ಜನೊಕುಲು ಅಯಿತ ಪ್ರಯೋಜನಗೆತೊನೊಂದಿತ್ತೆರ್, ಕಾಡ್‌ಡ್ ಬೋಡಾಯಿನಾತ್ ಕಾಡುತ್ಪತ್ತಿ ಆವೊಂದಿತ್ತ್ಂಡ್. ನೇರೊಲ್ಲ ಪರ್‌ಂದ್, ತಂಪುದ ಪರ್‌ಂದ್, ಕೊಟ್ಟೆಮುಳ್ಳುದ ಪರ್‌ಂದ್, ಕುಂಟಲ್ಲ ಪರ್, ಕುಕ್ಕು, ಗೋಂಕು, ಗುಜ್ಜೆ, ಇರೋಲು ಇಂಚ ಬೇತೆ -ಬೇತೆ ನಮುನದ ಪರ್‌ಂದುಲು ಕಾಡ್‌ಡ್ ತಿದ್‌ಂಡ್. ಒರ್ಸೊಗು ಮೂಜಿ ಬುಲೆ ಕಂಡೊಡು ದಪ್ಪದ, ಕಂಗ್ ತಾರೆಲೆಡ್ ಒರ್ಸ ಇಡೀ ಪಲ ಬದ್‌ಂಡ್, ಕಾಯಿ ಕಜಿಪು ಬೋಡಾಯಿನಾತ್ ಬುಲೆಪದ್ ಪಟ್ಟಿ ತಿನೊಂದಿತ್ತೆರ್. ಮರ್‌ಲೊಗು ಬೋಡಾಪಿ ತಿನ್ನಿ ಸೊತ್ತೂಲೆನ್ ಅರೆಗಲೊಡೇ ದಾಸ್ತಾನ್ ಮಲ್ತ್‌ ದೀಪೇದ. ಮುಖ್ಯವಾದ್ ಅರೆಗಲೊಡು ದಾಸ್ತಾನ್ ದೀತಿನ ತಿನಿಸಲು ಮಕ್ಕಲೊಡು ಎನಗ ಎನ್ನಿಲೆಕ ತಿನರ ಆಪೇದಿನವು, ಸಾಂತನಿ, ಪುನೈದಬಿತ್, ಪೆಜಕಾಯಿದ ಬಿತ್ತ್, ಕೆರೆಂಗ್‌ ಪೂಲು, ಹಪ್ಪಳ, ರುಟ್ಟಿ, ಬಾಲ್ಕ, ಕುಮಂದ್ರ, ಇಂಚ ಮಾತಾ ಮಲ್ತ್‌ದ್ ರೀತಿನನ್ ಮರಲೊಡು ತಿಂದ್‌ ತೊಡು ದಂಗವೊಂದಿತ್ತೆರ್. ಅಂಚನೇ ತೌತೆ, ಕೆಂಬುಡೆ, ಕುಂಬುಡ ಮಾತಾ ಮರಲೊಗುಂದ್ ಮಡಲ್ಲ ಒಲಿಟ್ಸ್ ಕಟ್‌ ಮಾಡದ ಪಕ್ಕಾಸ್‌ಡ್ ನೇಲ ಕಳೊಂದಿತ್ತೆ ದಾಲ ಕಜಿಪುಗು ದಂತಿನಪಗ ಒಂಜೆಂಜೆ ದೆತ್ದ್ ಕಜಿಪು ಮಲ್ಲೊಂದಿತ್ತೆರ್. ದಾಂತಿನಕ್ಕೆಗ್ಲಾ ಕೊರೊಂದಿತ್ತೆರ್. ಅಂಚೆನೇ ಕಾಯಿಗುಜ್ಜೆದ ಪಚ್ಚಿರ್ ಪೊರ್ಲುಡು ಬುಡದ್, ಪೆಲತ್ತರಿ, ಕನ್ನೀರ್ ಮಾತಾ ದೆತ್ದ್ ಪಚ್ಚಿರ್‌ದ್ ತಿಗ್‌ತ್‌ದ್ ಎತೀಷ್ಟ ಉಪ್ಪಡುಪಾಡ್ಜ್ ನಲ್ಲೇ ಕರೊಕ್ಕುಲೆಡ್ ದಿಂಜಾದ್ ಗಟ್ಟಿ ಮಲ್ ಬಾಯಿ ಕಟ್ನದೀಪರ್ ನೆಕ್ಕಾ ನೀರುಪ್ಪಡ್, ಉಪ್ಪಡಚ್ಚಿರ್‌ಂದ್ ಲಾ ಪನ್ಸರ್, ಇಯೊಡುವ ಪಚ್ಚಿ ರಡ್ಜ್ ಒರ್ಸಮುಟ್ಟಲಾ ಒರಿಯುಂಡು. ಅಯಿತ್ತ ಪೆಲತ್ತರಿಲ ಒಟ್ಟು ಮಲ್ತಾದ್ ಮಣ್‌ಡ್ ಮೊರೆತದ್ ಕೊಟ್ಯದ ಒಂಜಿ ಮೂಲೆಡ್ ದೂಪೆ ಗೂರುದು ದೀಪೇದ, ಬೋಡಾನಗ ಉಪ್ಪಡಚ್ಚಿರ ಪೆಲತ್ತರಿಲ ಪಾಡ್ಸ್ ಕೋರಿ ಆಜಾಯಿಲೆಕ ಆಜವೆ ಉನರಲ-ತನರಲ ಬಾರೀ ರುಚಿ. ಗುಜ್ಜಿದ ರಚ್ಚೆ, ಗೂಂಜಿಲ ಅಂಚೆನೇ ನೇಲ್ಯ ಕರೊಕ್ಕುಲೆಡ್ ಬೋಡಾಯಿನಾತ್ ಉಪ್ಪು ಪಾಡ್ ದೀಪೇದ, ಅವ್ವತ್ತಂದೆ ಕೇನದ ದಂಟ್, ಪೆಜಕಾಯಿ. ಕುಕ್ಕು ಮಾತ ಉಪ್ಪು ನೀರ್‌ಡ್ ಪಾಡ್ ಕಡ್ಕೊಲೆಡ್ ದಿಂಜದ್ ಬಾಯಿ ಕಟ್‌ದ್ ದೀಪದ, ಅನಪತೊಗು ದೆತ್ದ್ ಜೀರಿಗೆ ಮುಂಚೆ ನುರ್ತುದು ಗಂಜಿ ಉನ್ಸದ, ಬಾಯಿಗ್ನ ರುಚಿ, ಬಂಜಿಗ್ನ ತಂಪು. ಉಂದೆಟ್ಟೇ ಆರೋಗ್ಯ ಭಾಗ್ಯನು ಕಾಪಾಡೊಂದಿತ್ತೆರ್, ಸೀಕ್- ಸಂಕಡೊಲು ಬರೇದಿನಿ ಕಮ್ಮಿ ಬತ್ತ್ಂಡಲ ತನ್‌ನೇ ಮರ್‌ಲಾ ರಡಿ ಇತ್ತ್ಂಡ್. 84
ಪುಟ:ಮದಿಪು ಲೇಖನೊಲು.pdf/೯೨
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
