ಪುಟ:ಮದಿಪು ಲೇಖನೊಲು.pdf/೫೮

! ದಾಯೆ? ಮೇಲ್ತಾತಿದಾಯಗ್ ವ್ಯಕ್ತಿ (ನಲಿಕೆದಾಯೆ) ಬೊಕ್ಕ ಶಕ್ತಿ (ಭೂತ)ದ ವ್ಯತ್ಯಾಸ ದಾಯೆ ಗೊತ್ತಾಪುಜಿ? ಕೆಲವು ಮನಸುಲೆಡ್ ಅಸ್ಪೃಶ್ಯತಾ ಭಾವನೆದ ಬೇರ್ ಏತ್ ನಾಟ್‌ ಪೋತುಂಡು ಪನ್ನಿನೆನ್ ನೆಟ್ ಅರ್ಥ ಮಲ್ಲೊನೊಲಿ, ಅಂಚಂದ್ ನಲಿಕೆದಕ್ಕೆನ್ ತನ್ನ ಇಲ್ಡ್ದ ಅಟಿಲ್ಲ ಕೋಣೆಡ್ ಕುಲ್ಲಾದ್ ಒನಸ್ ಪಾಡುನಂಚಿತ್ತಿ ಕೆಲವು ಎಡ್ಡೆ ಮನಸ್‌ ಮೇಲ್ವಾತಿದಕುಲ್ಲಾ ಉಲ್ಲೆರ್ ಪನ್ಸುನೇನ್ ಮದಪೆರಾಪುಜಿ ಆಂಡಾ ಅಸ್ಪೃಶ್ಯತೆನ್ ನನಲಾತ್ ಬುಲೆಪಾವುನಂಚಿತ್ತಿ ಮನೋಭಾವದಕ್ಕು ಇನಿಕ್ಲಾ ಉಲ್ಲೆ‌ಂದಾಂಡಾ ನೆಕ್ಕೋ ನಲಿಕೆದಕ್ಷೆನ ಮೌಡ್ಯಲಾ ಒಂಜಿ ಕಾರಣವಾದುಂಡು. D ಬಗ್‌ನಾಯಗ್ ಒಂಜಿ ಗುದ್ದು ಎಚ್ಚಿಗೆ, ಪೋಡುನಕ್ಲಿತ್‌ಂಡಾ ಪೋಡಿಪಾವುನಕಲುಲಾ ಉಪ್ಪುವೆರ್, ನಲಿಕೆದಕುಲ್ನ ಇಚಾರೊಡ್ತಾ ಆತ್‌ನಿ ಈತೆ. ನಲಿಕೆದಕ್ಕು ಮಿತಿ ಮೀರ್ ಬಗ್ಯೆ‌, ಪೋಡೈರ್, ಮೇಲ್ಬಾತಿದ ಕೆಲವು ಜನ ಬೊಡಾಯಿನಾತ್ ಗುಟ್ಕರ್, ಪೋಡಿಪಾಯರ್, ನಲಿಕೆದಕ್ಕು ಬಗ್ಗು ನೇಲ್ಲಾ ಪೋಡ್ಯುನಾ ಬುಡೆಯೆ‌ಂದಾಂಡಾ ಬಾಕಿದರು ಗುದ್ದುನೆಲ್ಲಾ ಪೋಡಿಪಾವುನನ್ನಾ ಉಂತಾವರ್. ಏರಗೇ ಆವಡ್ ಸಲ್ಲುನ ಗೌರವ ಆಯನ ವ್ಯಕ್ತಿತೊನು ಹೊಂದದುಂಡು, ಪರಿನ ಕುರ ಕುಂಟುನು ತುತ್ತಿನ ಒರಿ ಬಿಕಾರಿಗ್ ಏರಾ ಗೌರವ ಕೊರಜೆ‌, ನೀಟಾದ್ ಡ್ರೆಸ್ ಮಲ್ತ್‌ದ್ ಗಂಭೀರೊಡು ವ್ಯವಹಾರ ಮಲ್ಪುನ ಶಿಸ್‌ದ ವ್ಯಕ್ತಿಗ್ ಮಾತೆಲ್ಲಾ ಗೌರವ ಕೊರೈ‌. ನಲಿಕೆದಕ್ಕು ತನ್ನ ದುತೈತ, ಬೊಕ್ಕ ಪಾತೆರುವ ಕ್ರಮೊಲೆನ್ ಎಡ್ಡೆ ರೀತಿಡ್ ದೀವೊನೊಡು. ಮಲ್ಪುನ ಬೇಲೆಡ್ ಶಿಸ್ತ್ನ್ ದೀವೊನೊಡು, ಗಂಗಸರ ಪನಂಚಿನ ದುಷ್ಟಟೊಕು ಬಲಿಯಾಯೆರೆ ಬಲ್ಲಿ, ಗಂಗಸರ ನರಮಾನ್ಯನ್ ಸಾಮಾಜಿಕವಾದ್, ಆರ್ಥಿಕವಾದ್, ಶಾರೀರಿಕವಾದ್ ನಾಶ ಮಲ್ಪುನ ಒಂಜಿ ಭೀಕರವಾಯಿನ ಪಿಡುಗು. ಎಚ್ಚಿನ ನಲಿಕೆದಕು ಗಂಗಸರ ಪರುನ ಚಟೊಕ್ಕು ಬಲಿಯಾದ್ ತನ್ನ ಬನ್ ಹಾಳ್ ಮಲ್ಲೊಂದರ್. ನಲಿಕಾದಯ ಗಂಗಸರ ಪರುನತ್ತಂದೆ ಆಯ ಕಟ್ಟುನ ಭೂತೊಗ್ಲಾ ಗಂಗಸರ ಪಾವುನ ಕ್ರಮ ನಡತೊಂದು ಬತ್ತಿನವೊಂಜಿ ದುರಂತ, ಭೂತೊಲು (ಪಿರಾಕ್‌ದ ಕಾಲದ ಬೀರ ಪುರುಷರ್, ಪೊಣ್ಣುಲು) ಗಂಗಸರ ಪರೊಂದಿಜ್ಜಾಂಡ್, ತಾರೆ, ತಾರಿ, ಬಕ್ಕ ಈಂದ್‌ ಮರಡ್ಸ್ ಗೆಪ್ಪುನ 'ನೀರಾ' ಪನ್ನಿನ ಪಾನೀಯೊನು ದುಂಬುದನ್ನು ಪರೊಂದಿತ್ತೆರ್. ನೆಟ್ಸ್ ಮರ್‌ದ ಗುಣ ಇತ್ತಿನೆದ್ದಾವರ ಈ ಪಾನೀಯ ಆರೋಗ್ಯೂಗು ಎಡ್ಡೆ ಪನ್ನಿನ ನಂಬಿಕೆ ಅಕ್ಷೆಗಿತ್ತ್ಂಡ್. ಆಂಡಾ ಇನಿ ಅಷ್ಟೇ ನೀರಾಗ್ ದಾದ ಮಾತಾ ಕೆಮಿಕಲ್ಸ್‌ನ್ ಮಿಶ್ರ ಮಲ್ತ್‌ದ್ ಅವೆಟ್ ಅಮಲ್‌ನ್ ಪುಟ್ಟಾದ್ ಆರೋಗ್ಯಗು ಹಾಳಾಯಿನ ಕಳಿನ್ ತಯಾರ್ ಮಲ್ಪುವೆರ್. ದುಂಬುದನ್ನು ಪರೊಂದಿತ್ತಿನ ನೀರಾಡ್ ಅಮಲ್ ಇಜ್ಜಾಂಡ್. ಅಂಚಾಂಡಾ 50