ಪುಟ:ಮದಿಪು ಲೇಖನೊಲು.pdf/೭೬

ರಾಮಚಂದ್ರ ಬೈಕಂಪಾಡಿ, ಸಂಜೀವ ಅಡ್ಯಾ‌, ಈಶ್ವರ ಭಟ್ ಪುತ್ತಿಗೆ, ಗಂಗಾಧರ ಎಂ. ಶಿವಾನಂದ ಕರ್ಕೆರ ಬೊಕ್ಕ ಯಾನ್ ಬರೆಯಿನ ಅತ್ತಂದ ಕೆಲವರ್ ರಚನೆ ಮನ ನಾಟಕಲು ರಂಗಪ್ರಯೋಗಡ್ ಉಡಾಲ್ ಉರಾದ್‌ಂಡ್, ಕೆಲವು ನಾಟಕಡ್ ಅಭಿನಯ ಮಲ್ಲಿನಾಕ್ಷೆ ಪ್ರತಿಭೆನ್ ಗುರುತಿಸ್‌ದ್, ಇತರ ನಾಟಕ ತಂಡದಾಕು ಅವಕಾಶ ಕೊರಿನತ್ತಂದೆ ಸಿನೇಮಡ್ ಅಭಿನಯ ಮಲ್ಪೆರೆ ಲೆಪ್ಪು ಬತ್ತಿನ ಊದ್ದಾಕ್ಲಗ್ ಪರ್ಮ ಕೊತ್ತುಂಡು. ಅಂಚನೇ ನಾಟಕ ಬರಪಿನಾಕ್ಷೆನ ಸಂಖ್ಯೆಲಾ ಹೆಚ್ಚಾದ್, ತಾನ್ ಬರೆಯಿನ ನಾಟಕ ಅಭಿನಯ ಆಯೆರೆ ಪ್ರಯತ್ನಲಾ ನಡತೊಂದಿತ್ತ್ಂಡ್. ಕೆಲವು ಸಮಯ ನಾಟಕ ಬರೆಪಿನ, ಗೊಬ್ಬುನ ಸಂಖ್ಯೆಲು ಮಸ್ತ್ ಇತ್ತ್ಂಡ್, ಅವುಲವುಲು ನಾಟಕ ನಡತ್ತ್ದ್, ಮನರಂಜನೆ ತಿಕ್ಕೊಂದ್‌ ಇತ್ತ್ಂಡ್. ನಾಟಕೊಡ್ ಸಮಾಜಡ್ ನಡಪುನ ಎಡ್ಡೆಹಾಳ್ ಬರೊಡ್, ತೂತಿನಾಯ್ಡು ಬುದ್ಧಿ ತಿದ್ದೋನುಲೆಕ್ಕ ಉಪ್ಪಡ್, ಸಮಾಜ ಬದಲಾದನೆಯಾವೊಡ್ ಪನ್ನಿ ಚಿಂತನೆಡ್ ನಾಟಕ ರಚನೆ ಆವೊಂದ್ ಇತ್ತ್ಂಡ್. ನಾಟಕ ನಡತ್‌ದ್, ಅಯಿತ ಸಾರಾಂಶನ್ ಏಂಡ್‌ದ್ ಅಭಿನಯಲಾ ಎಡ್ಡೆ ರೀತಿಡ್ ಆತ್‌ಂಡ್ ಪನ್ನಿ ತೃಪ್ತಿ ತಂಡದಾಗ್ ತಿಳ್ಕೊಂಡ, ಅಯಿಡಾ ಬಗಿತ ನಾಟಕ ಬರೆದ್‌ ಕೊರಿಯೆರ ಬತ್ತಾಯಿ ಬನ್ನಗ ಬರೆಪಿನಾಯೆಲ್ಲಾ ಉಮೇದ್ ಇತ್ತ್ಂಡ್, ನಾಟಕ ಬರೆಯೆರೆ ಚಿಂತನೆ ನಡತೊಂದಿತ್ತ್ಂಡ್. ಸಾಮಾಜಿಕದೊಟ್ಟುಗ್, ಚಾರಿತ್ರಿಕ, ಐತಿಹಾಸಿಕ ಸನ್ನಿವೇಶದ ನಾಟಕೊಲುಲಾ ನಡತ್‌ದ್, ಪಿರಾಕ್‌ಡ್‌ದಾದ ನಡತ್‌ದಿತ್ತ್ಂಡ್‌ಂದ್ ನೆಂಪು ಮೂಡಾವೋದಿತ್ತ್ಂಡ್. ಕಾಲ ಬದಲಾಯಿಲೆಕ್ಕ ನೂತನ ತಂತ್ರ ಜ್ಞಾನ ಹೆಚ್ಚಾದ್ ಟಿ.ವಿ. ಹೆಚ್ಚಿನ ಇನ್ಸ್‌ಗ್ ಸೇರಿಬೊಕ್ಕ ರಂಗಭೂಮಿ ರಂಗ್ ಕಳೆಯೋಂದುಂಡು ಪಂಡ ಸುಳ್ಳಾವಂದ್ ನಾಟಕಡ್ ರಂಗ್ ಪಾಡೊಂದು ಇತ್ತಿನಾಕ್ಸೆಡ್ ಸಮಯದ ಅಭಾವದ ಸ್ವರಕೇನೊಂದು ಬರೋಂದುಂಡು, ಒತ್ತಾಯಡ್ ನಾಟಕ ಗೊಬ್ಬುನ ಅವಕಾಶ ಕೊರ್‌ಂಡಲ, ಅಭ್ಯಾಸಗ್ ಸರಿಯಾದ್ ಬರಂದೆ, ನಾಟಕದಾನಿ ತನ್ನ ಪಾತ್ರನ್ ನಿರೂಪಿಸುವೇಂದ್, ದಿನನಿತ್ಯದ ತರಬೇತಿನ್ ತಪ್ಪಾದ್, ತೊಂದರೆ ಕೊರಿನ ಹೆಚ್ಚಾಂದ್ ಕೇನ್ಸ್ ಬನ್ನಗ 'ನಾಟಕ ದಾಯೇಂದ್‌' ಸಂಸ್ಥೆದಾಕೈಗ್ ಪ್ರಶ್ನೆ ಮೂಡುನಲಾ ತಪ್ಪತ್ತ್. ಒಪ್ಪಿ, ಬೊಕ್ಕ, ಕೊರಿ ಭಾಷೆದ ಲೆಕ್ಕ ನಡಪೊಡು. ಉಂದು ಹೆಚ್ಚಾದಾಕ್ಸೆಗ್ ಮದಪಾಂಡ್ ಒರಿ ಒಂಜಿ ದಿನ, ನರಿ ನನೊಂಜಿ ದಿನ ಬರಂದೆ ಇತ್ತಂಡ, ಬಾಕಿದಗ್ ಆಪಿ ತೊಂದರೆ ಅರ್ಥ ಆವಂದೆ ನಾಟಕ ಗೊಬ್ಬುನನೇ ಕಡಿಮೆ ಆತ್‌ಂಡ್. ಅಂಚನೆ ನಾಟಕ ರಚನೆ ಪ್ರಕಟಣೆ ಕಡಿಮೆ ಆತ್‌ಂಡ್. 68