ಪುಟ:ಮದಿಪು ಲೇಖನೊಲು.pdf/೩೪

! ತುಳುವರ್ ನಡಪಾವುನ ಜಾತ್ರೆ, ಉತ್ಸವ, ಆಯನೊಲೆಡ್ಡಾ ಸಾಂಸ್ಕೃತಿಕ ಸ್ವರೂಪೊಲು ದಿಂಜನೇ... ಬಜೀ 'ಜನಮರಾ, ಜಾತ್ರೆ ಮರಾ' ಪಿಲೆಕ ಆವಂದೆ, ಮಾತೆರೆಗ್ಲಾ ಅಯಿಟ್ ಸೇವೆದ ಪಾಲ್ ತಿಳಿದ್, ಊರೊಡಿ ಸಂಬುರ್ಮೊ ಪಸರ್, ಉಮೇದ್, ಉದ್ದು, ಉಲ್ಲಾಸ್, ಒಗ್ಗಟ್ಸ್‌ಗ್ ಇಂಬು ಕೊರುಂಡು, ಕಣ್‌ಮನಸ್ಸಿಗೆ ತಂಪು ತನ, ಕೊಬ್ಬಿನತ್ತಂದೆ ದುಂಬುದ ಪೀಳಿಗೆಗ್ ಸಂಸ್ಕೃತಿನ್ ತೆರಾವುನೆಕ್ ಸಾಯ ಮಲ್ಪುಂಡು. ಸಿರಿಜಾತ್ರೆಡ್ 'ಸಿರಿಯಾಳು'ನ ಒಂಜಿ ಇಚಿತ್ರೀತಿಡ್ ಪೊಂಜೊಲೆಗ್, ಉಡಲ್ಸ್ ಉಲ್ಲಾಸ್ ಕೊರಿನ, ಮನಸ್‌ದ ಉಳಕೊದಿ ಅರಪಾವುನ ಮಾನಸಿಕ ಚಿಕಿತ್ಸೆದ ಅಂಶ ಉಂಡುನೆನ್ ವಿದ್ವಾಂಸೆರ್ ಪರ್...ಅ ಮಾಸೆ ಮೀಪಿನಿ, ಕಡಲ್ಸ್ ಪೂಜೆ ಮುನುಲಾ ತುಳುವೆರ ಸಂಸ್ಕೃತಿದ ಬಾಗೋನೇ... ತುಳುವರಡ್ ಒಬ್ಬೇ ಒಂಜಿ ಕಾರ್ಯೊಡು ವೀಳ್ಯ ಕೊರ್ಪಿನಿ, ವೀಳ್ಯದ ತೊಂಬಿನವುಲಾ 'ಪಂಡಿ ಪಾತೆರ ತಪ್ಪುಜ ಪಿನತ ಒಂಜಿ ಮುಕ್ಯ ರೀತಿ ಆದ್ ರೂಢಿಡುಂಡು. ನರಮಾನಿನ ಉಡಲ್ಸ್ ಬಲ, ಗೆಂದುನ ಚಲ ಕೊಯ್ದು ವ್ಯಕ್ತಿತ್ವ ವಿಕಸನೊಗು ಕಾರಣ ಆಪಿನ ಗೊಬ್ಬುಲು ತುಳು ಸಂಸ್ಕೃತಿಡ್ ಏತೋ ಉಲ್ಲ! ಆಯಾಯ ಕಾಲೊಗು, ಹವಾಮಾನೊಗು ಸರಿಯಾಯಿನ ಈ ಗೊಬ್ಬುಲೆಡ್, ಚೆನ್ನೆಮಣೆ, ಪಗಡೆ, ಕಲ್ಲಾಟ, ಕುಂಟುಬಿಲ್ಲೆ, ಕಕ್ಕೆ-ಗಿಳಿ, ಕಬಡಿ, ಕಪ್ಪೆಲಾಗ, ಪಿಚ್ಚಿದಾಟ, ಕುಟ್ಟಿದೊಣ್ಣೆ, ಪಲ್ಲೆ, ಲಗೋರಿ, ಬೊಗೊರಿ, ಗಾಳಿಪಟ, ತಪ್ಪಂಗಾಯಿ, ಕೆಸರ್‌ಕಂಡೊಡು ಪಾರುನ ಸಂತ ಇಂಚಿತ್ತಿನ ಏತ್ ಬೋಡು? ಗೋಣೆರೆನ್ ಗಿಡುನ ಕಂಬುಲದಂಚಿನ ಪಂತೊಲೆಡ್ ಒಂತೆ ಶೋಷಣೆದಂಶ ಉಂಡುಡಲಾ, ಹಳ್ಳಿದಕ್ಕೆಗವು ಮನರಂಜನೆದ ಪೆರೆ, ಗಿಡ್ಡೆರೆನ್ ತಾಂಕುನ ಐತಸಿಂಗರ ಮಲ್ಪುನ, ಮೆರಣೆ ಬನ, ಗಿಡ್‌ಗೆಂದುನ, ಪದಕ ಬಲ್ಮನ ಪಡೆತೊಂಬಿನ, ಕುಂಬುಲದ ಕಂಡ ಸರಿಸರ್ಕೆ ಮಲ್ಪುನ, 'ಪನಿಕ್ ಕುಲ್ಲು 'ನ, ದೋಲು ಬೊಟುದು ನುನ.. ಇಂಚ ಮಾತೆಟ್ಟಾ ಸಾಂಸ್ಕೃತಿಕ ಅಂಬೊಲುಲ್ಲ. ಅಂಚಾದ್ ಇನಿಕ್ಲಾ ಅವು ಜನಪದ ಗೊಬ್ಬಾದ್, ನನಲಾತ್ ಗೌಜಿಗದ್ದಲ, ಗಮ್ಮತ್‌ಡ್ ನಡತೊಂದುಂಡು, 'ಗಂದಿನ ಗೋಣನ ಬೀಲ ಪತ್ತುನಿ' ಪಿನೊಂಜಿ ಗಾದೆಲಾ ಪುಟುದು ನರಮಾನಿನ ಸುಬಾವುದ ದೋಷನು ಲೆತ್ತ್ ಪುಂಡು... 'ಕೋಲ್ಡಟ್ಟಲಾ ಮನರಂಜನೆದ ಪಂತನೇ... ಆಂಡ ಅಯಿಟ್ ಹಿಂಸನೇ ದಿಂಜಿದ್ ಮಾತೆರೆಗ್ಲಾ ಮೆಚ್ಚುಜಿ, ಇಂಚಿಪ ದೂದು ಗೊಬ್ಬುಲಾ ಸೇರ್, ಒಂಜಿ ಚಟನೇ ಆವೊಂದು, ಸಂಸ್ಕೃತಿಡ್ಜ್ ದೂರ ಪೋವೊಂದುಂಡು... 26