ಪುಟ:ಮದಿಪು ಲೇಖನೊಲು.pdf/೭೯

ಬಂಗಸೀಮೆಡ್ ಪುಣ್ಯತುದೆ ಉಂದು, ಬಂಗವಾಡಿಡ್ ನೆಲಸಮ ಆದ್ ಬೂರಿ ಬಸ್ತಿ, ಅರಂತಲ್ಲ ಕುರು, ಗುರ್ತೊಲು, ಜರಿದಿ ಕೋಟೆ, ಬೇರೊಗು ಪುದರ್ ಪಡೆಯಿ ಬಂಗಾಡಿ ಪೇಟೆದ ಚುತುಸಂಗಪೇಂಟೆದ ಅವಶೇಷಲು, ದುಂಬುದ ಇತಿ ಆದಿನ್ ನೆನಪು ಮಲ್ಲೊಂದುಂಡು. ಇನಿಕ್ ಒಂರ್ಬೋನೂದು ವರ್ಸೊಗು ದುಂಬುಡೇ ರಾಜರಾಜ್ಯದ ನೆಂಪುಡು? ಮೆರೆಯಿನ ಬಂಗಸೀಮೆದ, ಬಂಗ ಅರಸುಲುನಕುಳು, ತುಳುನಾಡ್‌ಡ್ ಒಂಜಿನೇ ಸ್ಥಾನಮಾನ, ಮರ್ಯಾದಿ ಪಡೆಯಿನಕಳು. ಈ ತುಳುಸೀಮೆದ ತುಂಡುಭೂಮಿಡ್ ಬಾಳೊಂದಿತ್ತಿ ಜೈನಬಲ್ಲಾಕುಳು ಬಂಗರಸುಲೆಗ್ ಬಾರೀ ಮರ್ಯಾದಿ ಕೊರೊಂದಿತ್ತೆರ್. ಬೂತಾಳ ಪಾಂಡ್ಯನ ಕಾಲೊಡೇ ಬಂಗಸೀಮೆ ಚೌಟಸೀಮೆ ಇತ್ತ್ಂಡ್ ಪನ್ನಿ ಭೂತಾಳ ಪಾಂಡ್ಯನ ಕಟ್ ಕಟ್ಟಲೆದ ಕತೆಟ್, ಕಡೆಯುದೆಲ್‌ದಾಂತೆ ಬರೆದುಂಡು, ಆಂಡ, ಬಂಗವಂಶದಕುಳೆ, ವಿವರೊನು ತಲಾಸ್ ಮನೆ, ಇತಿಹಾಸೊಡು ಒಂತೆ ಸತ್ಯತೆ ಇತ್ತಿನೆದ್ದಾವರೆ, ಮೂಲಚರಿತ್ರೆದ, ಭಿನ್ನಾಭಿಪ್ರಾಯೋನು ಚರ್ಚೆಗ್ ಗೆತೊನಂದೆ, ಆ ಇತಿಹಾಸೊದ ಪುಟೊ ಬುಡ್ಡಾಗ, ಕಿಸ್ತರೆ ವರ್ಸ (ಕ್ರಿಸ್ತಶಕ) 1157ನೇ ಇಸವಿಡ್ದುಂಬುದ ಬಂಗರಸುಲೆನ ಮೂಲ ಚರಿತ್ರೆ ಸಿಕ್ಕೊಂದಿಜ್ಜಿ. ಅಂಚಾದ್ ಈ ಇಸವಿಡ್ಸ್‌ ಬುಕ್ಕ ಸಿಕ್ಕಿಂಚಿ, ಕೈಪೆತ್ ದಾಕಲೆನ್ ತೂದು ಬರೆತಿ, ಈ ಚರಿತ್ರೆನೇ ಇತಿ ಆದಿ ಆವರೆ ಸಾಧ್ಯ ಉಂಡು. ಈ ಬಂಗರಸುನಕುಳು ಏ‌? ಅಕೆ ಆಳ್ವಿಕೆ ವಾ ಕಾಲೊಡು ಸುರುಆಂಡ್? ಎಂಚ ಸುರು ಆಂಡ್! ಇಂದನ್ ತೆರಿಯೊನುಗೂ ದುಂಬುಡು ಬಂಗಾಡಿಗ್, ಗಂಗವಾಡಿ ಪಂದ್ ಪುದರ್ ಇತ್ತ್ಂಡ್, ತಿರ್ತ ಬಂಗವಾಡಿ (ಗಂಗವಾಡಿ)ಡ್ ಗಂಗವಂಶೂಗು ಸೇರಿ, ಚಂದ್ರಶೇಖರ ಪಕ್ಷುನಾಯೆ, ಗಟ್ಟದ ಬರಿತ ಎಲ್ಯ ಸೀಮೆನ್ ಆಳೊಂದಿತ್ತೆ, ಜೈನಕ್ಷತ್ರಿಯೇ ಆಯಿನ ಚಂದ್ರಶೇಖರಗ್, ಗಟ್ಟಸೀಮೆದ ಈ ವೂರುಡು ಎಲ್ಯ ಒಂಜಿ ದಂಡ್, ಎಳ್ಕೊಂಜಿ ಆರಂತಿಲ್ಸ್, ಎಲ್ಯ ಮಟ್ಟದ ಸಿರಿಸಂಪೊತ್ತು, ಇತ್ತ್ಂಡ್, ಹೊಯ್ಸಳ ವಿಷ್ಣುವರ್ಧನನ ಕಾಲೊಡು, ತಲಕಾಡ್‌ ಗಂಗ ಸಾಮ್ರಾಜ್ಯದಡ, ಭಾರೀ ಪಗೆ. ಈ ಚಂದ್ರಶೇಖರ ಗಂಗವಂಶದಾಯೆ ಪನ್ನಿ ಪಗೆಟ್, ತುಳುನಾಡ ಸೀಮೆಗ್ ರಾಜ್ಯ ವಿಸ್ತಾರೊಗು ಬತ್ತಿ ವಿಷ್ಣುವರ್ಧನೆ, ಚಂದ್ರಶೇಖರನ್ ಲಡಾಯಿಡ್ ಕೆರೆ, ಅಂಚನೆ ತುಳುನಾಡ್‌ದ ಆಲೂಪ ಅರಸುಲೆನ್ ಸೋಪಾಬೆ, ಚಂದ್ರಶೇಖರ ದಂಡ್‌ದ ಕಲಟ್ ತೀರ ಪತ್ನಿ ಸುದ್ದಿ ತಿಕ್ಕಿ ಬುಕ್ಕ, ಅರಸುವಂಶೂನು ಒರಿಪೊಂದು, ಅರಸುನ ಪ್ರಧಾನಿ ಕಿಲ್ಲೂರುದ ಕಿಷ್ಟಪ್ಪಯ್ಯ, ಪರ್ವದ ರಾಜಕುಮಾರ ಕಾಮರಾಯನ್ ಲೆತೊಂದು, ಅರಸುಲು ಪೂಜೆ ಮತ್ತೊಂದಿತ್ತಿನ ಶಾಂತಿನಾಥ ಜಿನ ಬಿಂಬ, 71