3 > ತುಳುನಾಡ್‌ಡ್ ಹೆಚ್ಚಿನ ಸಂಖ್ಯೆಡ್ ಉದ್ಯೋಗ ಸೃಷ್ಟಿ ಆಪಿನ ಯೋಜೆನೆಲು ಕಾರ್ಯಗತ ಆವೊಡ್! ಕುಂದಾಪುರ ತಾಲೂಕ್‌ದ ಹಾಲಾಡಿ ತುದಕ್ ವೆಂಟೆಡ್ ಡ್ಯಾಂ ಕಟ್ಟದ್ ಅರೆಗಾಲೊಡ್ ನೀರ್ ಸಂಗ್ರಹ ಮಲ್ತ್‌ದ್ ಆ ನೀರ್ನ್ ಮಲ್ಲ ಮಲ್ಲ ಪೈಪುಲೆಡ್ ಬಾಳೆಬರ ಘಟದ ಬರಿಟ್ಟೆ ಪಂಪು ಮದ್ ಸಾಗಾದ್ ಗಟ್ಟದ ಎತ್ತರ ಜಾಗೆಡ್ ಬುಡ್‌ದ್ ನೀರ್ ಗುರುತ್ವಾಕರ್ಷಣೆದ ಮೂಲಕ ಶರಾವತಿ ಸುದೆಕ್ ಸೇರ್‌ಂಡ್, ಬರ್ಸ ಕಮ್ಮಿ ಬತ್ತಿನ ವರ್ಸಲಾ ತುದೆ ದಿಂಜಿದ್ ಲಿಂಗನಮಕ್ಕಿಡ್ ವಿದ್ಯುಚ್ಛಕ್ತಿ ಉತ್ಪಾದನೆಗೆ ಕೊರತೆ ಆವಂದ್. ಇಂದತ್ತಂದೆ ಬೊಕ್ಕೊಂಜಿ ಮಲ್ಲ ಮಲ್ಲ ಪೈಪು ಜೋಡಣೆ ಮಲ್ತ್‌ದ್ ಕುಮುದೈತಿಡು ಸೇರಾಂಡ ಅರೆಗೊಲೆಡ್ ನೀರ್ ಇಜ್ಯಾಂದ ಬುಳೆ ನುಂಗುನ ಪ್ರದೇಶ ಆದಿತ್ತಿನ ಹಾವೇರಿ ಜಿಲ್ಲೆದ ಇತರ ಭೂಮಿಲು ನೀರಾವರಿಗ್ ಒಳಪಡ್‌ದ್‌ ಅಲ್ಪದ ರೈತರೆನ ಬದ್‌ಕ್ ಎಡ್ಡೆ ಆಪಿನೆಡೆ ಸಂಶಯ ಇಜ್ಜಿ, ಈ ಯೋಜನೆ ಸಾಧ್ಯವಾವಂದ್ ಪಂಡ್‌ದ್ ಪನ್ನಿನಕ್ಕುಲಾ ಉಲ್ಲೆರ್, ಆಂಡ ಕುಡ್ಡದ ಹಿಂದುಸ್ಥಾನ್ ಪೆಟ್ರೋಲಿಯಂದು ಮಲ್ಲ ಮಲ್ಲ ಪೈಪುಲೆಡ್ ಶಿರಾಡಿಗಟ್ಟದ ಮುಖಾಂತರ ಮಂಗಳೂರ್‌ ಬೆಂಗಳೂರ್‌ಗ್ ಪೆಟ್ರೋಲ್ ಸಾಗಾಟ ಮಲ್ಪುನ ಯಶಸ್ವೀ ಯೋಜನನ ತೂನಗ, ಉಂದು ಆವಂದ್ ಪನ್ನಿನ ಪಾತೆರ ಪೊಕ್ಕಡೆ! ಅಂಚೆನೆ ನೇತ್ರಾವತಿ ತುದೆತ್ತ ನೀರ್‌ಗಾತ್ರ ಮಲ್ಲ ವೆಟೆಂಡ್ ಡ್ಯಾಮ್ ಕಟ್ಟದ್ ನೀರ್ನ್ ಅರೆಗಲೊಡ್ ಸಂಗ್ರಹ ಮಲ್ತ್‌ದ್ ಕುಡ್ಲದ ಪೇಂಟೆಗೆ ಪರೆರೆ ನೀ ಸಂಗ್ರಹ ಮಲ್ಪುನ ಯೋಜನದ ಅನುಷ್ಠಾನ ಮಲ್ಪುನಲಾ ಅಗತ್ಯವುಂಡ್! ತುಳುನಾಡ ತುದಕ್ಲು ಮರಿಯಾಲೊಡ್ ಭಾರೀ ಪ್ರಮಾಣಿಕೊಡ್ ನೀರ್ನ್ ಕಡಲ್‌ಗೆ ಸೇರಾವುಂಡ್ "ಕಡಲ್ ನಿಲಿಕೆ" ಆದ್ ತಮಲ್‌ದ್‌ ಕಡಲ ಬರಿಟ್ಟಿತ್ತಿನ ಭೂಮಿಲೆಗ್ ಕೊರೆವುಂಡ್. ಇಂದೆರ್ದಾತ್ರ ಭಾರೀ ಕಷ್ಟನಷ್ಟೊಲೆಗ್ ಅನುಭವಿಸೊಡಾತ್‌ಂಡ್, ಈ ತುದೆಕೈನ ನೀರ್ ಸದ್ಬಳಕೆ ಆಪಿಲೆಕ್ಕ ನಮ್ಮ ವಿಜ್ಞಾನಿಲು ಸಂಶೋಧನೆ ಮಲ್ಪುನ ಅಗತ್ಯವುಂಡು! 魚燒機 65
ಪುಟ:ಮದಿಪು ಲೇಖನೊಲು.pdf/೭೩
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
