ಪುಟ:ಮದಿಪು ಲೇಖನೊಲು.pdf/೯

ತುಳು ಬಾಸೆಗ್ ಎಡ್ಡೆ ಭವಿಷ್ಯ ಉಂಡು ಓ ಡಾ. ಎಮ್ .ಟಿ. ವಾಸುದೇವನ್ ನಾಯಕ್ D ನಾಡೊರ್ಮೆದ ತಥಾಕಥಿತ ಮಲ್ಲ ಬಾಸೆಲು (ಮಲ್ಲ ಬಾಸುಂದ್ರಂಡ ದಿಂಜ ಸಂಕದ ನರಮಾನಿ ಗಲಸುನ ಬಾಸಲು) ಎಲ್ಯ ಬಾಸೆಲನ (ಪಂಡ, ಕಮ್ಮಿಸಂಕದ ಜನ ಪಾತೆರುನ ಬಾಸೆಲು) ಮಿತ್ ಸವಾರಿ ಮಲ್ಪುನ ಸುಬಾವುದವು. ಆಂಡ ಮುಲ್ಪ ಎಂಕ್ ಬಾರಿ ಸಮಾಧಾನಂದ್ ಪಂಡ, ತುಳು ಬಾಸೆನ್ ಪಾತೆರುನಕಲ್ನ ಜನನ ಸಂಕೆ ಕಮ್ಮಿ ಇತ್ತ್ಂಡಲಾ ತುಳುಟ್ಟು ಬರೆಪಿನಕಲ್ನ ಸಂಖ್ಯೆ ಕಮ್ಮಿ ಇತ್ತ್ಂಡಲಾ, ಈ ಬಾಸೆ ಕೇಂದ್ರಿಯ ಸಾಹಿತ್ಯ ಅಕಾಡೆಮಿದ ಮಾನ್ಯತೆನ್ ಇನಿಮುಟ್ಟ ಪಡೆಯಿಜಿಂದಾಂಡಲಾ, ತುಳುಕು ಉಪ್ಪುನ ಸಾಹಿತ್ಯ ಅಕಾಡೆಮಿ ಪೊರ್ಲುದ ಕಾರ್ಯನಿರ್ವಹಣೆ ಮತ್ತೊಂದುಂಡು ಪನ್ನಿನವೇ ಒಂಜಿ ಮಾಮಲ್ಲ ಸೌಭಾಗ್ಯದ ಸಂಗತಿ. ತುಳುಕು ಕೇಂದ್ರೀಯ ಸಾಹಿತ್ಯ ಅಕಾಡೆಮಿದ ಮಾನ್ಯತೆ ತಿಕ್‌ಪ್ಪಂದ್. ಆಂಡ, ಈ ದೇಶೂಡು ಅನೇಕ ಬಾಸೆಲು ಸಂವಿಧಾನ ಮಾನ್ಯತೆಗಾದ್ ಹೋರಾಟ ಮಲ್ಲೊಂದುಲ್ಲ. ಆವೆಟ್ ಒಂಜಿ ತುಳು, ನನೊಂಜಿ 'ಬೋಡೋ ಬಾಸೆ, ನಮ ದೇಶೂಡು ಅನೇಕ ಬಾಸೆಲು ಉಲ್ಲ ಕೆಲವು ಒರ್ಸೊಡು ಪಿರಾವು ಡಾ. ರಾಧಾಕೃಷ್ಣನ್ ಒಂಜಿ ಪಾತೆರ ಪಂತೆರ್, “ಭಾರತೀಯ ಸಾಹಿತ್ಯ ಪೂರ ವಿವಿಧ ಬಾಸೆಲೆಡ್ ಬರೆದಿತ್ತ್ಂಡಲಾ ಪೂರಲಾ ಒಂಜೇ (Indian literature is one though it is written in several languages') ಅಂಚ ತೂಂಡ ಈ ಪಾತೆರ ಪೊರ್ಲಕಂಟ್‌ದವು. ನಿಕುಲು ನನಲಾ ಅವೆತ ಗಾಂತ್ರಗಾಂತೊಗು ಪೋದು ಉಲಮರ್ಮ ತೆರಿಯಿಂಡ ಈ ಪಾತೆರದ ಅರ್ತ ನನಲಾತ್ ಪೊರ್ಲು ತೆರಿವು. ಅಂಡಲಾ ಪ್ರತಿಯೊಂಜಿ ಬಾಸೆ ಅವೆತ ಸಾಹಿತ್ಯ, ಐತೈತ ಪರಂಪರೆ, ಭೌಗೋಳಿಕತೆಗ್ ಸರಿಯಾದ್ ರೂಪಪಡೆಯಿನವುಂದ್ ತೆರಿಯು, ನಮ ದೇಶೆಡು ಏತೇತೋ ಸಂಕ್ಯದ ಬಾಸೆಲು ಇಪ್ಪುನೆಡ್ಡಾವರ, ನಮ ಮರ್ಗಿಲ್ಲ ಪ್ರದೇಶಡು ದಾದ ಆವೊಂದುಂಡು ಪನ್ನಿನವು ತೆರಿಯೊಂದಿಜ್ಜಿ. ಸಾಹಿತ್ಯದ ವಿದ್ಯಾರ್ಥಿಯಾದುಪ್ಪುನ ಎನ್ನಂಚಿನಾಯಗ್ ದೂರದ ಲ್ಯಾಟಿನ್ ಅಮೇರಿಕೊಡು ದಾದ ಆವೊಂದುಂಡು, ಅತ್ತಂಡ ಇಂಚಿನ ನೋಬೆಲ್ ಪ್ರಶಸ್ತಿಗೆಂದಿನ 1