ಪುಟ:ಮದಿಪು ಲೇಖನೊಲು.pdf/೮೫

ತೂಂಕಿನುಜ್ಞಾಲ್‌ಡ್‌ ಕುಳ್ಳಾಯೆರ್. ನಿಕುಳು ಏರ್‌ಂದ್ ಕೇಂಡರ್. ಯಾನ್ ಉಳ್ಳಾಯೆ, ಮೋಳು ಉಳ್ಳಾಳಿ ಪಂದ್ ದೈಯೊಂಕುಳು ಪಂಡೆರ್. ಅಕ್ಸೆಗ್ ಅಸರ್ ಕನವರೆ ಬಲ್ಲಾಳೆರ್ ಉಳಾಯಿ ಪೋದು ಪಿದಯಿಬನ್ನಗ ಅಕುಳು ಮಾಯಕ ಅಯೆರ್. ಆನಿದ ಇ‌ಡ್ ಜನನ ಬಲ್ಲಾಳೆರೆಗ್ ಕನಟ್ ತೋಜಿದ್ ಎಂಕೆ ತರಬೂರಿನಲ್ಪ ಕರುವಲ್ಲ ಕಲ್ಲಗುಂಡ, ತಿಗಲೆ ಬೂರಿನಲ್ಪ ಕುಡ್ಲೆಟ್ಟು ಮಾಡ ಕಟ್ಟಾಲೆ, ಪಂದ್ ಪಂಡೆರ್, ಕರುವಲ್ಲ ಕಲ್ಲಗುಂಡೊಡು ಸೋಣ ನಡಾವರಿ ಕೊರೆ, ಕುತ್ತೊಟ್ಟು ಮಾಡೊಡು ಮಾಯಿನಡಾವರಿ ಕೊರ್ಲೆಂಡ್ ಪಂಡೆರ್, ಮನದಾನಿ ಬಲ್ಯಾಯ ಬಲಿಮೆಡ್ ಯಿಸಯತೆರಿದ್, ಬಂಗವಾಡಿದರಸು ವೀರನರಸಿಂಹ ಬಂಗರಸಡ ಪನ್ನೆ‌, ಧರ್ಮದೈಯೊಂಕುಳಾಯಿನ ಉಳ್ಳಾಯೆ ಉಲ್ಬಾಳಿ ನಕ್ಷೆನ್ ನಂಬೈ‌, ಅರಸುಲೆಗ್ ಐವೆರ್ ಅಬ್ಬೆಯಡಿಕುಳು ಇತ್ತೆರ್. ಮೂವರೆಗೆ ಜೋಕುಳಿದ್ದಿ, ಪರಿಯಬ್ಬೆ ಚಾರುಮಲೆಗ್ ಚಂದ್ರಶೇಖರ ಪನ್ನಿ ಒರಿಕುಮಾರ, ಕಿರಿಯಬ್ಬೆ ಅಮೃತಮಲೆಕ್ ಪಾಂಡ್ಯಪ್ಪೆ ಬುಕ್ಯ ವಿಠಲದೇವಿ ಪನ್ನಿ ರಡ್ಜ್ ಬಾಲೆಲು, ಒಟ್ಟು ಮಾವರೇ ಜೋಕುಳು. ವೀರನರಸಿಂಹ ಬಂಗನ ಕಾಲೊಡು ದೇವನಾರಿಡ್ ಅರ್ಧನಾರೀಶ್ವರ ದೇವಸ್ಥಾನ ಕಟ್ಟಾದ್ ನೇತ್ರಾವತಿ ತುದೇ ಬರಿಟ್ ಮಾರಿ ಶಿವರಾಯ (ರುಂಡಮಾಲ) ಸ್ಥಾನೊನುಲಾ ಕಟ್ಟಾಯೆ. ಕಿಸ್ತೆರೆ ವರ್ಸೊ 120ಡು ವೀರ ನರಸಿಂಹ ಬಂಗೆ ತೀರಿಬುಕ್ಕ 2ನೇ ಚಂದ್ರಶೇಖರ ಬಂಗ‌ ಪಟ್ಟ, ಆಂಡ್. ಆ ಚಂದ್ರಶೇಖರ ಬಂಗರಸು ತರಾವುದ ಈಶ್ವರ ದೇವಸ್ಥಾನೊದ ಮೂಡಾಯಿದಿಕ್ಕಡ್ ಒಂಜಿ ಅರಮನೆಕಟ್ಟಾಯೆ, ಒಂಜಿದಿನ ಕುಡಲದ ಅರಂತಲ್ಲ ಕಡೆಕಟ್ಟೆಡ್ ಕುಲ್ಲುದುಪ್ಪುನಗ, ಅಳುವೆದ ಬಾಕಿಲ್‌ಡ್ ಏಳ್ ಪಡವುಲು ತೋಜಿಯೊ, ಆವು ಚೀನಾದೇಶೋದನ ಬೇರೊದ ಪಡವುಲು ಪಂದ್ ತೆರಿಂಡ್. ಈ ಪಡವುದಿತ್ತಿನ ಸಂಪೊತ್ತು ತನ್ನ ಕೈಕ್ ಸೇರೊಡುಂದ್, ಕುಡಲ ಪೊಯ್ಕೆ ವಸುಪುರೊಡ್ ಗಣಪತಿದೇವೆರೆ ಭಕ್ತ ಕೇಶವ ತಂತ್ರಿಲೆನ್ ಅರಸುಲು ಅರಮನೆಗ್ ಲೆಪುಡಿಯೆ‌, ಕೇಶವ ತಂತ್ತಿಲಡ ತನ್ನ ಮನಸ್‌ನ್‌ ಅರಸುಪನ್ನಗ ಗಣಪತಿಗ್ ಪರಕೆ ಪಣಿ, ಆ ಸಂಪೊತ್ತು ಈರೆಗಾಪುಂಡು ಪಂದ್ ತಾನ್ ಇತ್ತ್ದ್ ದೆವಸ್ಥಾನೊಡು ಪ್ರಾರ್ಥನೆ ಮತ್ತೆರ್. ಆನಿದ ಇರ್ಲ್‌ಡ್ ಬಾರಿ ಸುಳಿಗಾಳಿ ಬತ್ತ್ಂಡ್, ಆ ಗಾಳಿದ ಬರಮುಡು ಏಳಪಡವುಲು ಕಡಲಕರೆದಂಡೆಗ್ ತಾಂಟ್‌ ಪುಡಾಂಡ್, ಮನದಾನಿ, ಬಂಗರಸು ಆ ಪಡಾವುಡಿತ್ತಿನಕ್ಷೆಗೆ ಆಶ್ರಯಕೊರು ಬಂಗಾರ್ದ ಮಣ್ಣಿನ್‌ ಅರಂತಡೆ ಸಾಗಾಯೆ. ಪರಕೆ ಪಂಡಿನ, ತರಾವು ಶರಭೇಶ್ವರ ದೇವಳೊದ ತೆನ್ನಾಯಿಡ್ ಗೋಡೆದ ಬರಿಟ್ ಮಹಾಗಣಪತಿನ್ ತಾಪನೆ ಮಲ್ಪಾದ್ ತರಾವುದ ಗಣಪತಿಂದ್ ನಿತ್ಯ ನೂತೆ ತಾರಾಯಿದ 77