ಪುಟ:ಮದಿಪು ಲೇಖನೊಲು.pdf/೮೦

ಕುಲದೇವೆರಾಯಿನ ಸೋಮನಾಥನ ಮೂರ್ತಿನ್ ಪತ್ತೊಂದು, ಸೇನವೆರ್ ವೆಂಕಪಯ್ಕೆ, ಪಡ್ಸ್‌ರ್ವದ ರಾಜಕುಮಾರೆ ಕಾಮರಾಯನ್ ಲೆತೊಂದು, ಅರಸುಲು ಪೂಜೆಮತ್ತೊಂದಿತ್ತಿನ ಶಾಂತಿನಾಥ ಜಿನ ಬಿಂಬ, ಕುಲದೇವರಾಯಿನ ಸೋಮನಾಥನ ಮೂರ್ತಿನ್ ಪತ್ತೊಂದು, ಸೇನವರ್ ವೆಂಕಪಯ್ಯ, ತಿಮ್ಮಪ್ಪಯ್ಯ, ಜೈನೆರಾಯಿನ, ಮಟ್ಟೂರ ಉಲ್ಲಯೆ, ಕುಪ್ಪಣ್ಣಭಟ್, ಈ ನಾಲ್ವರ್, ಹಿರಿಯಾನ್ ಕೂಡೊಂದು ಗಟ್ಟ ಬಡತ್‌ದ್ ಇರುವೈಲ್, ದುರ್ಗದ ಬಳ್ಳಿಡ್, ಮಯೊಡು ಹೊಯ್ಸಳೆರೆಗ್ ತೆರಿಯಂದಿನಂಗೆ, ಬಡ್ಕೊಂದಿತ್ತೆರ್. ಕೆಲವು ಕಾಲ ಕರೀಂಡ್, ವಿಷ್ಣುವರ್ಧನರಾಯ್, ಸೊರ್ಗೊಸಂದಿಯೇ. ಆಯನಮಗೆ, ತ್ರಿಭುವನಮಲ್ಲ ಭುಜಬಲ ವೀರ ನರಸಿಂಹೆ ಗೋರಸಂದ್ರೂ (ದ್ವಾರಸಮುದ್ರೆ) ಡು ಪಟೊ ಏರೆ. ಆಯ್ಕೆ, ಭಾರಿ ಗುಣವಂತೆ, ಘನತಿಕೆದಾಯೆ, ಆಯನ ಕೀರ್ತಿನ್ ತೆರಿನ ಕಿಷ್ಟಪಯ್ಕೆ, ತನ್ನ ಒಟ್ಟುಗಿತ್ತಿ ಹಿರಿಯೆರೆನೊಟ್ಟು ಸಮಾಲೋಚನೆ ಮನ್ಸ್‌, ರಾಜಕುಮಾರನ್ ಲೆತೊಂದು, ಘಟ್ಟಸೀಮೆಗ್ ಪೋವೊಡುಂದ್ ಗಟ್ಟಜತ್ತೆರ್ ಆ ಪೊರ್ತುಡು ಆಕ್ಸೆಗ್ ಆಶ್ರಯಕೊರ್ದು ಕಷ್ಟಸುಕೊಟ್ಟು ಸಕಾಯಮನ್ನಿನ ಕರ್ನಾಟಕ ಬೆರಣೆ ಮರಿಯಪ್ಪಯ್ಯ, ಬಂಗಾರ್ದಬೇಲದ ದೇವು ಆಚಾರಿ, ಭಂಡಾರಿ ರುದ್ರೆ, ಬೋವಿ ಗುರುವೆ, ಸೈಬೆ ಜಾಂಗ್ ಖಾನ್, ನೇಮಿಖಾನ್, ಕುಂಟುಪೊಲ್ಲುನ ದಾದಬಾಯಿ, ಬೇರೂದ ಬಿರ್ಸೆ ಯಾಕೂಬು, ಮಾಳವ ಕನ್ನಡೆ ಚಂದ್ರನಾಯಕೆ, ಅಪ್ಪಯ್ಯನಾಯಕ, ಬೇರೊದ ಬಿರ್ಸೆ ಪಾರಪ್ಪ ಸೆಟ್ಟಿ, ಮಸ್ಕೊಳೆ ತಿಮಪ್ಪೆ, ಬೈರುಪೂಜಾರಿ, ರಜಪೂತ ಬೀರೆ ದೇವು ಮಾಣಿ, ಲಕ್ಷ್ಮಣ ಸಿಂಗೆ, ಮೊಕ್ಕು ಅಕೆ ಬೆರಿಯೆನೆ ಬತ್ತೆರ್. ಅರಸುವಂಶದ ರಕ್ಷಣೆಗಾತ್‌ರ ಜೀವಕೊರರಲ ಪಿರಜಾರಂದಿ ಈ ಸಾಮಾಜಿಕೆರ್, ಅರಸು ಪರಿವಾರೊದಕ್ಕೆ ಒಟ್ಟು ಕಡ್ತಿಕಲ್ಲ ಘಾಟಿಡೆಜತ್ತ್ದ್, ಬನ್ನಗ, ಮಿತ್ಯಾವುದ ಬರ್ಕೆಡ್ ಕುಲ್ಲುದು, ತಿರ್ತ ಬಂಗವಾಡಿ (ಗಂಗವಾಡಿ) ಗ್ ಪೋವೊಡ್‌ಂದ್, ಅಲೋಚನೆಮನ್ಸ್‌ದ್ ಮಾತೆಲ್ಲಾ ಒಂಜೆ ಅಭಿಪ್ರಾಯೊಡು ಪಿದಾಡ್ಯರ್‌, ಮಿತ್ತಗಂಗವಾಡಿ, ಬಂಗವಾಡಿ, ಕೊಮಿನಡ್ಕದ, ಅಡ್ಕದ್, ನೇತ್ರಾವತಿ ತುದೆ ಬರಿಟ್ ಬಿಡಾರ ಮಲ್ಲೆರ್. ಕೆಲವು ದಿನ ಈ ಜಾಗೆಡ್ ಇತ್ತ್ದ್, ಈ ಸೀಮೆದ ಜನೊಕುಳೆ ಮನಸ್ ತೆರಿಕೊ, ಪಂದ್ ಕಿಷ್ಣಪಯ್ಯ ಪತ್ನಿ, ಅಂಚನೆ ಅಕುಳು ಅಲ್ಪ ಬುಡಾರ ಮಲ್ಲಿ ಯಿಸಯ ಕೇನ್ಸ್ ಅಕ್ಷೆನಡೆ, ಅರಿ, ಸಾಮಾನ್, ಬುಳೆಕಾಣಿಕೆಲೆನ್ ಕೊನದ್ ಊರ್ದಕುಳು ಕೊರರೆ ಶುರುಮ‌, ಅರುಸುವಂಶದ ಕೊಡಿ ಒರಿದುಂಡು ಪನ್ನಿ ಸಂತೇಸ ಬಂಗವಾಡಿದ ಜನೊಕುಳೆನ ಮೊಕ್ತ ಅಭಿಮಾನೊಗು ಕಿಷ್ಣಪಯ್ಯನ ಮನಸ್ ತಿನ ಆಂಡ್ ಜನೊಕುಳು 72