ಪುಟ:ಮದಿಪು ಲೇಖನೊಲು.pdf/೯೯

3 ಜತ್ ಬತ್ತಂದ್ ಮಂಜಣೆ ಬೊಕ್ಕ ಕಿಮ್ಮನೆ ಪನ್ನಿ ಇರ್ವೆರ್ ಜವನ್ಯ‌ ಮಿತ್ತಬೈಲ್‌ದ ಗುಡ್ಡೆ ಗರ್ತ್‌ದ್ ಕಾಡ್ ಕಡ್ಂದ್ ಕಂಡ ಸಾಗೊಳಿ ಮಲ್ಲಿನವು ಅಂಚೆನೆ ಪೊಸ ಗುತ್ತುದ ಇಲ್ಲಿ ಕಟ್ಟುನವು ಪೊಸ ಬದ್‌ದ ಒಂಜಿ ಸಾದಿ, ಅಯಿತ ಒಟ್ಟುಗೆ ಅಂಕ ತಂಕೊಡು ಬೇರೆ ಬಿರ್ಸೆ ಆಯಿ ಮಂಜಣ ಆಳ್ವ ಕುಂಬುಳೆ ಅರಸೆರೆ ದಂಡನಾಯಕೆ ಆದ್ ಮೆರಿಯಿನವು ಬೊಕ್ಕ ಗುತ್ತುದ ಗಡಿ ಪತ್‌ದ್ ಯಜಮಾನಿಕೆ ತೂದು ಪುಗರ್ತೆ ಪಡೆಯಿನವು. ಮಾಂಕರಾಲ್‌ಲೆಕಂತಿ ಅತ್ರೋಣದ, ಇಲ್ಡ್ ಬದ್ ಮಾತ ಬುಡ್ಡು ಗಾಂಡೈರ್ ಲೆಪ್ಪುಗು ಓಕೊಂದು ಗಾಂಧಿ ಸುಬ್ಬಯ್ಯಂದ್ ಪುದರ್ ಪಡೆಯಿ ಸುಬ್ಬಯಾ, ಗುತ್ತುದ ಗಗ್ ಸರಿಯಾದ್ ಸಾದುಗ್ ಸಾದು, ಪೆರ್ಚಿಗ್ ಪೆರ್ಚಿ ತೊಜಪ್ಪಾದ್ ಉಳ್ಳಾಲದ ರಾಣಿ ಅಬ್ಬಕ್ಕಲೆಕ್ಕನೆ ಮಿತ್ತಬೈಲ್‌ದ ಗುರ್ಕಾರ್ತಿ ಯಮುನಕ್ಕೆ ಇಂಚ ಮಾತ ಬೇತೆ ಬೇತೆ ಸುಬಾವುದ ಜನೊಕುಲೆ ಬದ್‌ದ ಮರ್ಗಿಲ್‌ನ್ ಪೊರ್ಲಕಂಟ್‌ಡ್ ಮೊಡೆದ್ ಕೊರಿನ ಕದ್ದೂ ಮುಲ್ಪ ತೋಜೊಂದುಂಡು. ಅಂಚಾದ್‌ ಉಂದೊಂಜಿ ಮಾಮಲ್ಲ ಪೊರ್ಲಕಂಟ್‌ದ ತುಳುನಾಡ ಸಾಂಸ್ಕೃತಿಕ ಕಥನಲಾ ಅಂದ್. ಚಾರಿತ್ರಿಕ ಪುರಾವೆಲೆ ಗ್ರಂತೊಲಾ ಅಂದ್. ಸಾಮಾನ್ಯವಾದ್ ಪುರಾಣ ಕಾವೊಲೆಡ್ ಉಪ್ಪು ವರ್ಣಣೆಲೆದಲೆಕೊ ಪದಿನ~ ಅನ್ವಯದ ವರ್ಣನಲು ನಾನಾ ನಮೂನೆಡ್ ಉಂದೆಟ್ಸ್ ಉಪ್ಪುನೆಡ್ಡಾತ್ರ ಏನಿದ ಕಾಲೊಗುಲಾ ಉಂದು ಒಂಜಿ Classic ಆದ್ ಒರಿವುನಂಚಿತ್ತಿ ಎಡ್ಡೆ ಗದ್ಯ ಕಾವ್ಯ ಆದುಂಡು. ಒಂಜಿ ಪೆದಿನ ಆರೈಕೆಗ್ ಬೋಡಾಯಿ ಸಾಯದ ವಿವರ ತೂಲೆ (ಪು.184). ಗಾಡಿಡ್ ಪೆಮ್ಮೆದಿನ ಆರೈಕೆಗ್ ಬೋಡಾಯಿನ ಕಟ್ಟಬೆಲ್ಲ, ಅಚ್ಚಿಬೆಲ್ಲ, ಓಲೆಬೆಲ್ಲ, ಬೋಳಂತ ಅರಿ, ಉರ್ಪೆಲ್‌ದ ಅರಿ ಗಾಡಿ ನಿಲಿಕೆ ಬತ್ತ್ಂಡ್, ಕುರುವೆ ನಿಲಿಕೆ ತತ್ತಿ, ಭರಣಿ ನಿಲಿಕೆ ನೆಯಿ, ತಿಗತ್ತ ನೆಯಿ ಬತ್ತ್ಂಡ್, ಪೆಮ್ಮೆದಿನ ಆರೈಕೆಗ್ ಕೋರಿದ ಕಿನ್ನಿಲು, ಪೆರಡೆ ಲಾಕಿಲು ಬತ್ತ್ಂಡ್, ಕಸಾಯೊಗು ಓಮ, ಕೊತ್ತಂಬರಿ, ಜೀರಿಗೆ, ಶುಂಠಿ, ಮೆಂತೆ, ಗೋಣಿ ಗೋಣಿಲೆಡ್ ಬತ್ತ್ಂಡಂ, ಇಲ್ಲದಕ್ಕೆಗ್ ಗಾಡಿ ನಿಲಿಕೆ ಲಾಡ್, ತಡೆ ನಿಲಿಕೆ ಹೋಳಿಗೆ ಬತ್ತ್ಂಡ್, ಮಜಲೋಡಿಡ್ ಗೌಜಿಯೋ ಗೌಜಿ, ಒಕ್ಕೆಲ್ ಸಕ್ಕೆಲ್‌ಡ್ ಲಾಡ್ ಹೋಳಿಗೆದ ತಮ್ಮನ. ಇಂಚ ಒಬ್ಬೇ ಒಂಜಿ ಲೇಸ್‌ದ ವರ್ಣನೆ, ದೈವದೇವೆರೆಗ್ ಕರಿವುನ ಕಟ್ಸ್ ಕಟ್ಟಳೆದ 91