ಪುಟ:ಮದಿಪು ಲೇಖನೊಲು.pdf/೪೮

ಅತ್ತಂದೆ ನಡುಕು ದೀಪಿನ ನಡುತ ಒಡ್ಯಾಣ ಪಲ್ಲೆದ ನೇವನು ಪಾಡುವೆರ್. ಸೊಂಟಪಟ್ಟಿ ಇಜಿಂಡ ಒಡ್ಯಾಣ ದೀಪಿನಾಡ್ಡಾತ್ರ ಜುವೊದ ಮೈಕಟ್ಸ್ ಭಾರೀ ಪೊಲ್ಲಾದ್ ತೋಜುಂಡು, ಒಕ್ಕನೂಲು ಇಜಿಂಡ ನೂಲುಗು ಸಾಮಾನ್ಯವಾದ್ ಬೊಳ್ಳಿದ ಪಾಡೈರ್. ಸೊಂಟೊಗು ನೂಲು ಪಾಡುನಿ ಎಲ್ಯ ಜೋಕುಲೆನ ಬಂಜಿ ಮಲ್ಲಾವಂದೆ ಐಕೊಂಜಿ ರೂಪ ಕೊರರ ಪಂದ್ ಜನಪದರ್ ಪನ್ಸೆರ್. ಆಂಡ ಜೋಕುಲು ಮಾತ್ರ ಅತ್ ಮಲ್ಲ ಕುಲ್ಲಾ ಒಕ್ಕನೂಲು ಪಾಡುವೆರ್. ಈ ವಿಚಾರೊನು ಸೂಕ್ಷ್ಮವಾದ್ ಗಮನಿಸಾನಗ ಒಂಜಿ ವಿಚಾರ ಸ್ಪಷ್ಟ ಆಪುಂಡು. ದುಂಬುದ ಕಾಲದ ಜನಕುಲು ಮಾನ ಮುಚ್ಚಿರೆ ಕೊಮನ ಕಟ್ನನೊಂದಿಗೆಡ್ಡಾ ತ್ರ ಅಕ್ಸೆಗ್ ಒಕ್ಕನೂಲು ಪಾಡುವ ಅನಿವಾರವಾದ್‌ಂಡ್. ಬೊಲ್ಲಿದತ್ಂಡ ಪಚ್ಚೆ ನೂಲಾಂಡಲಾ ಪಾಡೊಂದಿತ್ತೆರ್. ಅವನ್ ಇತ್ತೆದ ಜನಕುಲು ಅಂಧಾನುಕರಣೆ ಮಲ್ಪುವೆರ್. ಕಾರ್‌ಗ್ ಕೆಲವು ಪದ್ದೆಯಿಲೆನ್ ದೀವೊಂದಿತ್ತ್ದ್ ಮುಖ್ಯವಾದ್ ದೀವೊಂದಿತ್ತಿನಿ ಬೊಲ್ಲಿದ ಪದ್ದೆಯಿಲೆನ್, ಬಂಗಾರ ಪದ್ದೆಯಿಲೆನ್ ಕಾರ್‌ಗ್ ದೀಪಿನ ಸಂಪ್ರದಾಯ ಬುಲೆದ್ ಬೈಜಿ, ಬಿಲೆ ಬಾಳುನ ಪದ್ದೆಯಿಲೆಗ್ ಕಾರ್‌ಗ್ ದೀಂಡ ದಕ್‌ಡ್ ಪೋಂಡಲಾ ತೆರಿಯಂದ್ ಪನ್ನಿನ ಎಚ್ಚರಡ್ಡಾತ್ರ ಐಕೆಲನ್ ಕಾರ್‌ಗ್ ದೀವಂದ ಉಡು, ಐತ ಪಿರವುಡು ಕೆಲವು ನಂಬಿಕೆಲು ಬುಲೆದ್ ಬೈದ್ಂಡ್, ಮಹ್ಮದ ಸಂದರ್ಭೋಡು ದೀಪಿನ ಕಾರುಂಗಿಲ ಏತೇ ಕಾಸ್‌ದಾಯೆಲಾ ಬಂಗಾರ ದೀಯರೆ ಬಲ್ಲಿ. ಅಂಚ ದೀಂಡ ಸೈತ್‌ ಪೋಪೆರ್ ಪನ್ನಿ ನಂಬಿಕೆ ಉಂಡು, ದೇವಿ ಅತ್‌ಂಡ ಜಗನ್ಮಾತೆ ಅತ್‌ಂಡ ಆದಿಶಕ್ತಿ ಮಾತ್ರ ಬಂಗಾರ ಕಾರುಂಗಿಲನ್ ದೀವೊನ್ನಾರ್. ಈ ರೀತಿದ ನಂಬಿಕೆಗ್ ಕಾರಣದಾಂತಲಾ ಇಜ್ಜಿ. ದೇವೆರೆನ್ ನರಮಾನ್ಯಡ್ ಪ್ರತ್ಯೇಕಿಸಾದ್ ಎತ್ತರಕ್ಕೇರಾಯರ ಈ ರೀತಿದ ನಂಬಿಕೆಲು ಚಾದುಂಡು. ಅಂಚಾದೇ ಕಾರ್‌ಗ್ ಬೊಲ್ಲಿದ ಪದ್ದೆಯಿಲೆನ್ ಮಾತ್ರ ದೀವೊನುವೆರ್, 1. ಕಾರಸರಪೊಲಿ 2. ಪೈಜಾಣಿ 3. ಒಂಕಿ 4. ಪಾಡಗ 5. ತೋಡ, ಕಾರ್‌ದ ಬಿರಲೆಗ್ ಕಾರುಂಗಿಲ ಬಕ್ಕ ಪಿಲಿಮಿಂಚಿನ್ ದೀಪ‌, ಕೊಂಬಬಿರೆಲ್ಲ ಕೈತಲ್ಲ ಬಿರೆಲ್‌ಗ್‌ ಕಾರುಂಗಿಲಲಾ ಐತ ಕೈತಲ್ಪ ಬಿರೆಲ್‌ಗ್ ಪಿಲ್ಲಿಮಿಂಚಿನ್‌ಲ್ ದೀಪೆರ್. ದುಂಬುದ ಕಾಲೊಡು ತರೆಕುಜಲ್ ಬುಲೆಪಾವೊಂದಿತ್ತಿ ಅಂಜೊವೊಲು ತರಸೂಡಿಗ್ ಕೆಲವು ಪತ್ತೆಯಿನ್ ದೀವೊಂದಿತ್ತೆರ್. ಪೂಂಜೆಯೆಲೆಕ್ಕನೆ ತಲೆಸೂಡಿಗ್ ಪೂ ದೀದ್ ಐತ ಬಲ್ಮನ ಆವೊಂದಿತ್ತಿನ ಅಂಜೊವೊಲು ಅಂಗೈ, ಮುಂಗೈಲೆಗ್ ದೀಪಿಂಚಿ ಪದ್ದೆಯಿದ ವಿವರ ಪಾಡ್ಡನೊಡು ಬರುಂಡು, ತರಕ್ ಕೂರಿ ಕುತ್ತರಿ, ಬಾವೊರಿ, ಬಪ್ಪರಿಯತ್ತಂದ ಅಂಗೈ ಬಲೆ, ಮುಂಗೈ ಸರಪೊಲಿ, ಬಕ್ಕ ಮುತ್ತು ರತ್ನದ ಉಂಗಿಲೊಲು 40