ಪುಟ:ಮದಿಪು ಲೇಖನೊಲು.pdf/೪೦

ರಾಮಾಯಣ ಮಹಾಭಾರತದಂಚಿನ ಪುರಾಣದ ಕೆಲವು ಸಂಗತಿಲು ನಮ್ಮ ಊರುಡ್ಡಾ ನಡತ್‌ಂಡ್ ಪನ್ನಿ ನಂಬೊಳಿಗಡ್ ಊರುಗು ಪುದರ್ ದೀತರ್, ಕಾಸರಗೋಡುದ ಕೈತಲುಪ್ಪುನ ಪಂಜಿಕಲ್ಡ್ದ ಬಗೆಟ್ ಇಂಚಿನನೇ ಅಭಿಪ್ರಾಯೊಲೆನ್ ಊರನ್ನು ಕೊರ್ಪೆರ್. ಒರ ಪಾಂಡವೆರೆಟ್ಸ್ ನಡುವನೆ ಅರ್ಜುನ ಈಸರ ದೇವರನ್ ತಪಸ್ಸು ಮತ್ತೊಂದುಪ್ಪುನಗ ಆಯನ ಬೀರ, ಬಿರ್ಸಾತಿಗೆನ್ ಪರೀಕ್ಷೆ ಮಲ್ಪೆರೆ ಈಸರ ದೇಬೆರ್ಲ ಪಾರ್ವತಿಲ ಬೋಂಟೆದಕ್ಕೆ ಏಸೊಡು ಬತ್ತ್ದ್ ಒಂಜಿ ಪಂಜಿನ್ ಸೃಷ್ಟಿ ಮಲ್ತದ್ ಅರ್ಜುನನ ತಪಸ್ಸಿಗ್ ತೊಂದರೆ ಕೊರ್ಪಯೆ‌. ಅರ್ಜುನ ಕೋಪೊಡು ತಪಸ್ಸಡ್ ಲಕ್ಸ್‌ ಆ ಪಂಜಿಗ್ ಪಗರಿ ಬುಡ್ಡ, ಅಷ್ಟೇ ಪೊರ್ತುಡು ಈಸರ ದೇಬೆರ್ಲ ಪಂಜಿಗ್ ಪಗರಿ ಬುಡ್ಲೆರ್, ಪಗರಿದ ಪೆಟ್ಟಿಗ್ ಪಂಜಿ ಸಲ್ಪುಂಡು. ಆಂಡ ಪಂಜಿನ ಕೆರ್ನಯೆ ಯಾನ್ ಯಾನ್‌ಂಡ್ ಇರ್ವರ ವಾಚಾಟೊಗು ಸುರು ಮಲ್ಪುವೆರ್, ಲಡಯಿ ಆಪುಂಡು...! ಲಡಯಿಡ್ ಸೋತುನ ಅರ್ಜುನೆ ಅವುಲೇ ಒಂಜಿ ಶಿವಲಿಂಗೊನು ಸೃಷ್ಟಿ ಮದ್ ಈಸರ ದೇಬೆರನ್ ಸುಗಿಪುವೆ. ಆಂಡ ಅಯೆ ಶಿವಲಿಂಗೂಗು ಪಾಡ್‌ನ ಒಂಜೊಂಜಿ ಪುರ್ಪಲ ಬೋಂಟದಾಯನ ತರೆಕ್ ಬೂರಗ ಅಯೆನೇ ಈಸರ ದೇವರ್‌ಂದ್ ತೆರಿದ್ ಮಾಪು ನಟ್ಟುವೆ. ಈಸರ ದೇಬೆರ್ ಅಯನ ತಂಕೊಗ್ ಒಲಿದ್ ಪಾಶುಪತ ಪನ್ನಿ ಪಗರಿನ್ ಉಡಿಗಿರ ಆದ್ ಕೊರ್ಪರ್, ಮೊಕ್ತನ ಪಗರಿಗ್ ಸೈಟ್‌ನ ಪಂಜಿ ಮೂಲೇ ಕಲ್ಲಾತ್‌ಂಡ್‌ಂದ್‌ ಊರಕ್ಷು ಒಂಜಿ ಕಲ್ಡ್‌ನ್ ತೋಜವ‌, ಈ ಊರೇ ಇತ್ತೇ ಪಂಜಿ ಕಲ್ಲಾತ್‌ಂಡ್. ಕೃತಲೇ ಉರುಡೂರು ಉಂಡು, ಪಂಜಿದ ಏತ್‌ಡ್ ಇರ್ವೆರ ಉರುಡುನ ಊರೇ ಉರುಡೂರು, ಈ ಉರುಡೂರೇ ಇತ್ತೆದ ಅಡೂರು. ಇಂಚೆನೇ ಪಾಂಡವರೆ ಕೆರೆ, ಪಾಂಡವರೆ ಗುಹೆ, ಅಮೇದಿಕಲ್ಸ್ ಉಂದು ಪೂರಾ ಪುರಾನೊಗು ಸಂಬಂಧ ಇನ ಊರ ಪುದರು. ಶಿಶಿಲ ಕೈತಲ್ಲ ಅಮೇದಿಕಲ್ಡ್ದ ಸರಿಯಾಯಿನ ರೂಪ ಅಮೆ ದಿಕ್ಕೆಲ್ ದೌಪದಿ ಪದ್ಮದಿಯಾದುಪ್ಪುನಗ ಅಲೆಗ್ ಅಮೆ ನೀರ್ ಮೀಯರೆ ಬೀಮೆ ಪಾಡ್ಜ್‌ನ ದಿಕ್ಕೆಲ್‌ಂದ್ ಅಲ್ಲ ಮಲ್ಲ ಪಾದೆನ್ ತೋಜವೆರ್. ಉಂದುವೇ ಊರಕ್ಕೆ ಬಾಯಿಡ್ ಅಮೇದಿಕಲ್ಸ್ ಆತ್‌ಂಡ್. ತುಳುನಾಡ್‌ಡ್ ದೇವಸ್ಥಾನ ದೈವಸ್ಥಾನಲೆಗ್ ದಾಲ ಕಮ್ಮಿ ಇಜ್ಜಿ, ದೇವಸ್ಥಾನದ ಪುದರೇ ಊರುದ ಪುದರ್ ಇತ್ತ್ನಲ ಉಂಡು. ಧರ್ಮಸ್ಥಳ, ಕಟೀಲ್, ಕಾಂತಾವರ, ಶಿಶಿಲ, ಮದವೂರು, ಸುರ್ಯ, ಕೋಟೇಶ್ವರ, ಸೋಮೇಶ್ವರ ಉಂದು ಪೂರಾ ದೇವಸ್ಥಾನದ ಪುದರ್ಲ ಅಂದ್, ಆ ಊರುದ ಪುದರ್ಲ ಅಂದ್. ಈ ಒಂಜೊಂಜಿ ಪುದರ ಪಿರವುಲಾ 32