ಪುಟ:ಮದಿಪು ಲೇಖನೊಲು.pdf/೬೯

3 ಉಲಯಿ ಪುಟ್ಟುಂಡು, ಏರೆಗ್ಲಾ ತೋಜಂದೆ ಗುಪ್ತಗಾಮಿನಿಯಾದ್ ಪುಟ್ಟುದ್ ಭೂಮಿದಡಿಯನೇ ಶಿಲೆಕಲ್ಡ್ದ ಎಲ್ಯ ಕುಡೆ-ತೋಡುಡೆ ಪರತೊಂದು ಪೋದ್, ಕೆಲವು ಕಿಲೋ ಮೀಟರ್ ದೂರೊಡ್ ಎಳನೀರು ಘಟ್ಟ ಪನ್ನಿನಲ್ಪ ಪುಟ್ಬದ್ ತುದೆತ್ತ ಆಕಾರೊಗ್ ಬಪ್ಪುಂಡ್. ಇಂದಕ್ಕೆ ನೇತ್ರಾವತಿ ತುದೆ ಪಂಡ್‌ದ್ ಪುದರ್, ಈ ತುದೆ ಬಂಗಾಡಿ ಕಣಿವೆಗ್ ತಿಗ್‌ತ್ತೊಂದೆ ಪೋದ್, ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥ ಸ್ವಾಮಿ ದೇವಸ್ಥಾನದ ಕೈತಲ್ಲೆ ಪರತೊಂದು ಪೋಪುಂಡು, ಈ ತುದಕ್, ಕುಮಾರ ಪರ್ವತೊಡ್ ಪುಟ್ಟುನ ಕುಮಾರಧಾರ ತುದೆ ಸುಬ್ರಹ್ಮಣ್ಯ ದೇವಸ್ಥಾನ ಕೈತಲ್ಲೆ ಪರತೊಂದು ಬತ್ತ್ದ್ ಸೇರುಂಡ್, ಹಾಸನ ಜಿಲ್ಲೆದ ಸಕಲೇಶಪುರ ತಾಲೂಕ್‌ದ ಹೆಗ್ಗದ್ದೆ ಪನ್ನಿನಲ್ಪ ಕೆಂಪೊಳೆ ಪನ್ನಿನ ಕೈತುದೆ ಪುಟ್ಟದ್ ಕುಮಾರದಾರ ತುದೆನ್ ಸೇರುಂಡ್, ಕುಡ್ಲದ ಪೇಂಟೆಡ್ ಫಲ್ಗುಣಿ ತುದೆನ್ ನೇತ್ರಾವತಿ ತುದೆ ಸೇರ್‌‍ ಒಟ್ಟಿಗೇ ಅರಬ್ಬಿ ಸಮುದ್ಯೋಗ್ ಸೇರುಂಡ್. ನೇತ್ರವಾತಿ ತುದೆತ ನೀರ್‌ನ್ ತುಂಬೆ ಪನ್ನಿನಲ್ಬರ್ದ್ ಕುಡ್ಲದ ಪೇಂಟೆದ ಜನಕ್ಷೆಗ್ ಪರೈರೆ ಒದಗುವುನ ವ್ಯವಸ್ಥೆ ಉಂಡು. ದುಷ್ಟರೆನ್ನ ಶಿಕ್ಷಿಸಾದ್ ಶಿಪ್ಪೆರೆಗ್ ರಕ್ಷಣೆ ಮಲ್ಪೆರೆ ಭಗವಂತೆ ಪತ್ತ್ ಅಬತಾರೋನ್ ದೆತ್ತೊಂದಿನ ನನ್ನ ಮಾತೆರೆಗ್ಲಾ ಗೊತ್ತುಂಡು, ಈ ದಶಾವತಾರದ ಪೈಕ್ ವರಾಹ ಅಬತಾರೊಡ್ ನೇತ್ರಾವತಿ ತುದೆ ಪುಟ್ಟುಂಡು ಪನ್ನಿನೆಕ್ ಒಂಜಿ ದಂತಕಥೆಯಿತ್ತ್ಂಡ್, ಚಿಕ್ಕಮಗಳೂರು ಜಿಲ್ಲಾ ಗಜೆಟಿಯರ್ ದಾಖಲ್ ಮಲ್ಸ್‌ದಿನ ಆಧಾರೊಡ್ ಮಾಹಿತಿಲೆನ್ ಈ ತಿರ್ತ ಒದಗಾದ್‌ಂಡ್ : ಪುರಾಣ ಕಾಲೊಡು ಹಿರಣ್ಯಾಕ್ಷೆ ಪನ್ನಿನ ರಕ್ಕಸೆ, ಭೂಮಿನ್ ತನ್ನ ವಶೆಕ್ಸ್ ದೆತ್ತೊಂದ್ ಅವೆನ್ ಕಡಲ ನೀರ್‌ಡ್ ಮುರ್‌ಾಯೆ. ಅಪಗ ವಿಷ್ಣು ದೇವೆರೆಗ್ ಮಾತೆಲ್ಲಾ ಮೊರೆ ಪೋಯರ್, ವಿಷ್ಣು ದೇವರ್ ವರಾಹ (ಕಾಡಪಂಜಿ) ಅಬತಾರ ತಾಳ್ ಪಾತಾಳೊಗ್ ಪೋನ್ ರಕ್ಕಸೆರೆನ್ ಪೂರಾ ಕೆರ್‌, ಭೂಮಿನ್ ಪಾತಾಳೊರ್ದ್ ಮಿತ್ತ್ ದೆರ್ತ‌. ಇತ್ತ ಕಡಲ ಮಟ್ಟೋದ್ ಕುದುರೆಮುಖ ಶಿಖರ 6173 ಅಡಿ ಎತ್ತರೊಡ್ ಉಂಡು. ಇಂದೆತ್ತ ಬರಿಟ್ಟೆ ಭಗವತಿ ಪನ್ನಿನ ಕಾಡ್‌ಡೆ ವರಾಹ ಪರ್ವತ ಉಂಡು. ಪುರಾಣ ಕಾಲೊಡ್ ಭಗವಂತೆ ವರಾಹ ಅಬತಾರ ತಾಳ್ ಕೋಪೊಡ್ ತನ್ನ ಬಲತ್ತ ದಾಡೆಡ್ ಭದ್ರವಾದ್ ಭೂಮಿಗ್ ಕುಟ್ಟಿನದಾತ್ರ ನೀ‌ ಒಸರ್‌ದ್ ಒಂಜಿ ತುದೆತ್ತ ಆಕಾರೊಡೆ ಪರಪ್ಪರೆ ಸುರುವಾಯಿನೆದಾತ್ರ ಐಕ್ ಭದ್ರಾ ತುದೆ ಪಂಡ್‌ದ್ ಪುದರ್ ಆಂಡ್. ಅಂಚೆನೇ ಉತ್ತುಂಗೊಡ್ (ಎತ್ತರೊಡ್) ತನ್ನ ಹಸ್ತ ಕೊಂಬುಡ್ ಭೂಮಿಗ್ ಕುಟ್ಟಿನದಾತ್ರ ಅಲ್ಪಲಾ 61