ಮಿತ್ತಬೈಲ್ ಉಳಯಿ ಪಿದಯಿ
- ಡಾ. ವಾಮನ ನಂದಾವರ
ಕರಿಯವರನ ಕತೆಕುಲು (1996), ಪಿಲಿಪತ್ತಿ ಗಡಸ್ (1997), ಪತ್ಪಜ್ಜೆಲು (2001), ಧರ್ಮ ಮಾಯೆ ಇಂಚಿತ್ತಿ ಪೊಸದೇಖದ ಕಿನ್ಯ ಕತೆಕುಲ್‌ನ್, ನಾಟಕೊಲೆನ್ ಕೊಯ್ದು ಪುದರ್ ಪೊರವು ಪಡೆಯಿ ಆನಂದ ಕೃಷ್ಣರೆನ ಸುರುತ ತುಳು ಕಾದಂಬರಿ ಮಿತ್ತಬೈಲ್ ಯಮುನಕ್ಕೆ ಒಂಜಿ ಗುತ್ತುದ ಕತೆ (2005) ನಮ್ಮ ದುಂಬು ಉಂಡು. ನೂದು ಒರ್ಸೊಗು ದುಂಬು ಶೀನಪ್ಪ ಹೆಗ್ಡೆರ್ (1889)ಬರೆಯಿ ಮಿತ್ಯ ನಾರಾಯಣ ಕತೆ ಅತ್ತಂಡ ಎಲ್ಪ ಒರ್ಸೊಗು ದುಂಬು ಪಣಿಯಾಡಿದಾರ್ ಬರೆಯಿನ ಸತಿಕಮಲೆ (1936) ಕಾದಂಬರಿಲೆಡ್ ಸುರುವಾದ್ ಮೂಜಿ ಒರ್ಸೊಗು ದುಂಬು ಎಂ. ಜಾನಕಿ ಬ್ರಹ್ಮಾವರದಾರ್ (2002) ಬರೆಯಿ ಯುಗಮಗ್‌ರಗನೇ ತುಳು ಕಾದಂಬರಿಲೆ ಬೊಳ್ಳಿ ಪರ್ಬೊ ತೂಯಿನವು. ಇತ್ತೆ ತುಳು ಕಾದಂಬರಿ ನಿಜವಾಗ್ಲಾ ಪ್ರಾಯೊಗು ಬತ್ತ್ಂಡ್. ಅಯಿತ ಜವನಾದಿಗೆದ ಕಾಲ ಉಂದು. Tulu novel has come of age. ಆನಂದ ಕೃಷ್ಣರೆನ (2005) ಮಿತ್ತ ಬೈಲ್‌ ಯಮುನಕ್ಕೆ; ಒಂಜಿ ಗುತ್ತುದ ಕತೆ, ತುಳು ಕಾದಂಬರಿ ಈ ಮಾತೆಸ್ಟ್‌ ಲಾ ಮಿತ್ತ ಸಾಲ್ಡ್ ಕುಲ್ಲುನವು ತುಳು ಕಾದಂಬರಿಲೆ ಮಜಲ್‌ಡ್ ಈತೊರ್ತುಡು ಮೇವಂದಿ ಪಡುಡು ಆನಂದ ಕೃಷ್ಣ ಮೇಯರ ಜತ್ತಿನಾ, ಏರ್‌ಲಾ ಬೆನಂದಿ ಬೆನ್ನಿನ್ ಬೆಂದಿನಾರ್, ಅವು ಬುಡು ಬಿತ್ತಲ್‌ಡ್ ಪಾಡಿ, ಪದವು, ಪಡ್ಡುಲೆಡ್ ತಿರ್ಗ್‌ದ್ ಬರೆತ ಬಾಯಿಗ್ ಎಕ್ಕಲ್‌ ಮಲೆತ್ತ ಪಂತಿಗೆ ಬಾಯಿ ಪಾಡು ಕಳ್ಕೊ ಆರೆನವು. ಮುನ್ನೂದು ಪುಟೊಕುಲೆ ಈ ಕಾದಂಬರಿದ ಗುತ್ತುದಿಲ್ಲ ಬಾಕಿಮಾರ್‌ಗೊಂಜಿ ಪೂಕರೆ ಪಾಡ್ಜ್ ಶ್ರೀ ಅಮೃತ ಸೋಮೇಶ್ವರೆರ್ ಎಡ್ಡೆ ಮದಿಪು ಕೊರಿಲೆಕೊ "ವಡ್ಡಾರೊಡು 87
