ಪುಟ:ಮದಿಪು ಲೇಖನೊಲು.pdf/೬೧

ಓ ಬೇಲೆ ಕಬಿತೆದ ಉಳ ಮರ್ಗಿಲ್ ಓ ನವೀನ್ ಕುಮಾರ್ ಮರಿಕೆ 3 ತುಳು ಜನಪದ ಸಾಹಿತ್ಯದ ಒಂಜಿ ಮಲ್ಲ ಎಗ್ಗೆ ಕಬಿತೊಲು, ಬೆನ್ನಿದ ಕಂಡೊಲೆಡ್ ನೇಜಿ ನಡುನ ಪೊಂಜೆನಕ್ಸ್ ಕಬಿತೆಲೆನ್ ಪನ್ಸರ್, ತುಳುನಾಡ ಕಂಡೊಲೆಡ್ ಸಾಧಾರಣವಾದ್ ನೇಜಿದ ಬೇಲೆ ಮಲ್ಪುನಕುಲು ಪೊಂಜೆನಕುಲು, ನೇಜಿ ನಡುನ ಪೊಂಜೆನಕ್ಕೆ ಗು0ಪುಡು ಒರ್ತಿ ಕಬಿತೊದ ಒಂಜೊಂಜೇ ಸಾಲ್ ಪನೊಂದು ಪೋಪಲ್ ಕಂಡೊಡಿತ್ತಿ ಬಾಕಿದ ಪೊಂಜೆನಕುಲು ಕಬಿತೆದ ಪಲ್ಲವಿನ್ ಮಾತ್ರ ಪನ್ನೆರ್. ಅಂಚಾದ್ ಕಬಿತೆದ ಪೂರಾಪಾಠ ತಿಕುನೆ ಒರ್ತಿಡೇ. ಪೊಣ್ಣಮನಸ್‌ದ ಬೇನೆ-ಬೇಸರ್, ಸುಕೊದುಕ್ಕೊ, ವಿನೋದ-ವಿಡಂಬನೆ, ಆಸೆ-ಆಕಾಂಕ್ಷೆ ಇಂಚ ಪಾಕ ವಿಷಯೊಳು ಕಬಿತೆಲೆ ಉಳ ಮರ್ಗಿಲ್‌ಡ್ ಸೇರುಂಡು. ಕಬಿತೆಲು ಏತ್ ಉಲ್ಲ ಪಂಡ್‌ದ್ ನಿರ್ದಿಷ್ಟವಾದ್ ಪನ್ಯರೆ ಆಪುಜಿ. ಆಂಡ ತುಳುತ್ತ ಪಾಡ್ಡನೊದ ತುಪ್ಪೆ ತೂದ್ ಕಬಿತೆಲೆಗ್ ಹೊಲಿಸಂಡ-ಕಬಿತೆಲೆ ಸಂಖ್ಯೆ ಆತ್ಮನೇಲ್ಯವತ್. ಪಾಡ್ಡನೊದ ವಿಷಯ ವ್ಯಾಪ್ತಿಲ ಕಬಿತೆಲೆಗ್ ಇಜ್ಜಿ. ಆಂಡ ಬಂಜದ ಬೇಲೆದ ನಡುಟು ಕಬಿತೆಲೆನ್ ಪಂನೊಂದು ಜೀವನೋತ್ಸಾಹ ತೊಜವುನ ತುಳುವರೆ ಪೊಂಜೆನಕ್ಕೆ ಜೀವನೋತ್ಸಾಹ ಮೆಟ್ರೊಡಾಯಿನವು. ಕಬಿತೆಲೆ ಪ್ರೇಜನೂನು ವಿದ್ವಾಂಸರ್ ಇಂಚ ಪಟ್ಟಿಮಲ್‌ದೆರ್. 0. ಎಚ್ಚೆಲ್ ಮದಪುಂಡು 9. ಬೆನ್ನಿನ ಬೇಲೆಡ್ ದಕ್ಷತೆ ಎಚ್ಚುಂಡು. a. ಬೆನ್ನಿನಕ್ಕೆ ಮನಸ್‌ಸ್ ಕುಸಿ ಆಪುಂಡು. 53