ಪುಟ:ಮದಿಪು ಲೇಖನೊಲು.pdf/೫೨

ನಲಿಕೆದಕುಲು ಮಹಾನ್ ಕಲಾವಿದೆ‌ ಈ ಶ್ರೀನಾಥ್ ಮಂಗಲ್ಪಾಡಿ ಜಾತಿ ವ್ಯವಸ್ಥೆ ಪುಟೊಂದಿನಿ ಬೇಲೆದ ಆಧಾರೊಡು. ಈ ಬೇಲೆಲೆಡ್ ಕೈಕುಸುರಿದವು, ಬೆನ್ನಿ, ಬೇರಾ, - ಇಂಚ ಮಾತಾ ವಿಂಗಡನೆ ಮಲ್ಲೊಲಿ, ಒಂಜಿ ಜಾತಿದ ಬೇಲೆಗ್‌ಲಾ ಆ ಬೇಲೆನ್ ಮಲ್ಪುನ ಜಾತಿಗ್‌ಲಾ ಒವೈ ರೀತಿದ ಸಮ್ಮಂದ ಉಪ್ಪುಜಿ, ಪಂಡಾ ಜಾತಿದ ಪುದರ್ ಬೇಲೆಗ್ ಅನ್ವರ್ಥನಾಮ ಆದುಪ್ಪುಜಿ, ಬಿರನೆ ಪೂಜೆ ಮಲ್ಪುವೆ. ಕೊರಗೆ ಬಟ್ಟಿ ಮುಡೆಪೆ, ಪೂಜೆ ಮಲ್ಪುನ ಬಿರನೆರೆಗ್ ಬಿರನೆ ಪನ್ನುನ ಪುದರ್‌ ಅನ್ವರ್ಥನಾಮ ದಾಲಾ ಅತ್ತ್. ಅಂಚೆನೇ ಬಟ್ಟಿ ಮುಡೆಪುನ ಕೊರಗೆರೆಗ್ಲಾ ಆ ಪುದರ್ ಅನ್ವರ್ಥನಾಮ ಆಪುಜಿ. ಒಟ್ಟಾರೆ ಜಾತಿನ್ ವಿಂಗಡನೆ ಮಲ್ತ್‌ದ್ ಲೆಪ್ಸರೆ ಅವೊಂಜಿ ಪುದರ್‌ ಮಾತ್ರ. ಆಂಡಾ ಜಾತಿದ ಪುದರ್‌ಗ್ಲಾ ಬೇಲೆದ ಪುದರ್‌ಗ್ಲಾ ಅನ್ವರ್ಥನಾಮ ಆದಿತ್ತಿನ ಒಂಜೇ ಒಂಜಿ ಜನಾಂಗ ಪಂಡಾ ಅವು ನಲಿಕೆಗೆ ಜನಾಂಗ, ನಲಿಪುನಕುಲು = ನಲಿಕೆದಕುಲು, 'ನಲಿಕೆ' ಪನ್ನಿನವು ಬೇಲೆದ ಪುದರ್‌ಲಾ ಅಂದ್‌ ಜಾತಿದ ಪುದರ್‌ಲಾ ಅಂದ್‌, ಬೂತ ಕಟ್ಟಿದ್ ನಲಿಪುನ ನಲಿಕೆದಕುಲೆನ ಬೇಲೆ ಬೇತೆ ಮಾತಾ ಜಾತಿದಕುಲೆನ ಬೇಲೆಡ್ಜ್ ಭಿನ್ನವಾದುಪ್ಪುನವೊಂಜಿ ಇಸೇಸ. ಬೂತ ನಲಿಕೆ ಕಲಾತ್ಮಕವಾದುಂಡು. ಆರಾಧನಾ ಬಾವೊಡು ಕೂಡುಂಡು, ಮಾತವೆಸ್ಟ್‌ ಲಾ ಎಚ್ಚಿಗೆ ಬೂತ ನೃತ್ಯ ಪ್ರಕಾರೊಡು ಈ ಮಣ್ಣಿದ ಮೂಲ ನಿವಾಸಿಲೆನ ಒಟ್ಟು ಪರತಿರಿ (ಇತಿಹಾಸ) ಬೊಕ್ಕ ಪರಪೋಕು (ಸಂಸ್ಕೃತಿ) ಸೇರ್‌ದುಂಡು. ಅಂಚಾದ್ ಮಾತಾ ಜಾತಿ ಜನಾಂಗದಕ್ಕು ಬೊಕ್ಕ ಕೆಲವು ಬೇತೆ ಧರ್ಮದುಕುಲ್ಲಾ ಈ ನಲಿಕೆದಕು ಬೂತ ನರ್ತನ ಕಲೆನ್ ಗೌರವಿಸೊಂದುಲ್ಲೆರ್, ಆರಾದನೆ ಮಲ್ಲೊಂದುಲ್ಲೆರ್. ಬೂತ ಪಂಡಾ ಬೂತ ಕಾಲೊಡು ಬದ್‌ದಿತ್ತ್ದ್ ಅನ್ಯಾಯ ಅಸ್ಪೃಶ್ಯತೆದ ವಿರುದ್ಧ ಹೋರಾಟ ಮಲ್ತ್ದ್ ಕುತಂತ್ತೊಗು ಬಲಿಯಾದ್ ತೈತ್‌ ಇನಿತ ದಿನೊಟು ಪರತಿರಿಟ್ ಒರಿನಕುಲುಂದು ಅರ್ಥ, ಬೂತೊಲಾಯಿನಕ್ಕು ಪೂರಾ ಎಚ್ಚಾದ್ ದಲಿತ ಬಕ್ಕ ಪಿರ ಬೂರಿ ಜಾತಿ ದಕುಲಾದುಲ್ಲೆರ್. ಕಲ್ಕುಡೆ, ಕಲ್ಲುರ್ಟಿ, ಕೊರಗ ತನಿಯೆ, ಕೊಡ್ಡದ್ದು, ತನ್ನಿಮಾನಿಗ, ಕಾನದ ಕಾಟದೆ, ಮುಗೇರ್ ದೈವೊಲು, ಕೋಟಿಚೆನ್ನಯೆರ್ - 44