ಪುಟ:ಮದಿಪು ಲೇಖನೊಲು.pdf/೯೭

"ಪೊಲಿ ಪೊಲಿ ಪೊಲಿ ಪೊಲಿ ಎಚ್ಚಾಲ ಪಂಚ ಪಾಂಡವೆರೆ ಪೊಲಿ ನಿಚ್ಚ ದೇವರ್ಕುಳ ಪೊಲಿ ತುಪ್ಪೆ ಪಾಡೊಡು ಸಿರಿ ತೂವೊಡು ಆ ಜಾಲ ಪೊಲಿ ಈ ಜಾಲ ಪೊಲಿ ಅಜಿಪ್ಪತ್ತಾಜಿ ಜಾಲ್‌ದ ಪೊಲಿ ಎಲ್ಪಟೇಲ್ ಕೋಟಿ ಪೊಲಿ ಎನ್ನ ಉಳ್ಳಯ ಚಾಲ್‌ಗೇ ಬಲ ಪೊಲಿ” ಈ ಕಾದಂಬರಿದ ಸುರುತ ಅದ್ದೆಯ ಪುದ್ವಾರ್‌ದೆಚ್ಚಿದ ನೇಮ ಸುರು ಆಪುನನೇ ಇಂಚ ಅಲ್ಪ ಮಿತ್ತ ಜಾಲ್‌ಡ್ ತೋಜೊಂದುಂಡು ಮಾಮಲ್ಲ ತುಪ್ಪೆ, ಮುಲ್ಪ ತಿರ್ತಜಾಲ್‌ಡ್ ಇರ್ವೆರ್ ಮುಡಿಕಟೊಂದುಲ್ಲೆರ್, ಒರಿ ಕಲ್ಲೆ ಪಾಡ್ಜ್ ಸುತ್ತು ತಿರ್ಗದ್ ಕುತ್ತ ಉಂತಾದ್ ಪೊದ್ದಿದ್ ಕನ್ನೊಂದುಲ್ಲೆರ್, ಬೊಕ್ಕೊರಿ ಕಟ್ಟಿ ದಾಯಿನ ಮುಡಿನ್ ಅಂಚಿಂಚಿ ಪೊರಲ್ಸ್ ಸಮ ಕಟ್ಸ್ ಮಲ್ಲೊಂದುಲ್ಲೆರ್. ಆತೇ ಅತ್ತ್ ಉಂದೆನ್ ಮಾತೊ ಬಲಿಯೇಂದ್ರ ಪಾಡ್ಡನ, ಜುಮಾದಿ ಸಂದಿ, ಒನ್ನಮ್ಮಾ ಜೇವು ಪಾಡನ, ಮೈಸಂದಾಯ ಪಾಡ್ಡನ, ಸತ್ಯನಾಪುರತ ಸಿರಿ, ತೋಡಕುಕ್ಕಿನಾರ್ ಪಾಡ್ನನ, ಮಂದಾರ ರಾಮಾಯಣ, ಕಾವ್ಯ ದೈವದ ನುಡಿಕಟ್ಟುಲೆ ಪೂಮಾಲೆಲೆಡ್ ಸಿಂಗರಿತ್‌, ತಮ್ಮಡಿ ಡೋಲು, ದುಡಿ, ತಾಸೆ ಪೊಕರೆ, ಕದಿಕೆ, ಮುಡಿ, ಅಣಿತಚ್ಚಿ ತೇರ್‌ಲಸರಿ, ಬಾರೆಡ್ಡಿ ಬರೆಕಳ, ಕಂಬುಲ ದಪ್ಪು, ಕಂಡದ ಕೋರಿ, ಪಣೆಟ್ಸ್ ನೀರ್ ಒಯಿಪುನವು, ಕೊಂತೊಡು ನೀರ್ ಚೇಪುನವು, ಬಾರೆ ಕಡ್ಡುನವು, ಗಾಳಿ ಬರ್ಸೊಗು ತತ್ರ ಪನ್ಮೂಲಿ ಪತ್ತೊಂದು ಬೈಲ್‌ದ ಪಾಪುಡೆ ಪೋಪುನವು, ಪಜೆ ಕುರ್ವೆ ಮೊಡೆಪುನವು, ಚೆನ್ನೆ ಗೊಬ್ಬುನವು, ಕೊಡಿ ಏರಾವುನವು, ಕೊಳಲ ಸಾದ್ಯುನವು, ಕತ್ತಿ ತಳವಾರ್ ಬೀಜಾವುನವು ಇಂಚಿತ್ತಿ ಕಲಾವಿದೆ ಶ್ರೀ ಗೋಪಾಡ್ಕರ್ ಆರಡ ಬರಪಾಯಿ ತುಳುವೆರೆ ಬದ್‌ಕ್‌ ಕಲೆ ಕಾರ್ನಿಕೊಲೆ ಚಿತ್ತೊಲೆಡ್ ತೋರಣ ಕಟ್ಟೋಂದ್ ಪೊರ್ಲು ಮಂತ್ ಕೊರ್ತುನವು ಏರ್ಲಾ ಮೆಚೊಡಾಯಿನವು, ಉಂದೆನ್ ಮಾತಾ ಅಂಚೆನೆ ಜೋಡನೆ ಮಲ್ಪೆ ಪೊರ್ತು 'ಈ ಕಾಲ'ಬೊಕ್ಕ 'ಆ ಕಾಲ' ಪನ್ಸಿ ರಡ್ ಮರ್ಗಿಲ್‌ಡ್ ತೊಜಪಾದಿನವು ಆತೇ ಪೊರ್ಲು 89