ಪುಟ:ಮದಿಪು ಲೇಖನೊಲು.pdf/೫೭

ಆರಾಧನೆ ಮಲ್ಪೆರೆ ಕಾರಣ ಆಯಿನಕ್ಕು ಬಲ್ಲಾಳಜನಾಂಗದಕ್ಕು, ಕೊರಗ ತನಿಯೆ, ಬೊಕ್ಕ ಮುಗೆರ ದೈವೊಲೆನ್ ಎಚ್ಚಾದ್ ಬಿಲ್ಲವ ಜನಾಂಗದನ್ನು ಆರಾಧನೆ ಮಲ್ಪುವೆರ್. ಕೊರಗ ತನಿಯೆ, ಮುಗರ ದೈವೊಲು, ಕಾನದ ಕಾಟದರ್ ಬಿರುವರ, ಬಬ್ಬು ದೈವ ಬಂಟೆರ ಆಶ್ರಯ ಪಡೆಯಿನವೆನ್ ಆಯಾಯ ಬೂತೊಲ ಪಾಡ್ಡನೊಲೆಡ್ ನಮ ತೆರಿಯೊನೊಲಿ. ತುಳುವೆರೆಗ್ ದೈವೊಲ್ಲ ಆಪಾರವಾಯಿನ ಭಯ ಭಕ್ತಿ ಉಂಡು, ಬಲವಾಯಿನ ನಂಬಿಕೆ ಉಂಡು, ತನ್ನಲೆಗಾಯಿನ ಅನ್ಯಾಯ, ಕಷ್ಟೋಲ್ನ ಬಗ್ಗೆ ದೈವೊಲ್ನ ಎದುರು ಅರಿಕೆ ಮನ್ನ ಕ್ರಮ ಆನಿಡ್ಜ್ ಇನಿ ಮುಟ್ಟಲಾ ನಡತೊಂದು ಬತ್ತ್ಂಡ್, ಕೋರ್ಟು ಕಛೇರಿಡ್ ವರ್ಷಾನುಗಟ್ಟಲೆ ನಡತ್‌ದ್ ಪರಿಹಾರ ಆವಂದಿನಂಚಿನ ಏತೋ ಸಮಸ್ಯೆಲು ದೈವ ಸನ್ನಿಧಿಡ್ ಇತ್ಯರ್ಥ ಆಯಿನ ಉದಾರ್ನೆಲು ಏತೋ ಉಲ್ಲ. ನೆಕ್ ಮಾತಾ ಕಾರಣ ಜನಕುಲೆಗ್ ದೈವೊಲ್ಲ ಉಪ್ಪುನ ಭಯ, ಭಕ್ತಿ, ನಂಬಿಕೆಲೇ ಆದುಂಡು, ಇಲ್ಲಲ್ ಒವೇ ಶುಭಕಾರ್ಯ ನಡಪೊಡುಂದಾಂಡಾ ದುಂಬು ಅಕ್ಕು ನಂಬಿನ ದೈವೊಲೆನ್ ತೃಪ್ತಿ ಪಡಿಸವುನ ಸಂಪ್ರದಾಯ. ಅನಾದಿ ಕಾಲೊಡ್ಡಿಂಚಲಾ ನಡತೊಂದು ಬತ್ತಿನವು ದೈವೊಲು ತುಳುವೆರ ಮಿತ್ ಏತ್ ಪ್ರಭಾವ ಬೀಳ್ಕೊಂಡ ಪಂಡಾ ಇನಿ ತುಳುನಾಡ್‌ದ ಎಚ್ಚಿನ ಇಲ್ಲುಲೆಡ್ ಬೂತದ ಭಂಡಾರ, ಗುಂಡ, ತಾಲು ಇತ್ತ್ದ್ ಕಾಲಕಾಲೊಗು ದೈವೊಲೆಗ್ ನೇಮ್ ತಂಬಿಲ ನಡತೊಂದು ಬಪ್ಪುಂಡು. هـ ನಲಿಕೆದಕ್ಕು ಬೂತ ಕಟ್ಟೋದಿಪ್ಪುನಗ ಆ ಶಕ್ತಿಗ್ ತಗ್‌ದ್ ಬಗ್ಸ್ದ್ ಗೌರವ ಕೊರುವ ಮೇಲ್ವಾತಿದು ಭೂತ ಪಿರಿವೆಡ್ಸ್ ಬೊಕ್ಕ ಭೂತ ಕಟ್ಟಿನ ಆ ನಲಿಕೆದಾಯಗ್ ಗೌರವ ಕೊರುಜೆ‌, ಕೆಲವು ಕಡೆಟ್ ನೇಮ್ ಕೊರುವ ಮೇಲ್ದಾ ತಿದನ್ನು ಮುಟ್ಟಿಲ್ಲಾ ಪಿರಜಾರುವೆರ್. ಮೇಲ್ಪಾತಿದಕುಲ್ನ ಜೋಕು ಪ್ರಾಯೊಡು ಏತೇ ಎಲ್ಯಕುಲಾಂಡಲಾ ಪ್ರಾಯೊಡು ಹಿರಿಯೆರಾಯಿನ ನಲಿಕೆದಕ್ಷೆನ್ ಏಕವಚನೊಡೇ ಸಂಬೋದನೆ ಮಲ್ಪುವೆರ್. ಆಂಡ ತನ್ನ ಜೋಕ್ಲಿನ್ ಮಾತ್ರಾ ನಲಿಕೆದಕ್ಷು ಬಹುವಚನೊಡೇ ಪಾತೆರಾವೊಡುಂದು ಮೇಲ್ವಾತಿದನ್ನು ಬಯಕುವೆರ್, ನಲಿಕೆದಕ್ಷೆನ್ ಕೀಲಾದ್ ತೂಪುನಿ, ಕೀಲ್ ಶಬ್ದಲೆಡ್ ಪಾತೆರುನಿ, ಅಪಹಾಸ್ಯ ಮಲ್ಪುನಿ, ಕೆಲವು ಮೇಲ್ವಾತಿದಕ್ಸೆಗ್ ಅಭ್ಯಾಸ ಆದ್ ಪೋತುಂಡು. ಸಮಾಜೊಡು ಭೂತ ನರಮನಿಡ್ ಶ್ರೇಷ್ಠ ಪಂದ್ ಮಾತೆಲ್ಲಾ ನಂಬುವ‌, ಭೂತೊಗು ನೇಮ ಕೊರುನಾಯೆ ನಲಿಕೆದಾಯಣ್ ಮೇಲ್ಪಾತಿದಾಯೆಂದ್ ಪಂಡೊಂಡೆಡಲಾ ಆಯೆ ನಂಬುನ ಭೂತೊಡು ಮೇಲ, ಅಂಚಾಂಡಾ ನೇಮೋತ್ಸವೊಡು ಶ್ರೇಷ್ಠ ಆಯಿನ ಭೂತ ಕನಿಷ್ಟ ಆಯಿನ ಭೂತೊಗು ನೇಮ ಕೊರಿನಾಯಿನ್ ಬಹುವಚನೊಡು ಸಂಭೋದನೆ ಮುನಿದಾಯೆ? ನೇಮಕೊರುನಾಯೆ ಭೂತೊನು ಏಕವಚನೊಡು ಸಂಭೋದನೆ ಮಲ್ಲುನಿ 3 49 }