ಪುಟ:ಮದಿಪು ಲೇಖನೊಲು.pdf/೭೪

ರಂಗ್ ಕಳೆಯೋಂದಿ ರಂಗಭೂಮಿ! ಪಿ.ಎಸ್. ಕಾವ್ ಈ ಭೂಮಿಡ್ ನರಮಾನಿಯಾದ್ ಪುಟ್ಟಿ ಬೊಕ್ಕ ತನ್ನ ಬದ್ ಎಂಚ ರೂಪು ಪಡೆಯೊಡೂಂದ್ ವಿದ್ಯೆ-ಬುದ್ದಿನ್ ಪಡೆಯೊಂದ್, ಬುಲೆದ್ ಬನ್ನಗನೇ ಚಿಂತನೆ ಮೂಡಾದ್, ತಾನ್ ಮಲ್ಪೆಯಾಯಿ ಬೊಕ್ಕ ಇಂಚ ಆಪೇಂದ್ ನಿರ್ದಾರೊಡ್ ಪನ್ನಿನ ಕೇಂಡ್. ಮಲ್ಲೆಯಾದ್, ತನ್ನ ಕಾರಮಿತ್ ಉಂತುದು, ಸಂಸಾರಿಯಾಯಿಬೊಕ್ಕ, ತನ್ನ ಇಲ್ಫ್, ಸಮಾಜಗಾದ್ ದಾನಾಂಡಲ ಸೇವೆ ಮಲ್ನೋಡ್, ನಾಟಕ, ಸಿನೇಮ ತೂನಗ ತಾನಾ ಕಲಾವಿದ ಆವೊಡ್, ತಿಕ್ಕಂದಿ ಅವಕಾಶಗಾದ್ ಪ್ರಯತ್ನ ಮಲ್ಪುನ ಸ್ವಾಭಾವಿಕ. ತಿಕ್ಕಿ ಅವಕಾಶೆಡ್ ನಾಲ್ ಜನ ಗುರುತಿದ್‌, ಅಭಿನಯದ ಬಗ್ಗೆ ಪುಗಾರ್‌ಂಡ, ತನಡ್ ದೆಂಗ್‌ಬ್ ಇತ್ತಿನ ಪ್ರತಿಭೆ, ಬೊಲ್ಬುಗ್ ಬತ್ತ್ಂಡ್‌ಂದ್ ವರ್ಮ ತನ್ನಾತಿಗೆ ಮೂಡ್ಸ್ ಬಪ್ಪುಂಡ್. ಹೆಚ್ಚಿನಾಕ್ಕು, ತನ್ನ ಬಕ್ಕುಗಾದ್, ಸೇರೋಂದಿನ ಕೋಡಿಡ್ ಪಂಡಿ ಬೇಲೆ ಮುಗಿಪಾದ್ ಇತ್ತ್ ಸೇ‌, ಸಂಸಾರ ದೊಟ್‌ಗ್, ಊರುಡು ನಡತಿನ ಸಂಗತಿ, ಸಂಬಂಧದಾಕು ಮತ್ತೆ ಎಡ್ಡೆ-ಹಾಳ್‌ ಚರ್ಚೆ ಮಲ್ತ, ದಿನತ ಅವಧಿನ್ ಪರಡಿ- ಪಟ್ಟಾಂಗಡೆ ಮುಗಿದಾತ್ ಆರಾಮೊಡ್ ನಿದ್ರೆ ಮಲ್ತ್‌ದ್, ತನ್ನ ಇಲ್ಲದ ಬಗ್ಗೆ ಚಿಂತನೆದ್ ದಿನದೆಪ್ಪುವೆರ್, ತನ್ನ ಸಂಸಾರದನೇ ಎಡ್ಡೆ ವುಗಾದ್ ಚಿಂತನೆ ಮಲ್ತದ್, ಎಂಚಿನ, ಓಲು, ಎಂಚಾವೊಡ್‌ಂದ್ ಬದ್‌ನ್‌ ರೂಪಿಸುವೆರ್. ಅಂಚನೆ ಕೆಲವೆರ್, ತಾನ್ ಎನ್ನಿಲೆಕ್ಕ ಆವೊಡ್ಡಿಂದ್, ತನ್ನ ಬೇಲೆ ಮುಗಿಬೊಕ್ಕ, ಇಲ್ಲಿ ಸೇರಂದ ದೋಸ್ತಿನಾಕ್ಷೆ ಒಟ್ಟುಗ್ ಸೇರ್, ಬೋಡ್ಕಾಂದಿನ ಅಭ್ಯಾಸಲೆಡ್ ಬೂರ್, ಇಲ್ಲ ದಾಕ್ಲನ್ ಬೊಡಿದೆತ್ತ್ದ್, ಕುಶಿ ಬತ್ತಿಲೆಕ್ಕ ನಡತ್‌, ಮಾತೆಲ್ಲಾ ನರಕ ಮಲ್ಪಾದ್, ಇಲ್ಲದಾಕ್ಷೆನ್ ಸೋಪಾವರ್, ಉಂದು ಬದ್‌ದ ಒಂಜಿ ರೂಪು. ಇಡೀ ದಿನ ಬೆಂದಿ ಜೀವನ್ ಮನರಂಜನೆ ಬೋಡು. ಉಂದೆನ್ ಪಡೆಯೆರ ಸಿನೇಮಾ, ನಾಟಕ, ಭಜನೆ, ಕ್ರೀಡೆ ಇಂಚಿನ ಮಾತ ಜಾಗಗ್ ಪೋದು, ಬೈಯದ ಪೊರ್ತು ಕಳೆವುನ ಕೆಲವೆರ ಅಭ್ಯಾಸ. ಅಯಿಟ್ ಮುಖ್ಯ ನಾಟಕ ಕೆಲವು ವರ್ಷದ ಪಿರಾವ್‌ಡ್, 66