಸೀಮೆದ ಅಲ್ಪಲ್ಪ ನೋಟ - ಪತ್ತೊಂಜಿ 1 ಬೇತೆ ಬೇತೆ ಮನರಂಜನದ ದೃಶ್ಯಲು, ಜನಪದ ನಲಿಕೆಲು, ಯಕ್ಷಗಾನ ಇತ್ಯಾದಿ. ಒಂಜಿ ತಿಳ್ಕೊಡ್ ಜನೊಕ್ಲಗ್ ತಾರೆದ ದಯಿ ಪಟ್ಟುವೆರ್].
ನೋಟ - ಪದ್ರಾಡ್ [ಜೋಕ್ಲಗ್‌ ಆಯುಧಾಭ್ಯಾಸ ಮಲ್ಪುನ ಅಭ್ಯಾಸ ಶಾಲೆ. ಗುರುಕುಳು ಉಳ್ಳ ವಂತೆ ದೂರೊಡು ಅಬ್ಬಕ್ಕಾ ರಾಣಿ ಕುಳ್ಳುದೆರ್] ಅಬ್ಬಕ್ಕ ವಿಮಲಾ
- ವಿಮಲಾ, ಜೋಕ್ಲನ ವಿದ್ಯಾಭ್ಯಾಸ ಇತ್ಯಾದಿಳೆನ ವಿಚಾರೊಗು
ಎಂಕ್ ಹೆಚ್ಚಿಗೆ ಗಮನ ಕೊರಿಯರೆ ಸಾಧ್ಯ ಆಪುಜಿ. ಆ ಹೊಣೆಗಾರಿಕೆನ್ ಈ ವಹಿಸೊಡು.
- ಅಪ್ಪಣೆ ಅಮ್ಮಾಜಿ.
[ಇರ್ವೆ‌್ರಾ ವಂತೆ ಪೊರ್ತು ಜೋನ ಅಭ್ಯಾಸೊನು ತೂದು ತೃಪ್ತಿ ಸೂಚನೆ ಮಲ್ಲುವೆರ್]
ವೀರರಾಣಿ ಅಬ್ಬಕ್ಕದೇವಿ / 18
